1 Chamué 14:10 - Tupanaarü Ore

¹⁰ Natürü ngẽxguma tüxü̃ ñaxgu: “¡Nua pexĩ!” ñaxgu tüxü̃, rü tá taxĩgü, erü ngẽmawa tá nüxü̃ tacua̱x nax Cori ya Tupana tá nüxü̃ tüxü̃ naporamaexẽẽxü̃ —ñanagürü.

1 Chamué 14:10 Referans Kwoze

Naanearü ügüchiga 24:14

Rü ñu̱xma rü curü ngü̃xẽẽca̱x íchaca. Rü ngẽxguma wüxi i ngẽma pacüna chacaxgu nax ngĩrü tü̃xü̃wa choxü̃ naxaxẽẽxü̃ca̱x rü ñaãcü choxü̃ nangãxü̃gu: “¡Ẽcü, naxaxe! Rü ngẽxgumarüxü̃ tá ta chayaxaxegüxẽxẽ i curü caméyugü”, ñaxü̃maxã choxü̃ nangãxü̃gu, rü ngẽmawa tá nüxü̃ chacua̱x nax ngẽma yixĩxü̃ i cuma ngĩxü̃ cuxunetacü naxca̱x ya yimá curü duü̃ ya Ichaá. Rü ngẽmawa tá nüxü̃ chacua̱x nax cuma rü aixcüma nüxü̃ cungechaü̃xü̃ ya yimá chorü cori ya Abraáü̃ —ñanagürü ga norü yumüxẽwa.

1 Chamué 10:7

Rü ngẽxguma ngẽma cuxna nguxgu ¡rü naxü i ngẽma cuxca̱x mexü̃! Erü Tupana tá cuxü̃ narüngü̃xẽxẽ.

Ãẽ̱xgacügü ga guxchaxü̃güarü mexẽxẽruü̃gü 6:36

Rü Yedeóü̃ rü Tupanamaxã ñanagürü: —¿Ta̱xacüwa tá nüxü̃ chacua̱x nax aixcüma cho̱xme̱xwa tá ícunguxü̃xẽxẽxü̃ i Iraétanüxü̃, yema cuma chomaxã nüxü̃ quixuxü̃rüxü̃?

1 Chamué 14:9

Rü ngẽxguma tüxü̃ ñaxgu: “¡Rü ngéma toxü̃ peyanguxẽxẽgü! Rü toma rü tá pexca̱x ítarüxĩgü”, ñaxgu, rü ngẽxguma i yixema rü ngéma tátama tananguxẽxẽ rü taxũtáma taxĩgü nax ngéma ínangexmagüxü̃wa ingugüxü̃ca̱x.

Ínachoxü̃xü̃chiga 3:12

Rü nüma ga Tupana rü nanangãxü̃, rü ñanagürü: —Choma rü tá chacuxü̃tagu. Rü ñaa tá nixĩ i cua̱xruxü̃ nax chomatama cuxü̃ ngéma chamuxü̃. Rü ngẽxguma tá Equítuanewa marü ícunanguxü̃ẽẽgu i chorü duü̃xü̃gü, rü guxãma i pema rü daa ma̱xpǘnewa tá choxü̃ peyarücua̱xüü̃gü —ñanagürü.

Norü taxre ga popera ga ãẽ̱xgacügüchiga 20:9

Rü nüma ga Ichaía rü nanangãxü̃ rü ñanagürü: —Ñaa tá nixĩ i ngẽma cua̱xruxü̃ i nüma ya Cori ya Tupana tá cuxna ãxü̃ nax nawa nüxü̃ cucuáxü̃ca̱x rü aixcüma tá nayanguxẽxẽ i ngẽma cumaxã inaxunetaxü̃: ¿Cunaxwa̱xe i üa̱xcüpechita rü 10 i wüye nax naxĩnagüxü̃, rüe̱xna 10 i wüye nax nataeguxü̃? —ñanagürü.