1 Chamué 16:1 - Tupanaarü Ore

¹ Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

1 Chamué 16:1 Referans Kwoze

Norü taxre ga popera ga ãẽ̱xgacügüchiga 9:1

Rü nüma ga Tupanaarü orearü uruxü̃ ga Erichéu naxca̱x nangema ga wüxi ga norü ngúexü̃, rü ñanagürü nüxü̃: —¡Paxa cugü namexẽxẽ nax icuxũãchixü̃ca̱x! ¡Rü íyange i wüxi wexü̃ i chíxü̃, rü Garaáxanewa ngẽxmane ya ĩane ya Ramóxwa naxũ!

1 Chamué 15:23

Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

1 Chamué 15:35

Rü nüma ga Chamué rü taguma wena Chaúxü̃ nadau, natürü naxca̱x naxauxecha, yerü Tupanaaxü̃́ nangu̱x nax Chaúxü̃ Iraéanecüã̱xgüarü ãẽ̱xgacüwa nanguxẽẽxü̃.

Romanos 15:12

Rü Ichaía rü ta nanaxümatü rü ñanagürü: “Yimá Dabí nanatü ya Ichaxíwa rü tá nango̱x i wüxi i nataxa nax guxü̃ i nachixü̃anegüarü ãẽ̱xgacü yixĩxü̃ca̱x. Rü nümagü rü tá ínananguxẽxẽgü nax yimágagu Tupana nüxü̃ rüngü̃xẽxẽgüxü̃ca̱x”, ñanagürü.

1 Chamué 16:15

Rü yemaca̱x ga yema norü duü̃xü̃gü ga ngü̃xẽẽruü̃gü ixĩgüxü̃ rü ñanagürügü nüxü̃: —Pa Ãẽ̱xgacüx, wüxi i chixexü̃ i naãxẽ ya Tupana nua muxü̃ cuxna nangu, rü ngẽma nixĩ i cuxü̃ naxĩ̱xãchiãẽxẽẽxü̃.

1 Chamué 10:1

Rü yexguma ga nüma ga Chamué rü wüxiwexü̃ ga chíxü̃ nayaxu, rü Chaúxü̃ namaxã nabaeru. Rü ñu̱xũchi nüxü̃ nachúxu rü ñanagürü nüxü̃: —Cori ya Tupana cuxü̃ nayaxu i ñu̱xma nax norü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x. Rü cuma tá namaxã icucua̱x rü norü uanügü i nüxü̃ íchomaeguãchixü̃me̱xẽwa tá ícunanguxü̃xẽxẽ. Rü ngẽma cua̱xruü̃gü i nawa tá nüxü̃ cucuáxü̃ nax aixcüma Cori ya Tupana cuxü̃ unetaxü̃ nax norü duü̃xü̃gü i Iraéanecüã̱xgüarü ãẽ̱xgacü nax quixĩxü̃, rü ñaagü tá nixĩ.

1 Chamué 15:26

Rü Chamué nanangãxü̃ rü ñanagürü: —Taxũtáma cuwe chataegu erü cuma rü nüxü̃ cuxo i Cori ya Tupanaarü mu, rü ñu̱xma i nüma rü ta cuxü̃ naxo nax Iraétanüxü̃arü ãẽ̱xgacü quixĩxü̃ —ñanagürü.

1 Chamué 15:11

—Choxü̃́ nangu̱x ya Chaú nax ãẽ̱xgacüxü̃ nüxü̃ chaxunetaxü̃ erü choxna nixũgachi rü tama nayanguxẽxẽ i ngẽma chanamuxü̃ —ñanagürü. Rü nüma ga Chamué rü poraãcü naãxẽwa nangu̱x ga yema. Rü Cori ya Tupanaxü̃ nachixewe ga guxü̃ma ga yema chütaxü̃gu.

Yeremía 6:30

Rü ngẽmaca̱x “diẽrumüarü ãũãchixü̃gu”, tanaxüéga i ngẽma duü̃xü̃gü. Erü cumax, Pa Corix, rü marü nüxü̃ cuxo —ñachagürü.

