1 Chamué 15:23 - Tupanaarü Ore

²³ Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

1 Chamué 15:23 Referans Kwoze

Yeremía 28:16

Rü ngẽmaca̱x ya Cori ya Tupana rü ñanagürü cuxü̃: “Choma rü tá yu cuxca̱x íchanguxẽxẽ nax ngẽmaãcü cuxü̃ ichayarüxoxẽẽxü̃ca̱x i ñoma i naanewa. Rü daa taunecügu tátama cuyu, erü ngẽma curü ore i namaxã nüxü̃ quixuxü̃gagu chomaxã cunanuexẽxẽ i duü̃xü̃gü” —ñanagürü.

1 Chamué 13:14

Natürü i ñu̱xma rü taxũtáma guxü̃gu Iraétanüxü̃maxã icucua̱x. Rü nüma ya Cori ya Tupana rü tá naxca̱x nadau i wüxi i yatü i nüma namaxã nataãẽxü̃. Rü tá nüxü̃ naxuneta nax norü duü̃xü̃güarü ãẽ̱xgacü yixĩxü̃ca̱x, erü cuma rü tama naga cuxĩnü i ngẽma cumaxã nüxü̃ yaxuxü̃ —ñanagürü.

Lebítanüxü̃arü puracüchiga 20:6

Rü yíxema naxca̱x ixũxe i ngẽma chixexü̃ i naãẽgümaxã puracüexü̃ rü ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃, rü tügütama tachixexẽxẽ. Rü choma rü tá tümachi chaxai ya yíxema duü̃xẽ rü wüxicana tá tüxü̃ ichayarüxoxẽxẽ i duü̃xü̃gütanüwa.

Gálatas 5:20

Rü tupananetachicüna̱xãgüxü̃ nicua̱xüü̃gü, rü yuüca̱x nangúe, rü aigu narüxĩnüe, rü nachoxü̃gawa̱xegü, rü ta̱xacü ninuxü̃wa̱xegü, rü nanuxwa̱xegü, rü duü̃xü̃güxü̃ naxucu̱xẽgü nax tama wüxigu naxĩnüexü̃ca̱x. Rü nayatoye i duü̃xü̃gü, rü nügü nixüxchimüü̃gü.

2 Corintios 6:16

¿Rü ñuxãcü Tupanapatawa nangẽxmaxü̃ i tupananetachicüna̱xãgü? Erü yixema rü Tupana ya Maxü̃cüpata tixĩgü, rü tawa namaxü̃ i nümax. Rü nümatama ya Tupana rü ñanagürü: “Ngẽma duü̃xü̃gütanüwa tá chamaxü̃, rü natanügu tá chayarüxũũxü̃. Rü norü Tupana tá chixĩ, rü nümagü rü tá chorü duü̃xü̃gü nixĩgü”, ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Ínachoxü̃xü̃chiga 22:18

¡Rü ngẽma ngexü̃ i yuüexü̃ rü tá peyama̱x!

Naanearü ügüchiga 31:34

Natürü ngĩma ga Raqué rü inade ga yema ngĩnatüarü tupanachicüna̱xãgü rü caméyutawaarü tochicaxü̃tüü̃gu iyacu̱xgü. Rü naétüwa irüto. Rü Labáü̃ rü ngĩpatachiãgu naxca̱x nadau, natürü taxuxü̃ma inayangau.

Naanearü ügüchiga 31:19

Rü yexguma tóxnamana norü carnérugüarü yoü̃ta̱xawa naxũyane ga Labáü̃, rü ngĩma ga Raqué rü yoxni naxca̱x ingĩ̱x ga ngĩnatüarü tupanachicüna̱xãgü ga nutagünaxca̱x.

Yox 34:37

Rü tama chixexü̃xicatama naxü i Yox natürü naétü tama Tupanaga naxĩnü. Rü tape̱xewa rü Tupanagu nidauxcüraxü̃ rü namaxã nügü tachoxü̃gagü —ñanagürü ga Eriú.

Wenaxarü naxümatü ga Tupanaarü mugü 9:7

Rü nüma ga Moiché rü ñanagürü: —¡Taxṹ i nüxü̃ iperüngümaexü̃ nax ñuxãcü yema chianexü̃wa Cori ya Tupanaxü̃ penuexẽẽxü̃! Rü yexguma Equítuanewa ípechoxü̃xgucürüwa rü ñu̱xmata ñaa i nachicawa nax pengugüxü̃gu rü guxü̃guma tama naga pexĩnüe.

Lebítanüxü̃arü puracüchiga 20:27

Rü ngẽma yatüxü̃ rüe̱xna ngexü̃ i chixexü̃ i naãxẽmaxã puracüexü̃, rü ngẽma duü̃xü̃ i nüxü̃ cua̱xnetaxü̃ nax ngẽma ẽxü̃guxü̃ i yixcüra tá ngupetüxü̃, rü tá nutagümaxã ípenamuxũchiãcü penadai. Rü nümagü rü nagagutátama nayue” —ñanagürü ga Cori ya Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.

