1 Chamué 13:13 - Tupanaarü Ore

¹³ Rü Chamué nanangãxü̃ga rü ñanagürü: —Ngẽma cuxüxü̃ rü wüxi i ngeãẽmare nixĩ, erü tama naga cuxĩnü ya Cori ya Tupanaarü mu. Rü ngẽxguma chi naga cuxĩnügu i ngẽma Cori ya Tupana cumaxã nüxü̃ ixuxü̃, rü nüma rü guxü̃guchima Iraétanüxü̃arü ãẽ̱xgacü cuxü̃ nixĩxẽxẽ.

1 Chamué 13:13 Referans Kwoze

1 Chamué 15:22

Rü nüma ga Chamué rü ínaca rü ñanagürü: —¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rüe̱xna Tupanaga nax ixĩnüexü̃? Rü dücax rü ngẽma Tupana yexera namaxã taãẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax iguxü̃.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

1 Chamué 15:11

—Choxü̃́ nangu̱x ya Chaú nax ãẽ̱xgacüxü̃ nüxü̃ chaxunetaxü̃ erü choxna nixũgachi rü tama nayanguxẽxẽ i ngẽma chanamuxü̃ —ñanagürü. Rü nüma ga Chamué rü poraãcü naãxẽwa nangu̱x ga yema. Rü Cori ya Tupanaxü̃ nachixewe ga guxü̃ma ga yema chütaxü̃gu.

Nüxíraxü̃xü̃ ga popera ga ãẽ̱xgacügüchiga 21:20

Rü nüma ga Acáx rü Eríaxü̃ nangãxü̃ rü ñanagürü: —¿Cumax, Pa Chorü Uanüx, rü choxü̃ icuyangauama? —ñanagürü. Rü nüma ga Ería rü nanangãxü̃ rü ñanagürü nüxü̃: —Ngü̃, cuxü̃ ichayangau nax cumaxã nüxü̃ chayarüxuxü̃ca̱x nax Cori ya Tupanape̱xewa poraãcü chixexü̃ nax cuxüxü̃.

Nüxíraxü̃xü̃ ga popera ga ãẽ̱xgacügüchiga 18:18

Rü nüma ga Ería nanangãxü̃ga rü ñanagürü: —Tama chaugagu nixĩ i ngẽma guxchaxü̃ i ngupetüxü̃ i nua Iraéanewa. Rü cuma rü curü duü̃xü̃gügagu nixĩ i ngẽma ngupetüxü̃, erü tama naga pexĩnüe i ngẽma Cori ya Tupanaarü mugü rü Baáchicüna̱xãgüxü̃ pecua̱xüü̃gü.

Ucu̱xẽgüchiga 19:3

Ngẽma duü̃xü̃ i tama naãẽxü̃ cuáxü̃, rü nüxna nixũgachi i ngẽma nacüma i mexü̃, rü ñu̱xũchi Cori ya Tupanana nanaxu nax yimágagu yixĩxü̃ i nüxna yaxũgachixü̃.

Yox 34:18

Rü ngẽxguma chixexü̃ naxügügu i ngẽma nachixü̃anegüarü ãẽ̱xgacügü rü ngẽma diẽruã̱xgüxü̃, rü Tupana rü nananga.

Norü taxre ga to ga popera ga ãẽ̱xgacügüchiga ümatüxü̃ 19:2

Natürü Tupanaarü orearü uruxü̃ ga Yeú ga Ananí nane rü naxca̱x nixũ rü nüxna naca rü ñanagürü: —¿Tü̱xcüü̃ nüxü̃ curüngü̃xẽxẽ i ngẽma chixexü̃ üxü̃ rü namaxã cuxãmücü i ngẽma Tupanaarü uanügü? Rü ngẽmaca̱x nixĩ ya Cori ya Tupana i cumaxã nanuxü̃.