Norü taxre ga popera ga ãẽ̱xgacügüchiga 9:6

Rü yexgumatama inachi ga nüma ga Yeú, rü yema orearü uruü̃maxã to ga ucapugu naxücu. Rü nüma ga orearü uruxü̃ rü chíxü̃maxã nanabaeru rü ñanagürü nüxü̃: —Cori ya Iraéanecüã̱xarü Tupana rü ñanagürü cuxü̃: “Ñu̱xma i choma rü cuxü̃ chaxuneta nax ngẽma chorü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x i nua Iraéanewa.

1 Chamué 16:23

Rü yexguma Chaúna nanguuxü̃gu ga yema naãxẽ ga chixexü̃ ga Tupana naxca̱x yéma muxü̃, rü nüma ga Dabí rü nanayaxuxü̃ ga árpa rü nanapaxüxü̃. Rü yemaacü ga nüma ga Chaú rü nataãẽãxü̃ rü naxca̱x nitaaneãxü̃, rü nüma ga naãxẽ ga chixexü̃ rü nüxna nixũgachiãxü̃.

Yeremía 7:16

Cori ya Tupana rü Yeremíaxü̃ ñanagürü: —Cuma Pa Yeremíax, tama chanaxwa̱xe i naxca̱x cuyumüxẽ i ñaa duü̃xü̃gü. Rü tama chanaxwa̱xe i choxü̃ cuca̱a̱xü̃ rü naxca̱x choxü̃ cuchixewe. Rü tama chanaxwa̱xe i chomaxã nüxü̃ quixuecha, erü taxũtáma cuxü̃ chaxĩnü.

Ichaía 55:4

Rü choma rü gumá ãẽ̱xgacüxü̃ chaxuneta nax chauétüwa yadexaxü̃ca̱x nape̱xewa ga yema togü ga nachixü̃anegü. Rü nüxü̃ chaxuneta nax namaxã inacuáxü̃ca̱x rü nangúexẽẽãxü̃ca̱x ga yema togü ga nachixü̃anecüã̱xgü.

Ichaía 11:10

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü tá wüxi i cua̱xruxü̃ nixĩ naxca̱x i guxü̃ma i duü̃xü̃gü. Rü guxü̃ i nachixü̃anegücüã̱x rü tá naxca̱x nayadaugü rü naxca̱x nangutaque̱xegü. Rü ngẽma nachica i nawa nangẽxmaxü̃ rü tá naxüüne.

Norü taxre ga popera ga ãẽ̱xgacügüchiga 9:3

¡Rü yawãxnaxü̃ i ngẽma chíxü̃ i ngẽma íquingexü̃! ¡Rü ngẽmamaxã nabaeru rü ñacurügü tá nüxü̃: “Rü ñanagürü ya Cori ya Tupana: ‘Choma rü Iraéanecüã̱xarü ãẽ̱xgacüxü̃ cuxü̃ chingucuchixẽxẽ’ ”, ñacurügü tá nüxü̃! ¡Rü ngẽmawena rü yawãxna i ĩã̱x rü íixũ rü taxuwatáma cuyachaxãchi! —ñanagürü.

Nüxíraxü̃xü̃ ga popera ga Cuáü̃ ümatüxü̃ 5:16

Rü ngẽxguma chi texé nüxü̃ da̱u̱xgu i tümaenexẽ nax pecadu naxüxü̃, rü name nixĩ nax naxca̱x yumüxẽxü̃ ega tama pecadu i iyanatauxẽẽxü̃ yixĩxgu. Rü Tupana tá nanamaxẽxẽ i ngẽma tümaenexẽ ega tama pecadu i iyanatauxẽẽxü̃ yixĩxgu. Nangexma i pecadu i tüxü̃ iyarütauxẽẽxü̃. Rü ngẽxguma ngẽma pecaduwe naxũãmagu i wüxi i peenexẽ, rü tama pexü̃ chamu nax naxca̱x peyumüxẽgüxü̃.

