1 Chamué 15:26 - Tupanaarü Ore

²⁶ Rü Chamué nanangãxü̃ rü ñanagürü: —Taxũtáma cuwe chataegu erü cuma rü nüxü̃ cuxo i Cori ya Tupanaarü mu, rü ñu̱xma i nüma rü ta cuxü̃ naxo nax Iraétanüxü̃arü ãẽ̱xgacü quixĩxü̃ —ñanagürü.

1 Chamué 15:26 Referans Kwoze

Ochéa 4:6

Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

1 Chamué 13:14

Natürü i ñu̱xma rü taxũtáma guxü̃gu Iraétanüxü̃maxã icucua̱x. Rü nüma ya Cori ya Tupana rü tá naxca̱x nadau i wüxi i yatü i nüma namaxã nataãẽxü̃. Rü tá nüxü̃ naxuneta nax norü duü̃xü̃güarü ãẽ̱xgacü yixĩxü̃ca̱x, erü cuma rü tama naga cuxĩnü i ngẽma cumaxã nüxü̃ yaxuxü̃ —ñanagürü.

Norü taxre ga popera ga Cuáü̃ ümatüxü̃ 1:11

Erü ngẽxguma wüxíe nüxü̃ rümoxẽgu rü ngürüãchi tá natanüxü̃ tügü tixĩxẽxẽ nawa i ngẽma chixexü̃ i naxügüxü̃.

Yeremía 6:19

¡Pa Duü̃xü̃gü i Ñoma i Naanewa Maxẽxü̃x rü nüxü̃ pexĩnüe i ñaa ore! Rü ñaa chorü duü̃xü̃güca̱x tá íchananguxẽxẽ i wüxi i taxü̃ i guxchaxü̃ i ãũcümaxü̃, nagagu i ngẽma chixexü̃ i nagu naxĩnüexü̃. Erü tama naga naxĩnüechaü̃ i chorü ucu̱xẽgü. Rü ñu̱xũchi nüxü̃ naxoe i ngẽma chorü mugü.

1 Chamué 15:23

Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

1 Chamué 15:31

Rü nüma ga Chamué rü nanayaxu nax Chaúwe naxũxü̃. Rü yemaacü ga Chaú rü Tupanaxü̃ nicua̱xüxü̃.

1 Chamué 2:30

Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.

Naanearü ügüchiga 42:38

Natürü nüma ga Acóbu rü nanangãxü̃ rü ñanagürü: —Yimá chaune ya Bẽyamíü̃ rü tama nixĩ i pewe chanamuxü̃. Yerü gumá naenexẽ ga Yúche rü marü nayu. Rü Bẽyamíü̃xicatama nixĩ ya íyaxücü. ¿Rü ngẽxguma tá ta̱xacü nüxü̃ ngupetügu i namawa rü ta̱xacü tá pexüxü̃ i pemax? Rü choma nax chayaxü̃ rü pegagu tá nixĩ i ngechaü̃maxã chayuxü̃ —ñanagürü ga Acóbu.

Ngechuchuarü ngúexü̃gü ga yamugüxü̃arü puracüchiga 13:22

Rü yemawena ga Tupana rü ínanata̱xüchi ga Chaú, rü Dabíxü̃ naxuneta nax gumá Iraétanüxü̃arü ãẽ̱xgacü yixĩxü̃ca̱x. Rü Dabíxü̃ nixuchiga ga Tupana, rü ñanagürü: “Nüxü̃ chadau rü Dabí ya Ichaxí nane rü wüxi ya yatü ya poraãcü choxü̃́ ngúchaü̃cü nixĩ. Rü nüma tá nanaxü i guxü̃ma i ngẽma choma chanaxwa̱xexü̃”, ñanagürü ga Tupana.

1 Chamué 28:18

Rü ngẽmaãcü cumaxã naxüpetü ya Tupana yerü tama naga cuxĩnü ga yema cuxü̃ namuxü̃wa rü tama cuyanguxẽxẽ ga Amaréxtanüxü̃xü̃ nax cuda̱i̱xü̃.

2 Chamué 12:9

¿Rü tü̱xcüü̃ tama naga cuxĩnü i chorü ore, rü cunaxü i ngẽma tama chauãẽwa mexü̃? Rü cuma rü Amóü̃tanüxü̃arü taramaxã cuyama̱x ya Uría ya Itítanüxü̃ rü naxma̱xca̱x cungĩ̱x.

Ochéa 13:11

Rü pemaxã chanuãcü pexna chanamu i perü ãẽ̱xgacügü, rü pemaxã chanuãcü wena pexna chanapuxü̃.

2 Chamué 7:15

Natürü tagutáma nüxü̃ charüchau nax nüxü̃ changechaü̃xü̃, rü tagutáma íchanamuxũchi yema Chaúxü̃ íchamuxuchixü̃rüxü̃ nax nachicüxü cuxü̃ chimucuchixü̃ca̱x.