1 Chamué 13:11 - Tupanaarü Ore

^11-12 Natürü nüma ga Chamué rü Chaúxü̃ ñanagürü: —¿Tü̱xcüü̃ cunaxü i ngẽma? —ñanagürü. Rü nüma ga Chaú rü nanangãxü̃ rü ñanagürü: —Nüxü̃ chadau nax tama paxa nua cunguxü̃ rü ngẽma chorü churaragü rü yoxni choxna naxĩgü. Rü ngẽma Firitéugü rü marü Mixmágu nangutaque̱xe. Rü ngẽmaca̱x nagu charüxĩnü nax toxca̱x chi yanachoü̃xü̃ nax toxca̱x íyaxü̃ãchixü̃ca̱x i Guirigáwa naxü̃pa nax Cori ya Tupaname̱xẽgu chaugü chaxüxü̃. Rü ngẽmaca̱x nixĩ i chomatama chanaxüxü̃ nax ãmare íchaguxü̃ —ñanagürü.

1 Chamué 13:11 Referans Kwoze

1 Chamué 13:23

Rü yoxni rü wüxichimüxü̃ ga Firitéugüarü churaragü rü Mixmáarü ma̱xpǘnegüchate̱xewa dapetüxü̃ ga namawaama naxĩ.

1 Chamué 13:16

Rü nüma ga Chaú rü nane ga Yonatáü̃ rü yema 600 ga churaragümaxã rü Guibeá ga Bẽyamíü̃anewa yexmanegu narücho. Rü nüma ga Firitéugü rü woetama marü Mixmáwatama nayexmagü.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

Ichaía 10:28

Rü ngẽma Achíriaanearü churaragü rü Rimóü̃wa nixĩ ne naxĩxü̃, rü Aiáwa nangugü. Rü ñu̱xma rü marü Migróü̃xü̃ nachopetü, rü Mixmágu nananu i naxwetagü.

Norü taxre ga popera ga ãẽ̱xgacügüchiga 5:25

Rü nüma ga Guexáchi rü ñu̱xũchi norü corixü̃tawa naxũ. Rü nüma ga Erichéu rü nüxna naca rü ñanagürü: —¿Ngextá ne cuxũ Pa Guexáchix? —ñanagürü. Rü nüma ga Guexáchi nanangãxü̃ rü ñanagürü: —Taxuwama nixĩ ne chaxũxü̃ —ñanagürü.

2 Chamué 3:24

Rü yexguma ga Yoá rü ãẽ̱xgacüxü̃tawa naxũ, rü nüxü̃ ñanagürü: —¿Ta̱xacü nixĩ icuxüxü̃ Pa Ãẽ̱xgacüx? Abnéx rü nua cuxü̃ ínayadau Pa Ãẽ̱xgacüx, rü cuma rü mea nua cunataeguxẽẽmare.

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

Naanearü ügüchiga 4:10

Natürü nüma ga Cori ya Tupana rü ñanagürü nüxü̃: —¿Tü̱xcüü̃ cueneexü̃ quima̱x? Erü yimá nagü ya waixü̃mügu bacü rü ñoma nümatama ya cuenexẽ choxna cagüxü̃rüü̃tama nixĩ i choxna nacagüxü̃ nax cuxü̃ ínaxuaxü̃xü̃ nax cuxü̃ chapoxcuxü̃ca̱x.

Naanearü ügüchiga 3:13

Rü yexguma ga Cori ya Tupana rü ngĩxna naca ga yema nge rü ñanagürü ngĩxü̃: —¿Tü̱xcüü̃ ngẽma cuxü? —ñanagürü. Rü ngĩma rü inangãxü̃ rü ngĩgürügü: —Ngẽma ãxtape choxü̃ nawomüxẽxẽ rü ngẽmaca̱x chanangõ̱x —ngĩgürügü.