1 Chamué 15:13 - Tupanaarü Ore

¹³ Rü yexguma yemaxü̃ nacua̱xgu ga Chamué rü Chaúca̱x nayadau rü düxwa yema ínayexmaxü̃wa nangu. Rü nüma ga Chaú rü nüxü̃ narümoxẽ rü ñanagürü nüxü̃: —¡Cori ya Tupana cuxü̃ rüngü̃xẽxẽ! Rü marü chayanguxẽxẽ i ngẽma Cori choxü̃ muxü̃ —ñanagürü.

1 Chamué 15:13 Referans Kwoze

Rux 3:10

Rü yexguma ga nüma ga Boó rü ñanagürü: —¡Cori ya Tupana cuxü̃ rüngü̃xẽxẽ! Rü ñu̱xmawaxix nixĩ i mea cunango̱xẽẽxü̃ nax aixcüma nüxü̃ cungechaü̃xü̃ ga gumá cute ga marü yucü, erü choxü̃ cuyaxu cutexü̃ i choma i cutetanüxü̃ nax chixĩxü̃. Rü tama naxca̱x cudau ya wüxi ya cute ya choxü̃ rüngextü̱xümaecü ya diẽruã́cü, rü woo tama diẽruã́cü.

Ãẽ̱xgacügü ga guxchaxü̃güarü mexẽxẽruü̃gü 17:2

Rü wüxi ga ngunexü̃gu rü naéxü̃ ñanagürü: —Cuxü̃ chaxĩnü nax chixexü̃ namaxã quixugüxü̃ i ngẽma ngĩ́ta̱xaxü̃ i 1,100 tachinü i curü diẽruca̱x ngĩ́xü̃. Natürü choma nixĩ ga cuxü̃́ tümaca̱x changĩ́xü̃ rü daxe tixĩ, rü cuxü̃́ tüxü̃ chatáeguxẽxẽ i ñu̱xmax. Erü cuxü̃ chaxĩnü nax Tupanamaxã nüxü̃ quixuxü̃ nax wüxíexü̃ tá cumuxü̃ nax naiwa cuxü̃́ naxüaxü̃ca̱x i wüxi i naxchicüna̱xã i ngẽma diẽrumaxã pexenexü̃ —ñanagürü. Rü yemaacü naéaxü̃́ tüxü̃ natáeguxẽxẽ ga guxema diẽru. Rü ngĩma ga naé rü ngĩgürügü: —¡Tupana cuxü̃ rüngü̃xẽxẽ, Pa Chaunex! —ngĩgürügü.

Ore i mexü̃ ga Luca ümatüxü̃ 18:11

Rü yema Parichéu rü yexma nachi, rü ñaaãcü nayumüxẽ: “Pa Tupanax, moxẽ cuxna chaxã erü tama togürüxü̃ chixexü̃ chaxü, rü tama ngẽmagürüxü̃ changĩ́ta̱a̱x, rü tama chixri chamaxü̃, rü tama nai i ngexü̃maxã ichape. Rü bai i ñaa yatü i Rómaarü ãẽ̱xgacüca̱x diẽru ngĩxü̃ dexü̃rüxü̃ chixĩ.

Ore i mexü̃ ga Luca ümatüxü̃ 17:10

Rü ngẽxgumarüxü̃ ta i pemax, rü ngẽxguma peyanguxẽẽgu i guxü̃ma i ngẽma Tupana pexü̃ muxü̃, rü tá ñaperügügü: “Puracütanüxü̃mare i taxuwama imexü̃ tixĩgü, erü ngẽma tüxü̃ namuxü̃ tinguxẽẽgümare”, ñaperügügü —ñanagürü ga Ngechuchu.

Ucu̱xẽgüchiga 31:31

¡Ngĩxü̃ picua̱xüü̃gü nape̱xewa i guxü̃ma i ĩanecüã̱x, rü ngĩmaxã petaãẽgü naxca̱x i guxü̃ma i ngẽma mexü̃ i naxüxü̃!

