1 Chamué 15:16 - Tupanaarü Ore

¹⁶ Rü nüma ga Chamué rü Chaúxü̃ ñanagürü: —¡Dücax, irüxĩnü i ngẽma ngewa̱x chütacü Tupana chomaxã nüxü̃ ixuxü̃! —ñanagürü. Rü nüma ga Chaú rü ínaca rü ñanagürü: —¿Ñuxũ ñaxü̃ cuxü̃? —ñanagürü.

1 Chamué 15:16 Referans Kwoze

Nüxíraxü̃xü̃ ga popera ga ãẽ̱xgacügüchiga 22:16

Natürü nüma ga ãẽ̱xgacü rü Micaíaxü̃ nangãxü̃ rü ñanagürü: —Marü muẽ̱xpüxcüna cumaxã nüxü̃ chixu rü ngẽxguma ta̱xacüxü̃ chomaxã quixuxgu rü chanaxwa̱xe i Tupanaégagu aixcümaxü̃ chomaxã quixu —ñanagürü.

1 Chamué 12:7

Rü pema rü ípemexẽẽgü erü Cori ya Tupanape̱xewa tá pexna nüxü̃ chacua̱xãchixẽxẽ i guxü̃ma i nüma pexca̱x rü perü o̱xigüca̱x naxüxü̃ woo tama aixcüma naga pexĩnüe.

1 Chamué 9:27

Rü yexguma marü guma ĩanewa ínachoxü̃gu, rü nüma ga Chamué rü Chaúxü̃ ñanagürü: —¡Ẽcü cugüpe̱xe yamu i ngẽma curü duü̃xü̃, rü cuma rü paxaãchi nuxã rüxã̱ũ̱x! Erü cumaxã nüxü̃ chixuxchaü̃ i ngẽma ore ya Tupana chomaxã nüxü̃ ixuxü̃ —ñanagürü.

1 Chamué 15:15

Rü nüma ga Chaú rü nanangãxü̃ rü ñanagürü: —Ngẽma chorü churaragü rü ínayaxügüxẽxẽ i ngẽma rümemaexü̃ i carnérugü, rü wocagü. Natürü Cori ya curü Tupanaca̱x tá tanadai. Rü guxü̃ma i ngẽma togü i naxü̃nagü i Amaréxtanüxü̃arü rü marü tanadai —ñanagürü.

1 Chamué 15:17

Rü nüma ga Chamué rü nanangãxü̃ rü ñanagürü: —Yexguma cugügu curüxĩnügu ga taxuwama nax cumexü̃, rü nüma ga Tupana rü cuxü̃ nayaxu ga Iraéanecüã̱xgüarü ãẽ̱xgacü nax quixĩxü̃ca̱x.

Ichaía 39:5

Rü yexguma ga nüma ga Ichaía rü Echequíaxü̃ ñanagürü: —¡Dücax, irüxĩnü i ñaa ore ya Cori ya Tupana ya Guxãétüwa Ngẽxmacü nua cuxca̱x muxü̃!:

Yeremía 34:6

Rü nüma ga Tupanaarü orearü uruxü̃ ga Yeremía rü Yerucharéü̃wa Yudáanearü ãẽ̱xgacü ga Chedequíamaxã nüxü̃ nixu ga guxü̃ma ga yema ore.

Nüxíraxü̃xü̃ ga popera ga ãẽ̱xgacügüchiga 14:6

Rü yexguma Aía tüxü̃ ĩnügu ga nax ĩã̱xwa tixücuxü̃ rü tüxü̃ ñanagürü: —¡Ixücu Pa Yeruboáü̃ naxma̱x! ¿Ta̱xacüruxü̃ cugü cunatoraxü̃xẽxẽ? Rü choxna nixĩ i naxãgaxü̃ ya Tupana nax cumaxã chaporagaxü̃ca̱x. Ẽcü ¡nataegu rü Yeruboáü̃maxã nüxü̃ yarüxu i ngẽma ore i Iraétanüxü̃güarü Tupana nüxü̃ ixuxü̃ i ñaxü̃!: “Choma rü Iraétanüxü̃tanüwa ü̃paama cuxü̃ chaxuneta nax Iraéanearü ãẽ̱xgacü quixĩxü̃ca̱x.