1 Chamué 13:19 - Tupanaarü Ore

¹⁹ Rü yexguma rü guxü̃ma ga Iraéanewa rü nataxuma ga Iraéanecüã̱x ga nüxü̃ cuáxü̃ ga fieruwa ta̱xacü íyaxüxü̃güxü̃. Yerü nüma ga Firitéugü rü tama nanangúexẽẽchaü̃ nax fieruwa ta̱xacü naxügüxü̃. Yerü nüma ga Firitéugü rü nagu narüxĩnüe nax yemaacü ga yema Iraéanecüã̱xgü rü taxucürüwa naxnegü ga taragü rü wocaegü naxügüxü̃ca̱x nawa ga yema fierumü.

1 Chamué 13:19 Referans Kwoze

Norü taxre ga popera ga ãẽ̱xgacügüchiga 24:14

Rü ñu̱xũchi nayagagü ga guxü̃ma ga Yerucharéü̃cüã̱xgü, rü norü ãẽ̱xgacügü rü yema churaragü ga yexeraãcü nüxü̃ rücua̱xmaegüxü̃, rü guxü̃ma ga yema ta̱xacüarü üxü̃ icua̱xgüxü̃, rü guxü̃ma ga yema fieruwa ta̱xacü íxüxü̃mügüxü̃. Rü yemaacü 10,000 wa nangu ga yema duü̃xü̃gü ga ínayauxü̃xü̃. Rü yema naanewa rü yema yexeraãcü ingearü diẽruã̱xgüxü̃xicatama yéma nayaxügü.

Yeremía 24:1

Babiróniaanecüã̱xarü ãẽ̱xgacü ga Nabucudonochó rü Babiróniaanewa nanaga ga Yudáanecüã̱xarü ãẽ̱xgacü ga Yeconía ga Yoaquíü̃ nane ixĩcü. Rü wüxigu namaxã yéma nanaga ga Yeconíaarü ngü̃xẽẽruü̃gü ga ãẽ̱xgacügü, rü yema puracütanüxü̃ ga ta̱xacüarü üruxü̃xü̃ icuáxü̃. Rü yemawena ga Tupana rü choxü̃ nüxü̃ nadauxẽxẽ ga taxre ga pexchi ga igumaxã ixããcucü ga Tupanapata ga taxü̃nepe̱xegu nucü.

Ãẽ̱xgacügü ga guxchaxü̃güarü mexẽxẽruü̃gü 5:8

Rü yexguma yema Iraétanüxü̃ tomare ga tupanaxü̃ yacua̱xüü̃gügu rü nüma ga Canaáü̃tanüxü̃ rü tórü ĩanearü ĩã̱xgüwa nangugü nax tüxü̃ nada̱i̱xü̃ca̱x. Rü woo 40,000 ga Iraétanüxü̃ ga churaragü tüxü̃́ nayexmagü, natürü natanüwa rü nataxuma ga bai ga wüxi ga poxü̃ruxü̃ rü bai ga wüxi ga wocae.

Ichaía 54:16

Rü dücax, choma nixĩ ga chanango̱xẽẽxü̃ ga yema duü̃xü̃ ga fieru iguxü̃ nax naxnegü nawa naxüxü̃ca̱x. Rü yexgumarüxü̃ ta chanango̱xẽxẽ ga yema churaragü ga dairuü̃gü nax guxü̃ma iyanaxoxẽẽgüxü̃ca̱x.

1 Chamué 13:20

Rü yemaca̱x ga yema Iraéanecüã̱xgü rü yexguma nawaixmagugüchaü̃ãgu ga norü aimüaneruxü̃ rü norü para rü norü yuema, rü norü pico rü Firitéugüxü̃tawa nanana.