Biblia Todo Logo
Bib sou entènèt

- Piblisite -




1 Chamué 14:44 - Tupanaarü Ore

44 Rü nüma ga Chaú rü tagaãcü ñanagürü: —¡Cori ya Tupana poraãcü choxü̃ poxcu ega ngẽxguma taxũtáma cuyu̱xgu, Pa Yonatáü̃x! —ñanagürü.

Gade chapit la Kopi




1 Chamué 14:44
11 Referans Kwoze  

Rü Cori ya Tupana ya Iraétanüxü̃arü poxü̃ruxü̃pe̱xewa nüxü̃ chixu rü woo chaune ya Yonatáü̃ yixĩxgu ya chixexü̃ ücü, rü tá nayu —ñanagürü. Rü taxuxü̃ma ga churara nanangãxü̃.


Rü ngexta icuyuxü̃gu rü ngẽxma tá chayu, rü ngẽxma tá chata̱x. Rü Cori ya Tupana choxü̃ poxcu ega tauta chayuyane cuxna chixũgachigu, erü yuxicatama nixĩ i yigüna tüxü̃ ixĩgachixẽẽxü̃ —ngĩgürügü.


Rü Tupana poraãcü choxü̃ poxcu ega ñu̱xma rü moxü̃ rü taxũtáma guxü̃ chadaixgu i ngẽma natanüxü̃ i yatüxü̃ —ñaxü̃gu yéma ne naxĩnüchigü.


Ngẽxguma beruremaxã curüxũxgu, rü tama name i taxüchine quixaxü. Erü ngẽxguma taxüchine quixaxüxgu, rü tá namaxã cugü cuxoxgü.


Rü yexgumarüxü̃ ta yema chacherdótegüca̱x yéma namuga nax Amachámaxã nüxü̃ yaxugüexü̃ca̱x ga ore ga ñaxü̃: —Cuma rü chautanüxü̃xüchi quixĩ, rü Tupanaégagu cumaxã nüxü̃ chixu rü Yoáchicüxü tá chorü churaragümaxã icucua̱x. Rü Tupana poraãcü choxü̃ poxcu ega tama chayanguxẽẽgu i ngẽma ore i nüxü̃ chixuxü̃ —ñaxü̃.


Rü yexguma yemaxü̃ naxĩnügu ga Dabí, rü yema yatümaxã poraãcü nanu, rü Natáü̃xü̃ ñanagürü: —Tupanaégagu cumaxã nüxü̃ chixu rü texé ya ngẽma ǘxe rü name nixĩ i tüxü̃ nax imáxü̃.


¡Rü Cori ya Tupana choxü̃ poxcu ega ngẽxguma taxũtáma Dabíaxü̃́ chanatauxchaxẽxẽgu ga yema Cori ya Tupana Dabímaxã ueguxü̃! Yerü nüma ga Tupana rü Dabímaxã nüxü̃ nixu nax Chaútanüxü̃na naya̱u̱xãxü̃ nax ãẽ̱xgacü yixĩgüxü̃, rü Dabíxü̃ naxuneta nax nüma namaxã inacuáxü̃ca̱x i Iraéane rü Yudáane i Dáü̃arü ĩanewa inaxügü rü ñu̱xmata Bechébagu yacuáx —ñanagürü.


Rü nangupetü ga tomaepü̱x ga tauemacü, rü Yudámaxã nüxü̃ nayarüxugüe rü ñanagürügü: —Cuneã̱x i Tamára rü togü i yatügümaxã ipe rü ngẽmaca̱x i ñu̱xma rü ixãxacü rü itacharaü̃ —ñanagürügü. Rü yexguma ga nüma ga Yudá rü aita naxü rü ñanagürü —¡Ípenata̱xüchi rü peyagu! —ñanagürü.


Rü nüma ga Yeté rü yexguma ngĩxü̃ nada̱u̱xgu rü nügü narügáutechiru norü ngechaü̃maxã rü ñanagürü ngĩxü̃: —¡Acha̱xa Pa Chauxacüx, taxüchixü̃ i ngúxü̃ choxna cuxã! Rü cuma nixĩ i ñaa ngúxü̃ choxü̃ quingexẽẽxü̃. Erü choma rü wüxi i uneta Cori ya Tupanamaxã chaxü, rü taxucürüwama chanawomüxẽxẽ —ñanagürü.


Rü nüma ga Erí rü Chamuéna naca rü ñanagürü: —¿Ñuxũ ñaxü̃ yixĩxü̃ cuxü̃ ya Cori ya Tupana? ¡Rü guxü̃xü̃táma chomaxã quixu, rü taxuxü̃táma iquicu̱x! ¡Rü Tupana poraãcü cuxü̃ poxcux ega taxũtáma guxü̃ i ngẽma cumaxã nüxü̃ yaxuxü̃xü̃ chomaxã quixuxgu! —ñanagürü.


Swiv nou:

Piblisite


Piblisite