1 Chamué 12:2 - Tupanaarü Ore

² Daa nixĩ ya ãẽ̱xgacü ya pemaxã tá icuácü. Choma rü marü chaya rü chataueru, natürü chaunegü rü petanüwa nangẽxmagü. Choma nixĩ ga yexguma changextü̱xügucürüwatama pemaxã ichacuáxü̃ rü ñu̱xma rü ta.

1 Chamué 12:2 Referans Kwoze

1 Chamué 8:5

Rü Chamuéxü̃ ñanagürügü: —Cuma rü marü cuya, rü cunegü rü tama curüxü̃ mea tomaxã inacua̱x. Rü ngẽmaca̱x ¡nüxü̃ naxuneta i wüxi i torü ãẽ̱xgacü i réi nax tomaxã inacuáxü̃ca̱x ngẽxgumarüxü̃ i ngẽma togü i nachixü̃anegü i nüxü̃́ nangẽxmaxü̃ i norü ãẽ̱xgacü i réi! —ñanagürügü.

1 Chamué 8:1

Rü yexguma marü naya̱xgu ga Chamué, rü nanegüxü̃ naxuneta nax Iraéanecüã̱xgümaxã inacua̱xgüxü̃ca̱x.

1 Chamué 8:3

Natürü tama nanatürüxü̃ nixĩgü, yerü norü yemaxü̃güguama narüxĩnüe. Rü yexguma ta̱xacürü guxchaxü̃ namexẽẽgügu rü nanayauxtanügü, rü tama nawüxigu i norü ngü̃xẽxẽ i guxãmaxã.

Norü taxre ga popera ga Pedru ümatüxü̃ 1:14

Rü pemaxã nüxü̃ chixu i ngẽma, erü tórü Cori ya Ngechuchu ya Cristu choxü̃ nüxü̃ nacua̱xẽxẽ nax paxa tá chayuxü̃.

Norü taxre ga popera ga Timutéuca̱x naxümatüxü̃ ga Pauru 4:6

Rü choma rü taxũtáma muxü̃ i ngunexü̃ ñoma i naanewa changexma erü marü choxü̃ ningaica nax Tupanaarü puracügagu choxü̃ nax yama̱xgüxü̃.

Wiyaegü 71:18

Pa Chorü Tupanax, ñu̱xma nax marü chayaxü̃ rü chapuxeruxü̃, rü ¡taxṹ i choxna quixũgachixü̃! Erü chanaxwa̱xe i curü porachigaxü̃ chixu namaxã i ngẽma ñu̱xma maxẽxü̃ i duü̃xü̃gü nax nümagü rü ta ngẽma duü̃xü̃gü i tá ingóetanüxü̃maxã nüxü̃ yaxugüxü̃ca̱x.

1 Chamué 3:16

Natürü nüma ga Erí rü Chamuéca̱x naca rü ñanagürü nüxü̃: —Pa Chaunex, Pa Chamuéx —ñanagürü. Rü nüma ga Chamué nanangãxü̃ rü ñanagürü: —Daxe chixĩ —ñanagürü.

1 Chamué 3:13

Yerü marü namaxã nüxü̃ chixuchire̱x rü poxcu i taguma guxü̃gu tá chanapoxcue i ngẽma nanegü naxca̱x i ngẽma chixexü̃ i nüma marü nüxü̃ nacuáxü̃. Yerü ga nanegü rü chixexü̃ chomaxã nixugüxe rü nüma rü tama nüxna nachogü naxca̱x ga yema chixexü̃ ga naxügüxü̃.

1 Chamué 2:29

¿Tü̱xcüü̃ chixri namaxã ipecua̱x i ngẽma ãmaregü i cha̱u̱xca̱x pedaixü̃ rü cha̱u̱xca̱x ípeguxü̃ rü ngẽma togü i ãmaregü i choma chamuxü̃ nax choxna naxãgüxü̃ i duü̃xü̃gü? ¿Tü̱xcüü̃ natanüwa i guxü̃ma i ngẽma ãmaregü i chorü duü̃xü̃gü i Iraétanüxü̃ choxna ãgüxü̃ rü cunegünaama cunaxã i ngẽma ãmaregü i rümemaegüxü̃ rü ngẽmamaxã cuyangüexẽxẽ i cunegü?

1 Chamué 2:22

Rü nüma ga gumá chacherdóte ga Erí rü marü poraãcü nayaxüchi. Natürü nüxü̃ nacua̱xama ga yema chixexü̃ ga nanegü Iraétanüxü̃tanüwa ixügüxü̃, rü ñuxãcü yema ngexü̃gü ga Tupanapataarü ücuchicawa puracüexü̃maxã nax namaxẽxü̃.

1 Chamué 3:10

Rü yemawena rü yéma nangu ga nüma ga Cori ya Tupana. Rü yexma nachi rü wenaxarü Chamuéna naca yema noxri nüxna nacagurüü̃tama, rü ñanagürü: —Pa Chamuéx, Pa Chamuéx —ñanagürü. Rü nüma ga Chamué rü nanangãxü̃ rü ñanagürü: —¡Idexa! Rü cuxü̃ chaxĩnü nixĩ i choma nax curü puracütanüxü̃ chixĩxü̃ —ñanagürü.

Yochué 23:1

Rü mucüma ga taunecü marü ningegü nax Tupana rü Iraétanüxü̃xü̃ nangü̃xẽẽxü̃ nax norü uanügümaxã nangüxmüexü̃ca̱x. Rü nüma ga Yochué rü marü naya.

Yochué 23:2

Rü nüma ga Yochué rü guxü̃ma ga Iraétanüxü̃arü ãẽ̱xgacügüca̱x nangema. Rü yema wüxitücumüchigüarü ãẽ̱xgacügüca̱x nangema, rü yema ãẽ̱xgacügü ga guxchaxü̃güarü mexẽẽruü̃ca̱x nangema, rü yema churaragüerugüca̱x rü ta nangema. Rü ñanagürü nüxü̃: —Marü chipa erü marü chaya.