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

1 Chamué 15:11

—Choxü̃́ nangu̱x ya Chaú nax ãẽ̱xgacüxü̃ nüxü̃ chaxunetaxü̃ erü choxna nixũgachi rü tama nayanguxẽxẽ i ngẽma chanamuxü̃ —ñanagürü. Rü nüma ga Chamué rü poraãcü naãxẽwa nangu̱x ga yema. Rü Cori ya Tupanaxü̃ nachixewe ga guxü̃ma ga yema chütaxü̃gu.

1 Chamué 15:9

Natürü nüma ga Chaú rü yema norü churaragü rü tama nayama̱xgü ga gumá Amaréxtanüxü̃arü ãẽ̱xgacü ga Agáx. Rü tama nanadai ga yema rümemaegüxü̃ ga carnérugü, rü wocagü, rü wocaxacügü. Rü tama ínanagu ga yema Amaréxtanüxü̃arü yemaxü̃gü ga itatanüxü̃. Rü yema yemaxü̃gü ga taxuwama imexü̃xicatama nixĩ ga yema ínaguxü̃.

Naanearü ügüchiga 14:19

Rü ñaa oremaxã mexü̃ Abráü̃maxã naxuegu rü ñanagürü: —¡Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruxü̃ rü poraãcü mexü̃ cuwa naxü̱x! ¡Rü namecümaxüchi ya Tupana ya Guxü̃étüwa Ngẽxmacü ya curü uanügüxü̃ cuxü̃ rüporamaexẽẽcü! —ñanagürü. Rü yexguma ga Abráü̃ rü Melquichedéxna nanaxã ga norü diésmu natanüwa ga yema yemaxü̃gü ga napuxü̃xü̃.

Naanearü ügüchiga 3:12

Rü nüma ga gumá yatü nanangãxü̃ rü ñanagürü: —Ngẽma nge ga choxna ngĩxü̃ cumucü chomücüxü̃ rü chomaxã ingau i ngẽma nanetüarü o i toxna cuchu̱xuxü̃ rü choma rü chanangõ̱x —ñanagürü.

Ucu̱xẽgüchiga 27:2

Tama name i cugütama quicua̱xüxü̃, rü narümemae i togü cuxü̃ nicua̱xüü̃gü.

1 Chamué 13:10

Natürü yexguma marü naxü̃nagü ínaguxguwena rü yéma nangu ga Chamué. Rü nüma ga Chaú rü Chamuéca̱x niña, rü nüxü̃ narümoxẽ.

1 Chamué 15:20

Rü nüma ga Chaú rü nanangãxü̃ rü ñanagürü: —Choma rü Cori ya Tupanaga chaxĩnü, rü chayanguxẽxẽ ga guxü̃ma ga yema choxü̃ namuxü̃. Rü gumá Agáx ga Amaréxtanüxü̃arü ãẽ̱xgacü ga chiyaxucü rü nua chanaga, rü marü chanadai ga guxü̃ma ga yema togü ga Amaréxtanüxü̃.

1 Chamué 25:14

Natürü wüxi ga Nabáxarü duü̃ rü Abigái ga Nabáx naxma̱xmaxã nüxü̃ nayarüxu rü ñanagürü: —Dabí rü chorü cori i Nabáxü̃tawa nanamugü i norü duü̃xü̃gü nax nüxü̃ yanamõxẽgüxü̃ca̱x. Natürü nüma i chorü cori rü chixexü̃maxã nanangãxü̃.

2 Chamué 2:5

rü nüma ga Dabí rü ñuxre ga norü orearü ngeruxü̃ yéma namugü namaxã ga ore ga ñaxü̃: —¡Cori ya Tupana pexü̃ rüngü̃xẽxẽ! Erü poraãcü nüxü̃ pengechaü̃ ga perü ãẽ̱xgacü ga Chaú rü ngẽmaca̱x mea ipenata̱x.

1 Chamué 23:21

Rü nüma ga Chaú rü nanangãxü̃ rü ñanagürü: —¡Tupana pexü̃ rüngü̃xẽxẽ erü choxü̃ pengechaü̃ rü chaugu perüxĩnüe!