1 Chamué 11:11 - Tupanaarü Ore

¹¹ Rü moxü̃ãcü rü nüma ga Chaú rü norü churaragüxü̃ mea ininu, rü tomaepü̱xtücumügu nayayauxye. Rü naxü̃pa ga nax yangóonexü̃ rü norü uanügü ípegüxü̃gu nachocu. Rü nanadai ga guxü̃ma ga Amóü̃tanüxü̃ ñu̱xmata tocuchiwa nangu. Rü yema maxẽxü̃, rü nügümaxã nanawoone, rü yemaca̱x taxuxü̃ma ãmücüxü̃ niña.

1 Chamué 11:11 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 7:16

Rü yexgumatama ga nüma ga Yedeóü̃ rü tomaepü̱xtücumügu nayatoye ga yema 300 ga norü duü̃xü̃gü. Rü carnéruchatacu̱xre nüxü̃ ninu, rü ñu̱xũchi tü̃xü̃gü ga aixepewa ixomüã́xü̃ nüxü̃ ninu.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Ore i mexü̃ ga Matéu ümatüxü̃ 7:2

Erü ngẽxgumarüxü̃ nax toguxexü̃ pixuxü̃ rü togü tá pexü̃ nixu. Rü ngẽma dexa i namaxã tüxü̃ pixuxü̃, rü ngẽmatama dexamaxã tá pexü̃ tixu.

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

1 Chamué 11:2

Rü nüma ga Amóü̃tanüxü̃arü ãẽ̱xgacü ga Naáx rü nanangãxü̃ rü ñanagürü: —Marü name i pemaxã ichaxüga ega chi pexü̃́ namexgu nax perü tügünexetü chayaxuxü̃ i wüxichigü i pema nax ngẽmaãcü wüxi i cugüruxü̃ pixĩgüxü̃ca̱x i guxãma i pema i Iraéanecüã̱xgü —ñanagürü.

Ãẽ̱xgacügü ga guxchaxü̃güarü mexẽxẽruü̃gü 9:43

Rü yemaca̱x tomaepü̱xgu nayayauxgü ga norü churaragü rü naanegu nayacu̱xgüxẽxẽ. Rü yexguma nüxü̃ nadaugügu ga duü̃xü̃gü ga Chiquéü̃cüã̱xgü ga ĩanewa nax ínachoxü̃xü̃, rü nüma ga yema íyacu̱xgüxü̃wa rü nichoxü̃, rü tüxü̃ nadai ga guxema Chiquéü̃cüã̱xgü.

Ãẽ̱xgacügü ga guxchaxü̃güarü mexẽxẽruü̃gü 4:16

Rü yexgumayane ga nüma ga Baráx rü yema Chícharaarü churaragüwe rü yema carugüwe nangẽ ñu̱xmata Aróche-goíü̃wa nangu. Rü yema ngunexü̃gu rü taxuxü̃ma ga Chícharaarü churaragü ínayaxü. Rü guxü̃ma nayue.

Ãẽ̱xgacügü ga guxchaxü̃güarü mexẽxẽruü̃gü 1:7

Rü yexguma nüma ga Adonichéde rü ñanagürü: —Tupana rü ñu̱xma chomaxã nanaxü ga yema chaxüxü̃ namaxã ga yema 70 ga ãẽ̱xgacügü ga yexguma íchanadaü̃gu ga guma norü tatareneme̱xẽgü rü guma norü tatarenecutügü. Rü nümagü rü chorü mechatüü̃gu ínawaatanünexü̃ naxca̱x ga yema chorü õnatüchi ga rüyixix —ñanagürü. Rü yemawena rü Adonichédexü̃ Yerucharéü̃wa nagagü. Rü yexma nixĩ ga nayuxü̃.

Ínachoxü̃xü̃chiga 14:24

Natürü yexguma marü ngunetüxü̃wa nanguxgu, rü nüma ga Cori ya Tupana rü yema caixanexü̃ ga üxüemarüxü̃ ixĩxü̃wa Equítuanecüã̱xgüarü churaragüxü̃ nadawenü. Rü nanaxĩ̱xãchiãẽgüxẽxẽ. Rü yemaca̱x nügümaxãtama nanue.

Naanearü ügüchiga 22:14

Rü yemawena ga Abraáü̃ rü nanaxüéga ga yema nachica ñaxü̃maxã: —Cori ya Tupana rü tüxna nanaxã i ngẽma inaxwa̱xexü̃ —ñaxü̃maxã. Rü ngẽmaca̱x i ñu̱xma rü ta duü̃xü̃gü nüxü̃ nixu rü ñanagürügü: —Yima ma̱xpǘnewa Tupana tüxna nanaxã i ngẽma inaxwa̱xexü̃ —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 7:20

Rü yexgumatama ga yema tomaepü̱xtücumü rü nagu nicuegü ga yema carnéruchatacu̱xregü rü nayapuexẽxẽ ga tü̃xü̃gü. Rü norü to̱xweme̱xẽgu nayana ga norü omügü ga iya̱u̱xratanüxü̃, rü norü tügüneme̱xẽgu nayana ga carnéruchata̱xcuxregü, rü —Cori ya Tupanaca̱x rü Yedeóü̃ca̱x yigü tadai —ñaxü̃maxã aita naxüe.

2 Chamué 18:2

Rü yemawena rü tomaepü̱xtücumügu nayayauxye ga norü churaragü. Rü wüxitücumümaxã inacua̱x ga Yoá. Rü totücumümaxã inacua̱x ga Abichái ga Cheruiá nane ga Yoáenexẽ ixĩcü. Rü yema totücumümaxã inacua̱x ga Itái ga ĩane ga Gáxcüã̱x ixĩcü. Rü ñu̱xũchi ga nüma ga Dabí rü guxü̃ma ga yema norü churaragüxü̃ ñanagürü: —Choma rü tá ta pexü̃ íchixümücü i daiwa —ñanagürü.

1 Chamué 14:47

Rü yemaacü ga Chaú rü nügü nango̱xẽxẽ nax nüma rü aixcüma Iraéanecüã̱xgüarü ãẽ̱xgacü yixĩxü̃. Rü nüma rü guxü̃wama ga norü naanewa rü nanadai ga norü uanügü ga Moátanüxü̃, rü Amóü̃tanüxü̃, rü Edóü̃tanüxü̃, rü Chobáarü ãẽ̱xgacügü rü Firitéugü. Rü yema íyadaixetanüãxü̃wa rü nüma nixĩ ga guxü̃xü̃ma naporamaexü̃.