1 Chamué 15:3 - Tupanaarü Ore

³ Rü ngẽmaca̱x ¡ngéma naxũ rü nadai i guxü̃ma i ngẽma Amaréxtanüxü̃ guxü̃ma i norü ngẽmaxü̃maxã, rü taxũtáma cuxü̃́ nangechaütümüxü̃gü! ¡Rü nadai i yatüxü̃gü, rü ngexü̃gü, rü buxü̃gü, rü õxchanagü! ¡Rü ngẽxgumarüxü̃ ta nadai i norü wocagü, rü carnérugü, rü caméyugü, rü búrugü! ¡Rü bai tá i wüxi ícuyaxüxẽẽxü̃!” ñanagürü ga Cori ya Tupana —ñanagürü ga Chamué.

1 Chamué 15:3 Referans Kwoze

Iraétanüxü̃arü muxchiga 24:20

Rü yemawena ga Balaáü̃ rü Amaréxarü ĩanexü̃ nadawenü rü nüxü̃ nixu i ta̱xacü tá namaxã ngupetüxü̃. Rü ñanagürü: —Amaréx rü wüxi i nachixü̃ane i guxãxü̃ma rüporamaexü̃ nixĩ, natürü nawa tá nangu nax iyanaxoxü̃ —ñanagürü.

1 Chamué 22:19

Rü yemawena rü chacherdótegüarü ĩane ga Nóxwa naxũ ga Chaú. Rü taramaxã nanadai ga duü̃xü̃gü ga iyatüxü̃, rü ngexegü, rü buxü̃gü. Rü woo õxchanagü ya ngexwaca íxraexe tüxü̃ nadai. Rü yexgumarüxü̃ ta nanadai ga guxü̃ma ga tümaarü wocagü, rü búrugü, rü carnérugü.

Iraétanüxü̃arü muxchiga 31:17

¡Rü ñu̱xmatama penadai i ngẽma buxü̃gü i yatüxü̃ rü guxü̃ma i ngẽma ngexü̃gü i marü yatümaxã maxẽxü̃!

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Naanearü ügüchiga 36:12

Rü nüma ga Eripá rü nüxü̃́ iyexma ga wüxi ga naxma̱x ga Tiná. Rü yemawa rü nüxü̃́ nayexma ga wüxi ga nane ga Amaréxgu ãégacü. Rü yemagü nixĩ ga ngĩtaagü ga Echaú naxma̱x ga Adá.

Ínachoxü̃xü̃chiga 17:14

Rü yemawena ga Cori ya Tupana rü ñanagürü Moichéxü̃: —Chanaxwa̱xe i wüxi i poperagu cunaxümatü i ñaa daichiga nax guxü̃guma ngẽmawa duü̃xü̃gü nüxna cua̱xãchiexü̃ca̱x. ¡Rü namaxã nüxü̃ ixu ya Yochué nax choma rü tá ichayanaxoxẽẽxü̃ i ngẽma Amaréxtanüxü̃! —ñanagürü.

1 Chamué 14:48

Rü nüma ga Chaú rü nananutaque̱xe ga norü churaragü rü Amaréxtanüxü̃xü̃ narüporamae. Rü yemaacü Iraécüã̱xgüxü̃ ínanguxü̃xẽxẽ naxme̱xwa ga yema ngĩ́ta̱xagüxü̃.

1 Chamué 15:9

Natürü nüma ga Chaú rü yema norü churaragü rü tama nayama̱xgü ga gumá Amaréxtanüxü̃arü ãẽ̱xgacü ga Agáx. Rü tama nanadai ga yema rümemaegüxü̃ ga carnérugü, rü wocagü, rü wocaxacügü. Rü tama ínanagu ga yema Amaréxtanüxü̃arü yemaxü̃gü ga itatanüxü̃. Rü yema yemaxü̃gü ga taxuwama imexü̃xicatama nixĩ ga yema ínaguxü̃.

1 Chamué 15:18

Rü yexguma rü cuxca̱x choxna naxãga nax cuyada̱i̱xü̃ca̱x i guxü̃ma i ngẽma Amaréxtanüxü̃ i chixexü̃gu imaxẽxü̃ rü taxuxü̃táma nax ícuyaxüxẽẽxü̃ca̱x.

1 Chamué 27:9

Rü nanadai ga guxü̃ma ga yémacüã̱xgü, rü taxuxü̃ma ga yatüxü̃ rü ngexü̃ namaxẽxẽ. Rü naétü rü guxü̃ma ga norü carnérugü, rü wocagü, rü búrugü, rü caméyugü nayagagü. Rü woo naxchirugü rü nayana. Rü yemawena rü Aquí nawa yexmane ga ĩaneca̱x nataegu.

1 Chamué 30:17

Rü yexguma nüma ga Dabí rü norü duü̃xü̃gümaxã naxca̱x ínayagoõchi. Rü pa̱xmama inanaxügü nax nügü nada̱i̱xü̃ rü ñu̱xmata nayáuane. Rü guxü̃xü̃ma nadai. Rü 400 ga ngextü̱xüxü̃gü ga caméyugügu ibüxmüxü̃xicatama nixĩ ga íyaxügüxü̃.

2 Chamué 1:8

Yemawena rü choxna naca nax texé chixĩxü̃ i chomax. Rü chanangãxü̃ nax Amaréxtanüxü̃ chixĩxü̃.