1 Chamué 12:3 - Tupanaarü Ore

³ Rü ñu̱xma rü daxe chixĩ. Ega ngẽxguma chi texéarü wocaca̱x rüe̱xna búruca̱x changĩ̱xgux, rüe̱xna texé chi chaxaixgu, rü chixri tümamaxã ichacua̱xgu rüe̱xna chanayauxtanügu ga ta̱xacürü guxchaxü̃ chamexẽẽ̱xgu, rü marü name i Cori ya Tupanape̱xewa rü nape̱xewa ya yimá ãẽ̱xgacü ya Tupana nüxü̃ unetacü, rü choxü̃ ípexuaxü̃. Rü choma rü tá chanaxütanü i ngẽma pexü̃́ changetanüxü̃ —ñanagürü.

1 Chamué 12:3 Referans Kwoze

Ngechuchuarü ngúexü̃gü ga yamugüxü̃arü puracüchiga 20:33

Choma rü taxuguma chaugüca̱x chanaxwa̱xe ga texéarü diẽru rü texéchiru.

Iraétanüxü̃arü muxchiga 16:15

Rü yexguma ga Moiché rü poraãcü nanu, rü Cori ya Tupanaxü̃ ñanagürü: —Tama chanaxwa̱xe i nüxü̃́ cunayaxu i ngẽma duü̃xü̃güarü ãmaregü. Erü choma rü taguma ñuxgu wüxi i norü búru nüxna chayaxu, rü bai i ñuxgu wüxíemaxã chixexü̃ chaxü —ñanagürü.

Nüxíraxü̃xü̃ ga popera ga Pedru ümatüxü̃ 5:2

Rü chanaxwa̱xe i mea nüxna pedau i Tupanaarü duü̃xü̃gü i pexme̱xwa ngẽxmagüxü̃. Rü name nixĩ i perü ngúchaü̃maxã Tupana naxwa̱xexü̃ãcüma penaxü i ngẽma puracü, rü tama texé pexü̃ muxguxica penaxü rüe̱xna diẽruca̱x penaxü.

1 Chamué 24:6

Rü ñanagürü norü churaragüxü̃: —¡Cori ya Tupana choxü̃ rüngü̃xẽxẽ nax tama ta̱xacü namaxã chaxüxü̃ca̱x i ngẽma chorü ãẽ̱xgacü! Nüma rü ãẽ̱xgacü nixĩ yerü Cori ya Tupanatama nüxü̃ naxuneta —ñanagürü.

Wenaxarü naxümatü ga Tupanaarü mugü 16:19

Rü pemax, Pa Ãẽ̱xgacügü i Guxchaxü̃güarü Mexẽẽruü̃güx, ¡rü taxṹ i peyatoxẽxẽxü̃ i ngẽma guxchaxü̃arü mexẽxẽ! Rü ngẽxguma penamexẽẽgu i ngẽma duü̃xü̃güarü guxchaxü̃gü rü name nax guxãxü̃ma mea penamexẽẽxü̃ i tümarü guxchaxü̃gü. ¡Rü taxũtáma penayaxu ega texé pexü̃́ naxütanüchaü̃gu nax nawaama pexüxü̃ca̱x! Erü ngẽma diẽru rü ñoma yangexetüxü̃rüxü̃ nayaxĩgüxẽxẽ i ngẽma nüxü̃ cua̱xüchixü̃ rü ínayatoxẽxẽ i ngẽma aixcümaxü̃ ixugüxü̃arü dexa.

1 Tesalonicenses 2:10

Pema rü toxü̃ pedaugü rü Tupana rü ta toxü̃ nadau nax yexguma petanüwa tayexmagügu rü aixcüma mea Tupanape̱xewa tamaxẽ rü taguma pepe̱xewa chixexü̃ taxügü.

1 Chamué 12:5

Rü nüma ga Chamué rü ñanagürü: —Ñu̱xma rü nüma ya Cori ya Tupana, rü yimá ãẽ̱xgacü ya nüma nüxü̃ naxunetacü nixĩ ya nüxü̃ ĩnüecü nax pema rü taxuxü̃ma i chixexü̃ chowa ipeyangauxü̃ —ñanagürü. Rü nüma ga duü̃xü̃gü rü ñanagürügü: —Aixcüma ngẽmaãcü nixĩ —ñanagürügü.

1 Chamué 10:1

Rü yexguma ga nüma ga Chamué rü wüxiwexü̃ ga chíxü̃ nayaxu, rü Chaúxü̃ namaxã nabaeru. Rü ñu̱xũchi nüxü̃ nachúxu rü ñanagürü nüxü̃: —Cori ya Tupana cuxü̃ nayaxu i ñu̱xma nax norü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x. Rü cuma tá namaxã icucua̱x rü norü uanügü i nüxü̃ íchomaeguãchixü̃me̱xẽwa tá ícunanguxü̃xẽxẽ. Rü ngẽma cua̱xruü̃gü i nawa tá nüxü̃ cucuáxü̃ nax aixcüma Cori ya Tupana cuxü̃ unetaxü̃ nax norü duü̃xü̃gü i Iraéanecüã̱xgüarü ãẽ̱xgacü nax quixĩxü̃, rü ñaagü tá nixĩ.

