1 Chamué 11:9 - Tupanaarü Ore

⁹ Rü yemawena rü yema duü̃xü̃gü ga Yabécüã̱xgü ga orearü ngeruü̃güxü̃ ñanagürü: —¡Namaxã nüxü̃ pixu i duü̃xü̃gü i Yabécüã̱xgü rü moxü̃ tocuchigu tá ngéma tangugü nax ítanapoxü̃xü̃ca̱x! —ñanagürü. Rü yema duü̃xü̃gü rü natanüxü̃ ga Yabécüã̱xgümaxã nüxü̃ narüxugüe ga yema ore. Rü nümagü rü poraãcü nataãẽgüxüchi.

1 Chamué 11:9 Referans Kwoze

Wiyaegü 18:17

Rü choxü̃ ínanguxuchixẽxẽ naxme̱xwa ga chorü uanügü ga poraxü̃ ga chauxchi aiexü̃ rü choxü̃ rüporamaegüxü̃.

Ãẽ̱xgacügü ga guxchaxü̃güarü mexẽxẽruü̃gü 21:8

¿Rü nangẽxma ngürüãchi i Iraé i duü̃xü̃gü ga tama Cori ya Tupanape̱xewa yexmaxü̃ ga Mispáwa ingutaque̱xegügu? —ñanagürügü. Rü nüxna nacua̱xãchie nax yema ngutaque̱xewa natauxexü̃ ga ĩane ga Yabécüã̱xgü ga Garaáxanewa yexmane.

1 Chamué 11:8

Rü yexguma Béchexwa Chaú yaxugügu ga norü duü̃xü̃gü ga yexma ngutaque̱xegüxü̃, rü nayexma ga 300,000 ga yatügü ga Iraéanecüã̱xgü rü naétü 30,000 ga Yudáwa ne ĩxü̃.

1 Chamué 11:10

Rü nüma ga yema Yabéarü ãẽ̱xgacügü rü Amóü̃tanüxü̃arü ãẽ̱xgacü ga Naxamaxã nüxü̃ nayarüxugü, rü ñanagürügü: —Moxü̃ rü tá cuxna togü tana nax cuma cunaxwa̱xexü̃ tomaxã cuxüxü̃ca̱x —ñanagürügü.

1 Chamué 31:11

Rü yexguma Garaáxanewa yexmane ga ĩane ga Yabécüã̱xgü nüxü̃ cua̱xgügu ga yema Chaúmaxã naxügüxü̃ ga Firitéugü, rü nügü nanutaque̱xe ga guxü̃ma ga yatügü ga tama muü̃ewa̱xexü̃. Rü nawena nax guxü̃ ga chütaxü̃ inaxĩxü̃, rü Bex-cháü̃arü poxeguxü̃tápü̱xwa nanayauxgü ga Chaúxü̃ne rü yema nanegüxü̃ne. Rü ñu̱xũchi ĩane ga Yabéca̱x nawoegu rü yéma ínanagu ga naxü̃negü.

2 Chamué 2:5

rü nüma ga Dabí rü ñuxre ga norü orearü ngeruxü̃ yéma namugü namaxã ga ore ga ñaxü̃: —¡Cori ya Tupana pexü̃ rüngü̃xẽxẽ! Erü poraãcü nüxü̃ pengechaü̃ ga perü ãẽ̱xgacü ga Chaú rü ngẽmaca̱x mea ipenata̱x.