1 Chamué 12:19 - Tupanaarü Ore

¹⁹ Rü yemaca̱x guxü̃ma ga yema duü̃xü̃gü rü Chamuéxü̃ ñanagürügü: —¡Cori ya curü Tupanana toxca̱x naca nax tama tayuexü̃ca̱x! Erü ñu̱xma rü tanayexeraxẽxẽ i guxü̃ma i torü chixexü̃gü nagagu nax wüxi ya torü ãẽ̱xgacü i réica̱x nax ítaca̱xaxü̃ —ñanagürügü.

1 Chamué 12:19 Referans Kwoze

Ínachoxü̃xü̃chiga 9:28

¡Rü ngẽmaca̱x Tupanana naxca̱x peca nax yanaxoxẽẽãxü̃ca̱x ya ãẽmacügü rü ngẽma gáuxü̃pütagü, erü marü tama namaxã taporae! Rü marü tá pexü̃ íchamuxü̃ —ñanagürü.

Nüxíraxü̃xü̃ ga popera ga Cuáü̃ ümatüxü̃ 5:16

Rü ngẽxguma chi texé nüxü̃ da̱u̱xgu i tümaenexẽ nax pecadu naxüxü̃, rü name nixĩ nax naxca̱x yumüxẽxü̃ ega tama pecadu i iyanatauxẽẽxü̃ yixĩxgu. Rü Tupana tá nanamaxẽxẽ i ngẽma tümaenexẽ ega tama pecadu i iyanatauxẽẽxü̃ yixĩxgu. Nangexma i pecadu i tüxü̃ iyarütauxẽẽxü̃. Rü ngẽxguma ngẽma pecaduwe naxũãmagu i wüxi i peenexẽ, rü tama pexü̃ chamu nax naxca̱x peyumüxẽgüxü̃.

1 Chamué 12:23

Rü ñu̱xma i choma rü tama chanaxwa̱xe i pecadu chaxü, rü ngẽmaca̱x taxũtáma nüxü̃ charüchau nax pexca̱x chayumüxẽxü̃. Rü tá pexü̃ changúexẽxẽama nax mea Cori ya Tupanaca̱x pemaxẽxü̃ rü mea nawe perüxĩxü̃ca̱x.

Ínachoxü̃xü̃chiga 10:17

Rü ngẽmaca̱x pexna naxca̱x chaca nax ñu̱xmaica choxü̃́ nüxü̃ perüngümaxü̃ca̱x i chorü chixexü̃ rü ñu̱xũchi cha̱u̱xca̱x peyumüxẽgüxü̃ nax Cori ya perü Tupana choxna yaxũgachixẽẽxü̃ca̱x i ñaa guxchaxü̃ i yuwa tüxü̃ gaxü̃ —ñanagürü.

Popera ga Chantiágu ümatüxü̃ 5:15

Rü ngẽxguma mea Tupanaaxü̃́ yaxõgüãcüma nayumüxẽgügu, rü tá tümaca̱x nitaane, rü nüma ya Cori ya Tupana tá tüxü̃ ínarüdaxẽxẽ nawa i tümaarü da̱xawe. Rü ngẽxguma chi ta̱xacürü pecadu taxü̱xgu, rü Tupana tá tüxü̃́ nüxü̃ inarüngüma.

Ngechuchuarü ngúexü̃gü ga yamugüxü̃arü puracüchiga 8:24

Rü Chimóü̃ nanangãxü̃, rü ñanagürü: —¡Cha̱u̱xca̱x peyumüxẽgü rü Tupanana cha̱u̱xca̱x peca nax tama choxü̃ nangupetüxü̃ca̱x i ngẽma nüxü̃ pixuxü̃! —ñanagürü.

Maraquía 1:9

Rü ñanagürü ta: —Dücax, Pa Chacherdótegüx, Tupanana peca nax nüxü̃́ pengechaü̃tümüxü̃xü̃ca̱x Natürü ngẽxguma chixemarexü̃ i ãmaregü nüxna pixãgügu ¡rü taxũtáma nagu perüxĩnüe nax ngẽmamaxã nataãẽxü̃ i nümax! —ñanagürü ya Tupana ya Guxü̃étüwa Ngẽxmacü.

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Yox 42:8

¡Rü ẽcü i ñu̱xma rü 7 i woca i iyatüxü̃ piyauxgü rü 7 i carnérugü rü chorü duü̃ ya Yoxü̃tawa penagagü! ¡Rü yimápe̱xewa perü maxü̃ca̱x penadai rü ípeyagu i ngẽma naxü̃nagü! Rü nüma ya yimá chorü duü̃ ya Yox rü tá pexca̱x nayumüxẽ. Rü choma rü tá nüxü̃́ nüxü̃ chaxĩnü i norü yumüxẽ rü taxuxü̃táma chixexü̃ pemaxã chaxü woo nax namexü̃ nax pexü̃ chapoxcuexü̃ nagagu nax tama aixcümaxü̃ pixuxü̃ ga chauchiga yimá chorü duü̃ ga Yox nüxü̃ ixuxü̃rüxü̃ —ñanagürü ga Tupana.

1 Chamué 7:8

Rü Chamuéxü̃ ñanagürügü: —¡Taxṹ i nüxü̃ curüchauxü̃ nax tórü Cori ya Tupanamaxã quidexaxü̃ nax naxme̱xwa tüxü̃ ínanguxü̃xẽẽxü̃ca̱x i ngẽma Firitéugü! —ñanagürügü.

