1 Chamué 15:12 - Tupanaarü Ore

¹² Rü moxü̃ãcü pa̱xmama ga tauta yangóonegu, rü nüma ga Chamué rü inaxũãchi nax Chaúca̱x yadauxü̃. Natürü ga duü̃xü̃gü rü Chamuémaxã nüxü̃ nixugüe ga Chaú rü ĩane ga Carméxwa naxũxü̃ nax yéma íyanadaxẽẽãxü̃ca̱x ga wüxi ga nutapüta ga norü poramaearü cua̱xruxü̃, rü ñu̱xũchi Guirigáwa naxũxü̃.

1 Chamué 15:12 Referans Kwoze

Yochué 15:55

Rü nai ga ĩanegü ga nayauxgüne rü daagü nixĩ: Maóü̃, rü Carméx, rü Chíx, rü Yutá, rü Yereé, rü Yoxdeáü̃, rü Chanóa, rü Caíü̃, rü Guibeá, rü Tiná. Rü 10 ga ĩane nixĩ, rü naétü ga norü ĩanexacügü.

2 Chamué 18:18

Yexguma namaxü̃gu ga Acharóü̃ rü duü̃xü̃güxü̃ namu nax Ãẽ̱xgacüarü Ngatewa nüxü̃́ naxügüã̱xü̃ca̱x ga wüxi ga norü cua̱xãchiruxü̃ ga máchane ga nutagünaxca̱x. Rü ñu̱xũchi naéga yexma naxügü yerü nangene rü nagu narüxĩnü nax yemaacü yemawa guxü̃guma nüxna nacua̱xãchigüxü̃ca̱x i duü̃xü̃gü. Rü ñu̱xma rü ta rü Acharóü̃arü cua̱xãchiruxü̃maxã nanaxugü.

1 Chamué 25:2

Rü Maóü̃gu naxãchiü̃ ga wüxi ga yatü ga muarü diẽruã́xü̃. Rü 3,000 nixĩ ga norü carnérugü rü 1,000 nixĩ ga norü cabragü. Rü ĩane ga Carméxwa nüxü̃́ nayexma ga norü taxepataxü̃. Rü yéma nixĩ ga norü carnéru tüxü̃ ínayoü̃ta̱xaxü̃.

Nüxíraxü̃xü̃ ga popera ga ãẽ̱xgacügüchiga 18:42

Rü nüma ga Acáx rü nataegu rü nayachibü rü nayaxaxe. Natürü ga Ería rü ma̱xpǘne ga Carmérugu naxĩnagü. Rü yexma nayacaxã́pü̱xü rü nanangücuchi ñu̱xmata ga nachiwe rü naã́pü̱xügümachate̱xewa nangu.

1 Chamué 7:12

Yemawena ga Chamué rü wüxi ga nuta nayaxu, rü ĩane ga Mispá rü ĩane ga Chéü̃arü ngãxü̃gu nanaxǘ ga gumá nuta. Rü Ebéü̃-échegu nanaxüéga. Rü ñu̱xũchi ñanagürü: —Nüma ya Cori ya Tupana rü ñu̱xmarüta taguma nüxü̃ narüchau nax tüxü̃ nangü̃xẽẽxü̃ —ñanagürü.

1 Chamué 13:15

Rü yema ñaxguwena ga Chamué rü inaxũãchi ga Guirigáwa, rü Guibeá ga Bẽyamíü̃arü naanewa yexmanewa naxũ. Rü nüma ga Chaú rü nayaxugü ga yema churaragü ga nawe rüxĩxü̃, rü 600 nixĩ ga norü mu.

Naanearü ügüchiga 21:14

Rü moxü̃ãcü ga pa̱xmamaxü̃chi rü Abraáü̃ rü Agána nanaxã ga paũ rü dexá ga naxcha̱xmüü̃gu ibacuchixü̃. Rü Agáétügu nananugü rü yemaacü ngĩne ga Ismaémaxã ngĩxü̃ nimu. Rü yéma ngürüanewa ixũmare ga chianexü̃ ga Bechébawa.

1 Chamué 17:20

Rü moxü̃ãcü ga nüma ga Dabí rü yexwacax yangóonechaü̃gu rü to ga daruü̃me̱xẽgu tüxü̃ namugü ga guxema nanatüarü carnérugü, rü inaxũãchi. Rü nayana ga yema õna ga nanatü ga Ichaxí nüxna naxü̃. Rü yéma naenexẽgü íyexmagüxü̃wa nangu ga yexguma yema churaragü inaxĩãchichaü̃gu ga Firitéugümaxã nügü nax nada̱i̱xü̃ca̱x. Rü tagaãcü nügü naxãũxũnegü.

2 Chamué 23:35

Eraí ga Carméxcüã̱x, rü Paarái ga Arbátanüxü̃, rü

Norü taxre ga to ga popera ga ãẽ̱xgacügüchiga ümatüxü̃ 26:10

Rü yexgumarüxü̃ ta yexma naxnücüanegu nanaxü ga daxũtaechicaxü̃gü. Rü nanaxü ta ga mucüma ga puchugü ga ínadoxonexü̃wa rü ínamáxpü̱xanexü̃wa yerü namuxũchi ga norü wocagü. Rü nüma ga Uchía rü nüxü̃́ nayexma ga ñuxre ga yatügü ga norü naanegüwa puracüexü̃ rü úbanecügü ga ínamáxpü̱xanexü̃wa puracüexü̃ rü naxa̱xtügüwa puracüexü̃. Yerü norü me nixĩ ga naanewa nax napuracüxü̃.