Ínachoxü̃xü̃chiga 23:8

Rü cuma nax ãẽ̱xgacü quixĩxü̃, rü tama name i wüxiaxü̃́ cunayauxtanü, nax naétüwaama cuxüxü̃ca̱x ega ta̱xacürü guxchaxü̃ cuxü̃tawa yamexẽẽgügu. Erü ngẽma ãẽ̱xgacü i nayauxtanüxü̃, rü inayacu̱x i ngẽma aixcüma ixĩxü̃, nax tama nüxü̃ nacuáxü̃ca̱x i duü̃xü̃gü, rü ngẽmaãcü ya yíxema duü̃xẽ ya taxuxü̃ma i chixexü̃ üchiréxe, rü nitümaguãchi i ngẽma chixexü̃.

1 Tesalonicenses 2:5

Rü pema nüxü̃ pecua̱x rü taguma pepe̱xewa pexü̃ ticua̱xüü̃gü nax toga pexĩnüexü̃ca̱x, rü taguma pexü̃ tawomüxẽẽgü nax ngĩxü̃ tayauxgüxü̃ca̱x ga perü diẽru. Rü Tupana nixĩ ya toxü̃ daucü nax aixcüma yixĩxü̃ i ngẽma nüxü̃ chixuxü̃.

Ínachoxü̃xü̃chiga 20:17

¡Rü taxũtáma cugüxü̃́ cunangúchaü̃xẽxẽ ya cumücüpata, rüe̱xna naxma̱x, rüe̱xna norü puracütanüxü̃, rüe̱xna naxü̃taxü̃, rüe̱xna norü wocagü, rüe̱xna norü búrugü, rü bai i ta̱xacü i noxrü ixĩxü̃! —ñanagürü ga Tupana.

Ore i mexü̃ ga Luca ümatüxü̃ 19:8

Rü yexguma ga Chaquéu rü inachi rü ñanagürü Ngechuchuxü̃: —Dücax, Pa Corix, choma rü ngẽma ngearü diẽruã̱xgüxü̃na tá chanaxã i ngãxü̃gu i guxü̃ma i chorü ngẽmaxü̃gü. Rü ngẽxguma chi texé tüxü̃ chawomüxẽẽãcüma tüxü̃́ changíxgu, rü ãgümücüe̱xpü̱xcüna tá tüxü̃́ ngĩxü̃ chatáeguxẽxẽ i ngẽma tümaarü diẽru —ñanagürü.

Ore i mexü̃ ga Matéu ümatüxü̃ 22:21

Rü nümagü nanangãxü̃gü, rü ñanagürügü: —Rómacüã̱x ya ãẽ̱xgacü ya tacüchicüna̱xã nixĩ —ñanagürügü. Rü yexguma ga Ngechuchu rü ñanagürü nüxü̃: —¡Ãẽ̱xgacüna ngĩxü̃ pexã i ngẽma ãẽ̱xgacüarü ixĩcü, rü Tupanana ngĩxü̃ pexã i ngẽma Tupanaarü ixĩcü! —ñanagürü.

Lebítanüxü̃arü puracüchiga 6:4

Rü ngẽxguma texé ngẽma chixexü̃gü uxgux, rü tá tanawoeguxẽxẽ i guxü̃ma i ngẽma naxca̱x tangĩ́xü̃, rü ngẽma womüxẽẽãcü toguxena tanapuxü̃, rü ngẽma tügüxü̃́ tayaxuxü̃ i ngẽma tüxü̃ namaxã nanguxü̃xẽẽxü̃, rü ngẽma nüxü̃ itayangauxü̃ rü tama tatáeguxẽẽxü̃, rü ngẽma womüxẽẽãcü tayaxuxü̃ rü tá tanawoeguxẽxẽ i guxü̃ma i ngẽma. Rü ngẽmaétü rü tá tanaxütanü i wüxi i norü 5 arü yauxye i natanü i ngẽma ngẽmaxü̃gü i tayaxuxü̃. Rü ñu̱xũchi chope̱xewa tá tanaga i tümaxü̃na i tümaarü chixexü̃ca̱x choxna tayamuxü̃.

Ínachoxü̃xü̃chiga 22:4

Rü ngẽxguma tümaxü̃tawatama nangẽxmagu rü tama tayama̱xgu i ngẽma naxü̃na i naxca̱x tangĩ́xü̃ rü tanaxwa̱xe nax taxre i tümaxü̃namaxã tanaxütanüxü̃ i ngẽma woca rüe̱xna búru rüe̱xna carnéru i naxca̱x tangĩ́xü̃.