1 Chamué 7:5

Rü yemawena ga Chamué rü Iraéanecüã̱xgüxü̃ ñanagürü: —¡Ĩane ya Mispágu penangutaque̱xexẽxẽ i guxü̃ma i Iraéanecüã̱xgü! Rü ngéma tá nixĩ i peétüwa nüxna chachogüxü̃ ya Cori ya Tupana —ñanagürü.

Naanearü ügüchiga 20:7

Natürü i ñu̱xma rü ¡naxca̱x ngĩxü̃ namuegu i naxma̱x ya yimá yatü, erü nüma rü chorü orearü ngeruxü̃ nixĩ! Rü nüma rü cuxca̱x tá nayumüxẽ nax ngẽmaãcü tama cuyuxü̃ca̱x. Natürü ngẽxguma taxũtáma ngĩxü̃ cumueguxgu rü aixcüma tá cuyu wüxigu namaxã i cutanüxü̃ —ñanagürü.

Iraétanüxü̃arü muxchiga 21:7

Rü nüma ga duü̃xü̃gü rü Moichéca̱x naxĩ rü ñanagürügü nüxü̃: —Aixcüma chixexü̃ taxügü yerü chixri cuchiga rü Corichiga tidexagü. ¡Rü nüxna nachogü ya Cori ya Tupana nax toxna yaxĩgachixẽẽãxü̃ca̱x i ñaa ãxtapegü! —ñanagürügü. Rü nüma ga Moiché rü Cori ya Tupanana naca nax Iraétanüxü̃axü̃́ nüxü̃ nangümaxü̃ca̱x ga norü chixexü̃gü.

1 Chamué 12:13

Rü daa nixĩ ya yimá ãẽ̱xgacü ya pematama naxca̱x ípecacü. Rü nüma ya Cori ya Tupana rü marü pexna nanamu ya yimá ãẽ̱xgacü ya naxca̱x ípecacü.

1 Chamué 12:17

Pema rü meama nüxü̃ pecua̱x rü ñu̱xma nax tríguarü buxgüwa nanguxü̃ rü taguma napu. Rü ngẽmaca̱x i ñu̱xma rü tá Tupanana chaca nax ãẽmacü rü pucü nua namuxü̃ca̱x nax ngẽmawa nüxü̃ picua̱xãchitanüxü̃ca̱x i ngẽma chixexü̃ i taxü̃ i pexüxü̃ ga yexguma wüxi ya perü ãẽ̱xgacü i réica̱x ípecaxgu —ñanagürü.

1 Chamué 12:20

Rü nüma ga Chamué rü nanangãxü̃ rü ñanagürü: —¡Taxuca̱xma pemuü̃e! Rü aixcüma nixĩ ga chixexü̃ pexüxü̃. Natürü i ñu̱xma rü ¡pexuãxẽ nax tama Cori ya Tupanana pexĩgachixü̃ca̱x, rü aixcüma nüxü̃ pengechaü̃güxü̃ca̱x rü nüxü̃ picua̱xüü̃güxü̃ca̱x!

Yox 37:13

Rü guxü̃ma i ngẽmawa Tupana tüxü̃ nüxü̃ nadauxẽxẽ i norü pora. Rü tacü ya buanecü rü pucü núma namu nax namaxã duü̃xü̃güxü̃ yanawe̱xãchixẽẽxü̃ca̱x. Rü yimáwatama tüxü̃ nanawe̱x nax nüxü̃́ ingechaü̃tümüxü̃güxü̃.

Yeremía 27:18

Rü ngẽxguma aixcüma orearü uruü̃gü yaxĩgügu, rü ngẽxguma aixcüma nüxü̃́ nangẽxmagu i Tupanaarü ore, rü name nax Cori ya Tupana ya Guxãétüwa ngẽxmacümaxã nüxü̃ yaxugüxü̃ nax tama Babiróniaanewa nanaaxü̃ca̱x i ngẽma ngẽmaxü̃gü i Tupanapatawa yaxügüxü̃ rü ngẽma ngẽmaxü̃gü i Yudáanearü ãẽ̱xgacüpatawa yaxügüxü̃ i Yerucharéü̃wa”, ñanagürü.

Ínachoxü̃xü̃chiga 32:30

Rü moxü̃ãcü ga Moiché rü duü̃xü̃güxü̃ ñanagürü: —Pema rü poraãcü chixexü̃ pexügü. Rü ñu̱xma rü tá wena dauxü̃ chaxĩ nawa ya yima ma̱xpǘne ya Tupana nawa ngẽxmane nax nüxna chayaca̱xaxü̃ca̱x rü marü pexü̃́ nüxü̃ iyanangüma i ngẽma chixexü̃ i pexüxü̃ —ñanagürü.

1 Chamué 8:6

Rü yexguma ga nüma ga Chamué rü tama namaxã nataãxẽ yerü yema duü̃xü̃gü rü nanaxwa̱xegü nax nüxü̃́ nangẽxmaxü̃ ya wüxi ya ãẽ̱xgacü ya réi nax namaxã inacuáxü̃ca̱x. Rü yemaca̱x norü yumüxẽwa Cori ya Tupanamaxã nüxü̃ nixu.

Yeremía 37:3

Rü nüma ga ãẽ̱xgacü ga Chedequía rü nanamu ga Cheremía nane ga Yucá rü chacherdóte ga Chofonía ga Maachía nane nax Yeremíaxü̃tawa naxĩxü̃ca̱x nax namaxã nüxü̃ yaxugüexü̃ca̱x: —¡Toxca̱x nayumüxẽ, Pa Yeremíax, nax Cori ya torü Tupana toxü̃ rüngü̃xẽẽxü̃ca̱x! —ñanagürü.