1 Chamué 1:22

Natürü ga naxma̱x ga Ána rü tama yéma ixũ, rü ngĩgürügü nüxü̃ ga ngĩte: —Taxũtáma ngéma chaxũ i chomax ñu̱xmatáta yamaie ya daa bucü. Rü ngẽxgumaxica tá nixĩ i ngéma chanagaxü̃ nax Cori ya Tupanana chayamuxü̃ca̱x rü ngẽxma nax yanaxã̱ũ̱xũchixü̃ca̱x —ngĩgürügü.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

2 Chamué 24:10

Natürü nawena ga nax yaxugüãxü̃ ga duü̃xü̃gü rü nüma ga Dabí rü nüxü̃́ nangu̱x ga yema naxüxü̃. Rü yemaca̱x Cori ya Tupanamaxã ñanagürü: —Wüxi i taxü̃ i chixexü̃ chaxü nax chayaxugüxü̃ i duü̃xü̃gü. Natürü, Pa Corix, choma nax curü duü̃xü̃ nax chixĩxü̃ rü cuxna naxca̱x chaca nax choxü̃́ nüxü̃ curüngü̃maxü̃ i ngẽma chixexü̃ i cupe̱xewa chaxüxü̃ erü ñoma wüxi i tama naãxẽxü̃ cuáxü̃rüü̃ãcü chanaxü —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:13

Rü yemaacü nixĩ ga nayuxü̃ ga Chaú nagagu ga yema chixexü̃ ga naxüxü̃. Yerü nüma ga Chaú rü tama Tupanaga naxĩnü rü ñu̱xũchi yuüxü̃ ga ẽxü̃guxü̃xü̃ cuáxü̃na nayaca. Rü tama nüxna naca ga Tupana. Rü yemagagu nixĩ ga nüma ga Tupana ga nayuxẽẽãxü̃ ga Chaú rü Ichaxí nane ga Dabíxü̃ naxunetaxü̃ nax nüma Iraéanecüã̱xgüarü ãẽ̱xgacü yixĩxü̃ca̱x.

Ichaía 39:5

Rü yexguma ga nüma ga Ichaía rü Echequíaxü̃ ñanagürü: —¡Dücax, irüxĩnü i ñaa ore ya Cori ya Tupana ya Guxãétüwa Ngẽxmacü nua cuxca̱x muxü̃!:

Yeremía 18:10

Natürü ngẽxguma chi ngẽma nachixü̃ane chixexü̃ naxü̱xgu rü tama naga naxĩnügu i ngẽma chorü ucu̱xẽ, rü taxũtáma nüxna chanaxã i ngẽma mexü̃gü i namaxã chaxueguxü̃.

Naanearü ügüchiga 31:28

Rü woo ga yema chauxacügü rü chautaagü rü bai nüxü̃ chachúxãcüma namaxã quixũmare. Rü ñoma wüxi i duü̃xü̃ i naechitamare maxü̃xü̃rüxü̃ quixĩ.

1 Chamué 26:21

Rü yexguma ga Chaú rü ñanagürü: —Pa Chaunex, Pa Dabíx, rü nüxü̃ chicua̱xãchi nax chixexü̃ chaxüxü̃. Rü ñoma wüxi i duü̃xü̃ i ngeãẽmarexü̃rüxü̃ chamaxü̃, rü poraãcü íchatü. ¡Ẽcü nataegu, rü taxuxü̃táma i chixexü̃ cumaxã chaxü! Erü ñoma i ngunexü̃gu rü nüxü̃ cungechaü̃ i chorü maxü̃, rü tama choxü̃ quima̱x —ñanagürü.

Ucu̱xẽgüchiga 12:8

Yimá yatü ya mea naãẽxü̃ cuácü, rü duü̃xü̃gü nüxü̃ nicua̱xüü̃gü naxca̱x i norü cua̱x. Natürü ngẽma yatü i tama naãẽxü̃ cuáxü̃, rü duü̃xü̃gü nüxü̃ naxoe.