1 Chamué 12:10 - Tupanaarü Ore

¹⁰ Natürü nüma ga Iraétanüxü̃ rü noxtacüma Tupanamaxã nüxü̃ nixugüe nax chixexü̃ naxügüxü̃ rü nüxna yaxĩgachitanüxü̃. Rü ñanagürügü: “Cupe̱xewa chixexü̃ taxü erü cuxü̃ ítata̱xgü rü ñu̱xũchi nüxü̃ ticua̱xüü̃gü i naxchicüna̱xãgü i Baá rü Ataré. Rü ngẽmaca̱x cuxü̃ taca̱a̱xü̃ nax naxme̱xwa toxü̃ ícunguxü̃xẽẽxü̃ i ngẽma torü uanügü. Rü cumaxã nüxü̃ tixugüe nax cuxü̃xicatama tá ticua̱xüü̃güxü̃”, ñanagürügü.

1 Chamué 12:10 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 10:10

Rü yexguma ga Iraétanüxü̃ rü Cori ya Tupanana ngü̃xẽẽca̱x nacagüe rü ñanagürügü: —Pa Tórü Tupanax, cupe̱xewa chixexü̃ taxügü rü cuxna tixĩgachi nax nüxü̃ ticua̱xüü̃güxü̃ca̱x i ngẽma tupananetagümare —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 2:13

Rü yema Iraétanüxü̃ rü Cori ya Tupanana nixĩgachi nax yema togü ga duü̃xü̃güarü tupananetagü ga Baá rü Ataréchicüna̱xãgüxü̃ yacua̱xüü̃güxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 3:7

Rü yema nacümagü ga Iraétanüxü̃ nagu maxẽxü̃ rü Cori ya Tupanape̱xewa rü poraãcü nachixe. Yerü Cori ya Tupanaxü̃ inarüngümae rü Baáchicüna̱xãgüxü̃ rü Acheráchicüna̱xãgüxü̃ nicua̱xüü̃gü.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Wiyaegü 106:44

Natürü yexguma Tupana nüxü̃ ĩnügu ga norü axu rü nüxü̃ nada̱u̱xgu nax taxü̃ ga guxchaxü̃wa nayexmagüxü̃, rü nüma ga Tupana rü nüxna nacua̱xãchi ga norü uneta ga namaxã nüxü̃ yaxuxü̃. Rü yemaca̱x nüxü̃́ nangechaü̃tümüxü̃ erü nataxüchi i norü ngechaü̃.

1 Chamué 7:2

Rü 20 ga taunecü ningu ga yema Tupanaarü mugüchixü̃ ga ĩane ga Quiriáx-yearíü̃wa nax nayexmaxü̃. Rü guxü̃ma ga Iraéanecüã̱xgü rü poraãcü nangechaü̃gü rü Cori ya Tupanaca̱x nawoegu.

Ãẽ̱xgacügü ga guxchaxü̃güarü mexẽxẽruü̃gü 6:7

Rü yexguma Iraétanüxü̃ Cori ya Tupanaarü ngü̃xẽẽca̱x ínacagügu nax Madiáü̃tanüxü̃me̱xẽwa ínanguxü̃xü̃ca̱x, rü nüma ga norü Tupana rü yéma nanamu ga wüxi ga norü orearü uruxü̃ ga ñaxü̃: —Ñanagürü ya Cori ya Tupana: “Choma nixĩ ga pexü̃ íchagaxü̃xü̃ ga Equítuanewa ga norü puracütanüxü̃xü̃ pexü̃ íyaxĩgüxẽẽxü̃wa.

Ãẽ̱xgacügü ga guxchaxü̃güarü mexẽxẽruü̃gü 4:3

Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

Ãẽ̱xgacügü ga guxchaxü̃güarü mexẽxẽruü̃gü 2:11

Rü nüma ga Iraétanüxü̃ rü Tupanape̱xewa chixexü̃ naxügü, rü inanaxügüe ga Baáchicüna̱xãxü̃ nax yacua̱xüü̃güxü̃.

1 Chamué 7:6

Rü nüma ga Iraéanecüã̱xgü rü Mispágu nangutaque̱xegü. Rü yéma puchuwa dexá ta nayauxü̃gü, rü Cori ya Tupanape̱xegu nanabagü norü ãmareruxü̃. Rü yema ga ngunexü̃gu rü naxauree rü tama nachibüe. Rü guxü̃ma ga duü̃xü̃gü rü nüxü̃ nixugüe nax chixexü̃ naxügüxü̃ ga Tupanape̱xewa. Rü yéma Mispáwa nixĩ ga Chamué ga inaxügüãxü̃ ga Iraéanecüã̱xgümaxã inacuáxü̃.