1 Chamué 14:41 - Tupanaarü Ore

⁴¹ Rü yexguma ga Chaú rü tagaãcü ñanagürü: —Pa chorü Cori ya Iraétanüxü̃arü Tupanax, ¿tü̱xcüü̃ tama curü duü̃xü̃xü̃ cungãxü̃ i ñu̱xma? Rü yima taxre ya nutagü ya Uríü̃ rü Tumíü̃wa tá cupe̱xewa naxca̱x tadau nax texé chixexü̃ üxü̃. Rü ngẽxguma choma rüe̱xna chaune ya Yonatáü̃ yixĩxgu i chixexü̃ taxüxü̃ rü tá ínanexechi ya yimá nuta ya Uríü̃. Rü ngẽxguma ngẽma curü duü̃xü̃gü ya Iraécüã̱xgü nixĩ i chixexü̃ ügüxü̃ rü tá ínanexechi ya yimá nuta ya Tumíü̃ —ñanagürü. Rü yexguma naxca̱x nadaugügu rü Yonatáü̃gu rü Chaúgu nangu. Rü duü̃xü̃güwa rü nataxuma ga yema pecadu.

1 Chamué 14:41 Referans Kwoze

Ngechuchuarü ngúexü̃gü ga yamugüxü̃arü puracüchiga 1:24

Rü ñaãcü nayumüxẽgü: —Pa Corix, cuma nüxü̃ cucua̱x i guxü̃ma i duü̃xü̃güarü maxü̃. ¡Rü ñu̱xma rü toxü̃ nawe̱x i ngexü̃rüüxü̃ i ñaa taxrewa nixĩ i cunaxwa̱xexü̃ nax cunamuxü̃ca̱x nax naxüaxü̃ca̱x i ñaa puracü ga Yúda ítáxü̃ ga yexguma norü poxcuwa naxũxgu! —ñanagürügü.

Yoná 1:7

Rü yoxni ga yema norü duü̃xü̃gü ga guma wapuru rü nügümaxã ñanagürügü: —Ngĩxã tanañanagü i wüxi i diẽru nax ngẽmaãcü nüxü̃ icuáxü̃ca̱x nax texégagu yixĩxü̃ nax guxchaxü̃ tüxü̃ ngupetüxü̃ —ñanagürügü. Rü nanañanagügü, rü Yonágu nangu nax nagagu yixĩxü̃ ga yema nüxü̃ ngupetüxü̃.

Ucu̱xẽgüchiga 16:33

Nüma ya yatü rü nümatama nagu naxĩnüxü̃ãcüma nanaxü i ngẽma naxüxchaü̃xü̃, natürü ngẽma Cori ya Tupana naxwa̱xexü̃ãcü tá nixĩ i ínanguxuchixü̃.

Ngechuchuarü ngúexü̃gü ga yamugüxü̃arü puracüchiga 1:26

Rü wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x ga ngexü̃rüüxü̃ ga yema taxre tá nax ixücuxü̃. Rü Matíagu nangu nax yaxücuxü̃. Rü yexgumatama rü yema 11 ga ngúexü̃gü ga Ngechuchu imugüxü̃tanügu naxã ga Matía.

1 Chamué 14:40

Rü yemaca̱x ga Chaú rü guxü̃ma ga yema Iraétanüxü̃xü̃ ñanagürü: —Rü name nixĩ i pemax rü ñaãcüwawaama pexĩ, rü choma rü chaune i Yonatáü̃maxã rü tá tocüwawaama taxĩ —ñanagürü. Rü nüma ga norü churaragü nanangãxü̃gü rü ñanagürügü: —¡Naxü i ngẽma cuxca̱x mexü̃! —ñanagürügü.

1 Chamué 14:42

Rü yemawena ga Chaú rü ñanagürü: —Rü ñu̱xmax rü chomaxã rü chaune i Yonatáü̃maxãxicatama tá naxca̱x pedaugü rü tá texégu nangu nax pecadu taxüxü̃ —ñanagürü. Rü Yonatáü̃gu nangu.

Ucu̱xẽgüchiga 18:18

Ngẽma guxchaxü̃gü rü name nixĩ i Tupaname̱xẽgu tanaxǘ, rü ngẽmaãcü tá inarüxo nax duü̃xü̃gü nügü choxü̃gagüxü̃.