Ichaía 19:3

Rü tá íchananu̱xãẽxẽẽgü nax tama naãẽxü̃ yacuáxü̃ca̱x. Rü ngẽma nagu naxĩnüexü̃ rü tá nüxü̃́ nagu chanachixexẽxẽ. Rü ngẽmaca̱x i nümagü rü tá norü tupananetachicüna̱xãgüna rü yuüxü̃güna nacagü. Rü tá yuetaãẽca̱x nangemagü nax nüxna nacagüxü̃ca̱x. Rü ñu̱xũchi duü̃xü̃gü i ẽxü̃guxü̃arü uruü̃güna tá nacagü.

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Wenaxarü naxümatü ga Tupanaarü mugü 9:24

Rü yexguma noxritama petanüwa chayexmagucürüwa i pemax rü tama Cori ya Tupanaga pexĩnüechaü̃.

Iraétanüxü̃arü muxchiga 14:9

Natürü i pemax rü tama name nax Cori ya Tupanamaxã penuexü̃. Rü tama name i nüxü̃ pemuü̃e i ngẽma nachixü̃anecüã̱x i duü̃xü̃gü. Erü nümagü rü tá ñoma paũ i ngṍxü̃rüxü̃ tá tüxü̃́ nixĩgü i taxca̱x erü nataxuma i texé nax nüxna dauxü̃. Natürü i yixema rü tüxü̃́ nangẽxma ya Cori ya Tupana ya tüxna daucü. ¡Rü taxṹ i pemuü̃exü̃! —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

1 Chamué 2:30

Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.

Ngechuchuarü ngúexü̃gü ga yamugüxü̃arü puracüchiga 13:22

Rü yemawena ga Tupana rü ínanata̱xüchi ga Chaú, rü Dabíxü̃ naxuneta nax gumá Iraétanüxü̃arü ãẽ̱xgacü yixĩxü̃ca̱x. Rü Dabíxü̃ nixuchiga ga Tupana, rü ñanagürü: “Nüxü̃ chadau rü Dabí ya Ichaxí nane rü wüxi ya yatü ya poraãcü choxü̃́ ngúchaü̃cü nixĩ. Rü nüma tá nanaxü i guxü̃ma i ngẽma choma chanaxwa̱xexü̃”, ñanagürü ga Tupana.

1 Chamué 28:3

Rü yexguma ga Chamué rü marü nayu, rü guxü̃ma ga Iraéanecüã̱xgü rü naxca̱x naxauxe. Rü yemawena rü guma ĩane ga nagu nabuxü̃ne ga Ramágu nanata̱xgü. Rü nüma ga Chaú rü ü̃paacü marü ínanawoxü̃ ga guxü̃ma ga yema ẽxü̃guxü̃xü̃ cua̱xgüxü̃ rü yema yuetaãẽgüca̱x ngẽmagüxü̃.

2 Chamué 7:15

Natürü tagutáma nüxü̃ charüchau nax nüxü̃ changechaü̃xü̃, rü tagutáma íchanamuxũchi yema Chaúxü̃ íchamuxuchixü̃rüxü̃ nax nachicüxü cuxü̃ chimucuchixü̃ca̱x.

2 Chamué 12:9

¿Rü tü̱xcüü̃ tama naga cuxĩnü i chorü ore, rü cunaxü i ngẽma tama chauãẽwa mexü̃? Rü cuma rü Amóü̃tanüxü̃arü taramaxã cuyama̱x ya Uría ya Itítanüxü̃ rü naxma̱xca̱x cungĩ̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:13

Rü yemaacü nixĩ ga nayuxü̃ ga Chaú nagagu ga yema chixexü̃ ga naxüxü̃. Yerü nüma ga Chaú rü tama Tupanaga naxĩnü rü ñu̱xũchi yuüxü̃ ga ẽxü̃guxü̃xü̃ cuáxü̃na nayaca. Rü tama nüxna naca ga Tupana. Rü yemagagu nixĩ ga nüma ga Tupana ga nayuxẽẽãxü̃ ga Chaú rü Ichaxí nane ga Dabíxü̃ naxunetaxü̃ nax nüma Iraéanecüã̱xgüarü ãẽ̱xgacü yixĩxü̃ca̱x.

Yeremía 16:12

Rü pema rü yema nũxcümaü̃güxü̃ ga perü o̱xigüarü yexera chixexü̃ pexügü. Erü wüxichigü i pema rü penaxü i ngẽma chixexü̃gü i peãẽwa nagu perüxĩnüexü̃ rü ñu̱xũchi tama chauga pexĩnüe.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Yochué 22:15

Rü guxü̃ma ga yemagü rü Garaáxarü naanewa naxĩ ga Rubéü̃tanüxü̃ rü Gáxtanüxü̃ rü yema ngãxü̃tücumü ga Manachétanüxü̃ íyexmagüxü̃wa. Rü ñanagürügü nüxü̃: —Toma rü Cori ya Tupanaarü duü̃xü̃güégagu pexna taca: ¿Rü tü̱xcüü̃ guxchaxü̃ca̱x pedau nape̱xewa ya yimá Iraétanüxü̃arü Tupana? ¿Rü tü̱xcüü̃ nüxna pixĩgachi rü penaxü i ngẽma ãmarearü guruxü̃ rü ngẽmaãcü tama naga pexĩnüe?

Ochéa 13:11

Rü pemaxã chanuãcü pexna chanamu i perü ãẽ̱xgacügü, rü pemaxã chanuãcü wena pexna chanapuxü̃.