1 Chamué 13:18 - Tupanaarü Ore

¹⁸ Rü yema tochimü rü Bex-oróü̃waama naxĩ. Rü yema norü tomaepü̱xchimü rü nawa naxĩ ga guma ma̱xpǘne ga nawa nüxü̃ idauxü̃ne ga yema doxonexü̃ ga Cheboíü̃ ga ínachianexü̃waama.

1 Chamué 13:18 Referans Kwoze

Neemía 11:34

rü Adíxgu, rü Cheboíü̃gu, rü Nebaráxgu,

Ochéa 11:8

Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

Norü taxre ga to ga popera ga ãẽ̱xgacügüchiga ümatüxü̃ 8:5

Rü yexgumarüxü̃ ta wena nanamexẽxẽ ga guma ĩane ga Bex-oróü̃ ga ma̱xpǘnewa yexmane rü guma ĩane ga Bex-oróü̃ ga norü tuãchiwa yexmane. Rü guma ĩanegü rü ínayapoxegugü rü nananucu ga norü ĩã̱xgü namaxã ga norü chotaruü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:68

Rü nai ga ĩanegü ga nüxna naxãgüne nixĩ ga Yoxmeáü̃, rü Bex-oróü̃, rü Ayaróü̃, rü Gax-rimóü̃, guxü̃ma ga norü naxü̃nachitaxü̃gümaxã.

Yochué 16:5

Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.

Yochué 10:11

Rü yexguma Iraétanüxü̃cha̱xwa nabuxmügu ga yema Amoréutanüxü̃ nagu ga yema Bex-oróü̃arü tuãchixü̃, rü nüma ga Cori ya Tupana rü gáuxü̃ ga itapütaxü̃ naétügu nayixẽxẽ. Rü Iraétanüxü̃ daixü̃arü yexera yema gáuxü̃maxã nayue ga Amoréutanüxü̃.

Naanearü ügüchiga 14:2

Rü guxü̃ma ga yema ãẽ̱xgacügü rü nügü nadai namaxã ga Béra ga ĩane ga Chodómaarü ãẽ̱xgacü, rü Bícha ga ĩane ga Gomóraarü ãẽ̱xgacü, rü Chiná ga ĩane ga Axmáxarü ãẽ̱xgacü, rü Chemébex ga ĩane ga Cheboíü̃arü ãẽ̱xgacü, rü norü ãẽ̱xgacü ga ĩane ga Belá ga Chóagu ãégane.

1 Chamué 14:15

Rü guxü̃ma ga yema Firitéugüarü churaragü ga ínapegüxü̃wa yexmagüxü̃ rü yema napechinüwa yexmagüxü̃ rü poraãcü namuü̃e. Rü yexgumarüxü̃ ta poraãcü namuü̃e ga yema tomaepü̱x ga churaragüchimü ga tóxnamana ĩxü̃ rü yema churaragü ga daiwa ĩxü̃. Rü yexgumayane rü naxĩã̱xãchiane rü yemaca̱x yexeraãcü namuü̃e.

Yochué 10:10

Rü nüma ga Cori ya Tupana rü poraãcü yema Amoréutanüxü̃xü̃ namuü̃exẽxẽ nape̱xewa ga Iraétanüxü̃. Rü yemaca̱x ga Yochuéarü churaragü rü ĩane ga Gabaóü̃gu nanadai ga muxü̃ma. Rü ñu̱xũchi nawe nangẽgü nagu ga yema nama ga Bex-oróü̃wa nadaxü̃. Rü nayadaietanü ga yema Amoréutanüxü̃ ñu̱xmata ĩanegü ga Achecá rü Machedáwa nangugü.