2 Corintios 12:14

Rü ñu̱xma rü marü íchamemare nax norü tomaepü̱xcüna pexü̃ íchayadauxü̃. Rü taxũtáma ta̱xacüca̱x pexna chayaca. Erü tama perü diẽruca̱x petanüwa chaxũ, natürü pexca̱xüchi nixĩ i ngéma chaxũxü̃. Pema rü chauxacügü pixĩgü i Tupanaarü orewa. Rü tama naxacügü nixĩ i nanatügüca̱x nanutaque̱xexü̃ i diẽru. Natürü papagü nixĩ i naxacügüca̱x nanutaque̱xexü̃ i diẽru.

1 Chamué 2:35

Rü ngẽmawena i choma rü tá chayanguxuchixẽxẽ ya wüxi ya chacherdóte ya aixcüma chauga ĩnücü ya choma chanaxwa̱xexü̃ãcüma puracücü rü naxücü i chorü ngúchaü̃. Rü choma rü tá guxü̃gutáma nüxü̃ charüngü̃xẽxẽ nax yamuxü̃ca̱x i nataagü. Rü tá chanamu ya yimá chacherdóte nax guxü̃gutáma yimá choma nüxü̃ chaxunetacü ya ãẽ̱xgacüxü̃ nangü̃xẽẽxü̃.

1 Chamué 12:4

Rü nüma ga Iraéanecüã̱xgü rü nanangãxü̃gü, rü ñanagürügü: —Taguma toxchi cuxai rüe̱xna chixri tomaxã icucua̱x. Rü taguma cunayauxtanü ega torü guxchaxü̃ cumexẽẽgu —ñanagürügü.

Ucu̱xẽgüchiga 15:27

Yíxema womüxẽẽxãcüma naxca̱x dauxe nax tadiẽruã́xü̃, rü nagu tayanachixexẽxẽ i tümapatacüã̱xgü, Natürü ngẽma ãẽ̱xgacü i nüxü̃ oxü̃ nax texé nüxü̃́ naxütanüxü̃ ega guxchaxü̃ namexẽẽgu, rü tá namaxü̃.

1 Chamué 24:7

Rü yemaacü ga Dabí rü nüxna nachogü ga norü churaragü yerü tama nanaxwa̱xe nax Chaúxü̃ nax yama̱xgüxü̃. Rü nüma ga Chaú rü ínaxũxũ ga yema ãxmaxü̃wa rü inaxĩ.

1 Chamué 24:11

¡Rü dücax, mea nuxã nadawenü, Pa Ãẽ̱xgacüx, i ñaa cho̱xme̱xwa ngẽxmaxü̃! ¿Tama ẽ̱xna curü gáuxü̃chirutüchi yixĩxü̃ i ñaa? Rü ngẽmawa nüxü̃ cucua̱x nax marü chi cuxü̃ nax chimáxü̃. Rü ngẽmawa nüxü̃ cucua̱x, Pa Ãẽ̱xgacüx, nax taxuxü̃ma i chixexü̃ cumaxã chaxüxchaü̃xü̃, rü tama chanaxwa̱xexü̃ nax chacuechitaexü̃ rü bai i ñuxgu ta̱xacürü chixexü̃ cumaxã chaxüxü̃. Natürü i cumax, Pa Ãẽ̱xgacüx, rü chowe quingechigü nax choxü̃ quimáxü̃ca̱x.

1 Chamué 26:9

Natürü nüma ga Dabí rü nanangãxü̃ rü ñanagürü: —¡Taxṹ i cuyamáxü̃! Erü texé ya yíxema yamáxe i ngẽma ãẽ̱xgacü ya Tupana nüxü̃ unetaxü̃, rü Tupana rü taxũtáma nanangupetüxẽẽmare nax tüxü̃ napoxcuxü̃.

1 Chamué 26:11

¡Rü Cori ya Tupana choxü̃ rüngü̃xẽxẽ nax tama nagu charüxĩnüxü̃ca̱x nax chayamáxü̃ ya yimá ãẽ̱xgacü ya nümatama ya Cori ya Tupana nüxü̃ unetacü! ¡Rü nayaxu ya yimá wocae ya naeruxü̃tagu puxcü rü ngẽma dexápáxü̃, rü ngĩxã ítixĩ! —ñanagürü.

Neemía 5:11

Rü ngẽmaca̱x pexna naxca̱x chaca nax ñu̱xmatama nüxü̃́ penawoeguxẽẽxü̃ i norü naanegü rü norü úbanecügu rü norü oribunecügü rü napatagü. Rü chanaxwa̱xe nax nüxü̃́ nüxü̃ perüngümaexü̃ i ngẽma pexü̃́ nangetanügüxü̃ i diẽru rü trigu rü bínu rü chíxü̃ —ñachagürü.

Wiyaegü 15:5

rü tümaarü diẽru paxaãchi ngĩxü̃ ixãxẽ nax ngearü üétüãcüma tanatáeguxẽẽãxü̃ca̱x, rü tama diẽru yaxúxe ega texé naxütanügu nax napoxcuxü̃ca̱x i ngẽma taxuxü̃ma i chixexü̃ üxü̃. Rü yíxema ngẽmaãcü maxü̃́xẽ rü tagutáma ta̱xacürü chixexü̃gu tangu.