1 Chamué 13:7 - Tupanaarü Ore

⁷ Rü muxü̃ma rü nichoü̃ ga natü ga Yudáü̃. Rü Gáxanewaama rü Garaáxanewaama nabuxmü. Natürü nüma ga Chaú rü ĩane ga Guirigáwatama nayexma, rü guxü̃ma ga norü churaragü rü poraãcü namuü̃eãcüma nawe narüxĩ.

1 Chamué 13:7 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 7:3

¡Rü ngẽmaca̱x namaxã nüxü̃ ixu i ngẽma duü̃xü̃gü rü texé yamuü̃xe rü tümachiü̃ca̱x tawoegu! —ñanagürü ga Tupana. Rü yexguma nüma ga Yedeóü̃ rü yema duü̃xü̃gümaxã nüxü̃ nixu. Rü 22,000 nachiü̃ca̱x nawoegu, rü 10,000 yéma nayaxüãchi.

Wenaxarü naxümatü ga Tupanaarü mugü 28:25

Rü nüma ya Cori ya Tupana rü tá perü uanügüme̱xẽgu pexü̃ nayixẽxẽ. Rü pema rü tá meama naxca̱x pichiyechimüü̃ãcü perü uanügüca̱x ípeyaxüãchi nax namaxã pegü pedaixü̃ca̱x. Natürü i pema rü tá naxcha̱xwa pibuxmü rü pegü pewoonemare. Rü guxü̃ma i togü i nachixü̃anegü i ñoma i naanewa ngẽxmagüxü̃ rü tá pemaxã naba̱i̱xãchie.

Wenaxarü naxümatü ga Tupanaarü mugü 20:8

Rü ngẽmawena rü ngẽma churaragüerugü rü wena tá norü churaragüxü̃ ñanagürügü: “Rü ngẽxguma texé muü̃gu, rü name nax tümapataca̱x tataeguxü̃ nax ngẽmaãcü tama tanamuü̃xẽẽxü̃ca̱x i ngẽma togü i tümamücügü”, ñanagürügü tá.

Wenaxarü naxümatü ga Tupanaarü mugü 3:12

Rü yema naane ga Amoréugüna ipuxü̃xü̃wa, rü ĩane ga Aroé ga natü ga Arnóü̃pechinüwa yexmanewa inaxügü rü ñu̱xmata Garaáxarü ma̱xpǘanexü̃arü ngãxü̃gu yacuáx, rü Rubéü̃tanüxü̃na, rü Gáxtanüxü̃na chanaxã, guxü̃nema ga norü ĩanegümaxã.

Lebítanüxü̃arü puracüchiga 26:17

Rü choma rü tá pemaxã charüxuanü, rü perü uanügü rü tá pexü̃ narüporamae, rü tá pemaxã inacua̱x i ngẽma pexchi aiexü̃. Rü pema rü tá naxcha̱xwa pibuxmü woo taxuxü̃ma pewe ngẽgügu.

1 Chamué 13:8

Rü nüma ga Chaú rü 7 ga ngunexü̃ yéma Chamuéxü̃ nananguxẽxẽ, yerü yema nixĩ ga Chamué namaxã nüxü̃ ixuxü̃. Natürü nüma ga Chamué rü tama paxa Guirigáwa nangu rü yemaca̱x ga duü̃xü̃gü rü yoxni inanaxügü ga nax naxĩgüxü̃.

Yochué 13:8

Rü yexguma Moiché namaxã nuegu ga yema naane ga Yudáü̃arü éstewaama yexmaxü̃ rü Rubéü̃arü duü̃xü̃gü rü Gáxarü duü̃xü̃gü, rü ngãxü̃tücumü ga Manachéarü duü̃xü̃gü rü marü nanayauxgü ga norü naane ga nüxna ixüchigüxü̃.

Yochué 13:11

Rü nanayauxgü ta ga Garaáxane, rü Guechuréuane, rü Maacáane, rü naétü ga guma ma̱xpǘne ga Ermóü̃, rü guxü̃ma ga Bacháü̃ane ñu̱xmata Chacáwa nangu. Rü namaxã nangau ga yema naanegü ga Bacháü̃anearü ãẽ̱xgacü ga Óx namaxã icuáxü̃. Rü nüma ga Óx rü Atarúwa rü Edréiwa ãẽ̱xgacü nixĩ. Rü yexguma Moiché yema Refátanüxü̃xü̃ rüporamaegu rü ínawoxü̃ãgu ga yema naanewa rü nüma ga Óx nixĩ ga Refátanüxü̃ ga nawa iyacuáxü̃.

1 Chamué 17:11

Rü yexguma yema Firitéuarü dexaxü̃ naxĩnüegu ga Chaú rü guxü̃ma ga yema namücügü ga Iraéanecüã̱xgü, rü narümaachitanü rü namuü̃e.

1 Chamué 31:7

Rü yexguma yema Iraétanüxü̃ ga natü ga Yudáü̃arü éstewaama maxẽxü̃ ga doxonexü̃arü tocutügu ãpatagüxü̃ nüxü̃ daugügu ga nax yabuxmüxü̃ ga Iraétanüxü̃arü churaragü, rü Chaú rü ñu̱xũchi nanegü rü nax nayuexü̃, rü norü ĩanegüna nibuxmü rü naxĩgü. Rü yexguma ga nüma ga Firitéugü rü yéma nangugü, rü yexma naxãchiü̃gü nagu ga guma ĩanegü.