1 Chamué 13:3 - Tupanaarü Ore

³ Rü nüma ga Yonatáü̃ rü naxca̱x ínayaxüãchi ga guma Firitéugüarü churaragüpata ga Guibeáwa yexmane rü nanadai. Rü nüma ga Firitéugü rü nüxü̃ nacuáchigagü. Rü yemaca̱x nüma ga Chaú rü nanamu nax guxü̃wama ga Iraéanewa nagu yacuegüxü̃ca̱x ga cornéta nax yemaacü nüxü̃ nacua̱xgüxü̃ca̱x ga Iraéanecüã̱xgü.

1 Chamué 13:3 Referans Kwoze

1 Chamué 10:5

Rü ngẽmawena rü tá Guibeá ya Tupanaarü Ma̱xpǘnegu ãéganewa cungu i Firitéugüarü dauxü̃taechica íngẽxmaxü̃wa. Rü ngẽxguma yima ĩanegu cuxücuxgux, rü ngẽxma tá nüxü̃ cungau i ñuxre i Tupanaarü orearü uruü̃gü i Tupanaãxẽ ya Üünecü namaxã icuáxü̃ i Tupanaarü cua̱xüü̃wa ne ĩxü̃. Rü ngẽmape̱xegu tá naxĩ i duü̃xü̃gü i paxetatanüxü̃ i norü árpamaxã, rü árpaxacümaxã, rü paü̃derumaxã rü wowerumaxã.

Ãẽ̱xgacügü ga guxchaxü̃güarü mexẽxẽruü̃gü 3:27

Rü yexguma Iraégüarü naanewa nanguxgu, rü Efraíü̃arü máxpü̱xanexü̃wa cornétagu nayarücue nax yemaacü Iraétanüxü̃ca̱x naca̱xaxü̃. Rü guxü̃ma ga nüma ga yema duü̃xü̃gü rü ma̱xpǘnegüwa narüchoü̃ namaxã ga Aóx ga nape̱xegu ixũxü̃.

Ãẽ̱xgacügü ga guxchaxü̃güarü mexẽxẽruü̃gü 6:34

Natürü ga Cori ya Tupanaãxẽ ya Üünecü rü Yedeóü̃maxã inacua̱x. Rü nüma ga Yedeóü̃ rü carnéruchata̱xcuxregu nicue nax naxü̃tawa naxĩxü̃ca̱x ga Abiéchetanüxü̃ nax íyaxümücügüãxü̃ca̱x.

Chacaría 14:10

Rü guxü̃ma i nachixü̃ane rü naane i metachinüxü̃ tá nayanguxuchi. Rü Guebáwa tá inaxügü rü ñu̱xmata Rimóü̃wa nangu nax naane i meama i weanexü̃ yixĩxü̃ i Yerucharéü̃arü súrwa ngẽxmaxü̃. Rü Yerucharéü̃ rü máxpü̱xanexü̃wa tá nangẽxma. Rü duü̃xü̃gü rü tá ngẽxma naxãchiü̃gü. Rü Bẽyamíü̃arü ĩã̱xwa inaxügü nax yaxüchixü̃güxü̃ ñu̱xmata ngẽma nüxíraxü̃xü̃ i ĩã̱xwa nangu rü ñu̱xmata naxtapü̱x íyapoõchixü̃ i ĩã̱xwa nangu nax yaxüchixü̃güxü̃. Rü ngéma rü tá nida ñu̱xmata Ananéarü dauxü̃taechicawa nangu. Rü ngéma tá nidaama ñu̱xmata ãẽ̱xgacüarü úbaarü ma̱i̱xgütüxü̃wa nangu.

Ichaía 10:29

Rü ngẽma dexá i poraü̃chiüxü̃ rü marü nichoü̃ rü Guébagu napegü. Rü ĩane i Ramácüã̱xgü rü poraãcü nüxü̃ namuü̃e. Rü ĩane ya Guibeá ga Chaúarü ĩanecüã̱xgü rü naxcha̱xwa nibuxmü.

2 Chamué 23:14

Rü nüma ga Dabí rü norü poxü̃chicaxü̃wa nayexma. Rü yema ngunexü̃gügu ga Firitéugüarü churaragü rü Beréü̃wa nayexmagü.

2 Chamué 20:1

Rü yéma nayexma ga wüxi ga Bẽyamíü̃tanüxü̃ ga chixexü̃gu rüxĩnüxü̃ ga Chebágu ãégaxü̃. Rü nüma ga Chebá ga Biquirí nane ixĩxü̃ rü duü̃xü̃güxü̃ namu nax Dabímaxã nanuexü̃ca̱x. Rü ñanagürü: —Yixema rü taxuxü̃ma tüxna naxǘ i naxü̃tawa i Dabí i Ichaxí nane. Rü ngẽmaca̱x ngĩxã rü nüxna tixĩgachi, Pa Iraéanecüã̱xgüx, rü guxãma i pema rü noxtacüma pepataca̱x pewoegu —ñanagürü.

2 Chamué 2:28

Rü yexgumatama ga Yoá rü nagu nicue ga norü carnéruchatacu̱xre rü yexguma ínayachaxãchitanü ga norü churaragü nax Iraéanecüã̱xgüarü churaragüwe yangexü̃tanüxü̃. Rü yexguma nüxü̃ narüchaue nax nügü nada̱i̱xü̃.

1 Chamué 13:16

Rü nüma ga Chaú rü nane ga Yonatáü̃ rü yema 600 ga churaragümaxã rü Guibeá ga Bẽyamíü̃anewa yexmanegu narücho. Rü nüma ga Firitéugü rü woetama marü Mixmáwatama nayexmagü.

Yochué 21:17

Rü Bẽyamíü̃tanüxü̃arü ĩanegüwa rü nüxna nanaxãgü ga ĩanegü ga Gabaóü̃, rü Guéba, rü Anató rü Armóü̃. Rü yemaacü 4 nixĩ ga guma ĩanegü ga nüxna naxãgüne norü wocachitaü̃gümaxãchigü.