1 Chamué 15:21 - Tupanaarü Ore

²¹ Rü yema churaragü nixĩ ga nadexü̃ ga yema rümemaegüxü̃ ga carnérugü rü wocagü rü yemaxü̃gü nax Guirigáwa Tupanaca̱x ínaguaxü̃ca̱x —ñanagürü.

1 Chamué 15:21 Referans Kwoze

1 Chamué 15:15

Rü nüma ga Chaú rü nanangãxü̃ rü ñanagürü: —Ngẽma chorü churaragü rü ínayaxügüxẽxẽ i ngẽma rümemaexü̃ i carnérugü, rü wocagü. Natürü Cori ya curü Tupanaca̱x tá tanadai. Rü guxü̃ma i ngẽma togü i naxü̃nagü i Amaréxtanüxü̃arü rü marü tanadai —ñanagürü.

Naanearü ügüchiga 3:13

Rü yexguma ga Cori ya Tupana rü ngĩxna naca ga yema nge rü ñanagürü ngĩxü̃: —¿Tü̱xcüü̃ ngẽma cuxü? —ñanagürü. Rü ngĩma rü inangãxü̃ rü ngĩgürügü: —Ngẽma ãxtape choxü̃ nawomüxẽxẽ rü ngẽmaca̱x chanangõ̱x —ngĩgürügü.

Naanearü ügüchiga 3:12

Rü nüma ga gumá yatü nanangãxü̃ rü ñanagürü: —Ngẽma nge ga choxna ngĩxü̃ cumucü chomücüxü̃ rü chomaxã ingau i ngẽma nanetüarü o i toxna cuchu̱xuxü̃ rü choma rü chanangõ̱x —ñanagürü.

Ore i mexü̃ ga Matéu ümatüxü̃ 26:9

Rü narümemae chi nixĩ i tatanüxü̃gu namaxã itaxe, rü ñu̱xũchi ngẽma diẽrumaxã nüxü̃ rüngü̃xẽxẽ i ngẽma duü̃xü̃gü i ngearü diẽruã̱xgüxü̃ —ñanagürügü.