1 Chamué 14:12 - Tupanaarü Ore

¹² Rü yexgumata tagaãcü Yonatáü̃na rü norü ngü̃xẽẽruü̃na nacagüe rü ñanagürügü: —¡Pexĩgü rü nua pexĩ ítangexmagüxü̃wa, erü pemaxã wüxi i orexü̃ tixuxchaü̃! —ñanagürügü. Rü yexguma ga Yonatáü̃ rü norü ngü̃xẽẽruü̃xü̃ ñanagürü: —¡Chowe rüxũ! Erü nüma ya Cori ya Tupana rü Iraéanecüã̱xme̱xẽgu tá nanayixẽxẽ i ngẽma Firitéugü —ñanagürü.

1 Chamué 14:12 Referans Kwoze

2 Chamué 5:24

Rü ngẽxguma bálsamunecüwa nüxü̃ cuxĩnügu i churaragücutüga ¡rü naxca̱x íyagoõchi erü ngẽma nixĩ i cua̱xruxü̃ nax choma rü cupe̱xegu chixũxü̃ nax chanadaixü̃ca̱x i ngẽma Firitéugüarü churaragü! —ñanagürü.

Norü taxre ga popera ga ãẽ̱xgacügüchiga 14:8

Rü yemawena ga nüma ga Amachía rü Iraéanearü ãẽ̱xgacü ga Yoá ga Yoacá nane ga Yeú nataxaca̱x nimuga rü ñanagürü: —¡Nua naxũ! Rü nua tá yigü tadaugü —ñanagürü.

1 Chamué 14:10

Natürü ngẽxguma tüxü̃ ñaxgu: “¡Nua pexĩ!” ñaxgu tüxü̃, rü tá taxĩgü, erü ngẽmawa tá nüxü̃ tacua̱x nax Cori ya Tupana tá nüxü̃ tüxü̃ naporamaexẽẽxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 7:15

Yexguma Yedeóü̃ nüxü̃ ĩnügu ga yema taxre ga Madiáü̃tanüxü̃ nügümaxã nüxü̃ ixugüexü̃ nachiga ga yema wüxi nagu ãnegüxü̃ rü ñu̱xũchi ta̱xacüchiga nax yixĩxü̃, rü nüma ga Yedeóü̃ rü Cori ya Tupanaxü̃ nicua̱xüxü̃. Yemawena ga Yedeóü̃ rü Iraétanüxü̃ ípegüxü̃wa naxũ rü ñu̱xũchi nanamu rü ñanagürü: —¡Guxãma ichigü! Erü Cori ya Tupana rü taxme̱xgu tá nanayixẽxẽ i ngẽma Madiáü̃tanüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 4:14

Rü yexguma ga ngĩma ga Débora rü Baráxü̃ ngĩgürügü: —Ñu̱xmawaxix nixĩ namexü̃ nax Chícharaca̱x quixũxü̃, erü nüma ya Cori ya Tupana rü curü churaragüpe̱xegu tá nixũ, rü tá cuxü̃́ nanatauxchaxẽxẽ nax Chícharaxü̃ curüporamaexü̃ —ngĩgürügü. Rü nüma ga Baráx rü guma ma̱xpǘne ga Tabóxwa nayarüxüe namaxã ga yema 10,000 ga norü churaragü.

Naanearü ügüchiga 24:48

Rü ñu̱xũchi chacaxã́püxü rü moxẽ Tupanana chaxã. Rü nüxü̃ chicua̱xüxü̃ ya chorü cori ya Abraáü̃arü Tupana yerü meama chorü coritanüxü̃xü̃tawa choxü̃ naga nax yimaxacü ngĩxü̃ chigaxü̃ nax chorü cori nane ngĩmaxã ãmaxü̃ca̱x.

Naanearü ügüchiga 24:42

Rü ngẽmaãcü i ñu̱xma rü núma changu naxü̃tawa ya yimá puchu. Rü ngéma chayumüxẽ rü chorü cori ya Abraáü̃arü Tupanamaxã nüxü̃ chixu rü ñacharügü: “Ega aixcüma choxü̃ curüngü̃xẽxẽchaü̃gu nax mea choxü̃ ínanguxuchixü̃ca̱x i ngẽma chorü cori nawa choxü̃ muxü̃, rü chanaxwa̱xe i choxü̃ cungãxü̃ga i ñu̱xma nax puchuxü̃tawa changexmaxü̃. Rü yema pacü ya dexáwa nua ũcü rü dexáca̱x ngĩxna chacacü nax choxü̃ naxaxexẽẽxü̃ca̱x rü choxü̃ ngãxü̃cü: ‘¡Ẽcü naxaxe! Rü ngẽxgumarüxü̃ tá ta chayaxaxegüxẽxẽ i curü caméyugü’, ñaxü̃maxã choxü̃ ngãxü̃cü, rü ngẽmawa tá nüxü̃ chacua̱x nax ngẽma yixĩxü̃ i cuma ngĩxü̃ cuxunetacü naxca̱x ya chorü cori nane ya Ichaá”, ñacharügü ga chorü yumüxẽwa.

Ãẽ̱xgacügü ga guxchaxü̃güarü mexẽxẽruü̃gü 9:54

Rü yemaca̱x ga nüma ga Abimeréx rü paxa norü ngü̃xẽẽruü̃ca̱x naca rü ñanagürü nüxü̃: —¡Nayaxu i curü tara rü choxü̃ ima̱x! Erü tama chanaxwa̱xe nax wüxi i ngexü̃ choxü̃ imáxü̃ ñagüxü̃ i duü̃xü̃gü —ñanagürü. Rü yexgumatama ga norü ngü̃xẽẽruxü̃ rü norü taramaxã nanacana. Rü yemaacü nayu ga Abimeréx.

1 Chamué 14:13

Rü nüma ga Yonatáü̃ rü naxme̱xmaxã rü nacutümaxã nügü natunagü rü daxũ naxĩ. Rü norü ngü̃xẽẽruxü̃ rü nawe narüxũ. Rü yema norü uanü ga Yonatáü̃ rütaechigüxü̃ rü yema norü ngü̃xẽẽruxü̃ noxtacüma nayama̱xü̃chichigü.

Ãẽ̱xgacügü ga guxchaxü̃güarü mexẽxẽruü̃gü 7:14

Rü namücü rü nanangãxü̃ rü ñanagürü: —Ngẽma rü Yedeóü̃ ya Iraétanüxü̃ ya Yoá nanechiga nixĩ. Rü norü Cori ya Tupana rü tá nanaporaexẽxẽ i ngẽma Yedeóü̃arü churaragü nax tórü churaragüxü̃ naporamaegüxü̃ca̱x —ñanagürü.