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Yeremía 11:14

Rü ngẽmaca̱x i cumax, Pa Yeremíax, ¡rü taxṹ i naxca̱x cuyumüxẽxü̃ i ñaa duü̃xü̃gü! ¡Rü taxṹ i choxü̃ naxca̱x cuca̱a̱xü̃xü̃ nax nüxü̃ charüngü̃xẽxẽxü̃ca̱x! Erü ngẽxguma guxchaxü̃ naxca̱x ínguxgu, rü choma rü taxũtáma nüxü̃ chaxĩnü woo chorü ngü̃xẽxẽca̱x ínacagügu.

Ichaía 11:1

Rü ñoma wüxi i naixchime irüxüxü̃rüxü̃ tá nixĩ nax Dabínatü ga Ichaxíwa nangóxü̃ i wüxi i nataxa i guxãarü ãẽ̱xgacü tá ixĩxü̃.

Popera ga Yudíugü ga yaxõgüxü̃ca̱x ümatüxü̃ 11:32

¿Rü ñu̱xma rü ta̱xacü i togü i duü̃xü̃güchigaxü̃ tá pemaxã chixuxü̃? Rü changechica nax pemaxã nüxü̃ chixuxü̃ca̱x i nachiga ga yema nũxcümaü̃güxü̃ ga ãẽ̱xgacügü ga Yedeóü̃ rü Baráx rü Chanchóü̃ rü Yeté rü Dabí rü Chamué, rü guxü̃ma ga yema nũxcümaü̃güxü̃ ga Tupanaarü orearü uruü̃gü.

Nüxíraxü̃xü̃ ga popera ga ãẽ̱xgacügüchiga 8:16

“Yema ngunexü̃ ga Equítuanewa íchanguxü̃xẽẽgucürüwa ga chorü duü̃xü̃gü ga Iraétanüxü̃, rü taguma nüxü̃ chaxuneta ya wüxi ya ĩane natanüwa ya Iraétanüxü̃ ga duü̃xü̃gü nax yimagu naxüxü̃ca̱x ya chopata ya taxü̃ne ya nawa changexmane. Natürü nüxü̃ chaxuneta ga Dabí nax chorü duü̃xü̃gü ga Iraétanüxü̃maxã inacuáxü̃ca̱x”, ñaxgu nüxü̃ ga Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:3

Rü yexguma ga nüma ga Dabí rü Cori ya Tupanape̱xewa natanüxü̃ga naxĩnü. Rü nümagü rü Dabíxü̃ chíxü̃maxã nabaerugü nax Iraéanecüã̱xgüarü ãẽ̱xgacü yixĩxü̃ca̱x. Yerü yemaacü nixĩ ga Tupana ga Chamuémaxã nüxü̃ yaxuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:4

Natürü nüma ya Cori ya Iraétanüxü̃arü Tupana rü chautanüxü̃tanüwa choxü̃ nayaxu nax guxü̃guma Iraéanearü ãẽ̱xgacüxü̃ choxü̃ yaxĩxẽẽxü̃ca̱x. Rü yemaca̱x nüxü̃ naxuneta ga Yudátanüxü̃ nax yematücumüwa ãẽ̱xgacügü íchoxü̃tanücüüxü̃. Rü yema Yudátücumüwa nixĩ ga nüxü̃ naxunetaxü̃ ga chautanüxü̃tücumü, rü yema chauenexẽgütanüwa rü choxü̃ naxuneta nax guxü̃ma i Iraéanecüã̱xmaxã ichacuáxü̃ca̱x.

Chacaría 4:14

Rü nüma ga yema daxũcüã̱x rü choxü̃ nangãxü̃ rü ñanagürü: —Ngẽma taxre ya oribune rü nachiga nixĩ i ngẽma taxre i duü̃xü̃gü i marü chíxü̃maxã íbaeruxü̃ nax nümagü rü nüxü̃́ napuracüexü̃ca̱x ya Tupana ya ñoma i naanearü yora ixĩcü —ñanagürü.

1 Chamué 17:12

Rü nayexma ga wüxi ga yatü ga Beréü̃cüã̱x ixĩcü rü Ichaxí nixĩ ga naéga. Rü nüma rü marü naya ga yexguma Chaú ãẽ̱xgacü ixĩxgu. Rü nüma ga Ichaxí rü nüxü̃́ nayexma ga 8 ga nanegü, rü wüxi ga nane rü Dabí nixĩ.