1 Chamué 11:1 - Tupanaarü Ore

¹ Rü nüma ga Amóü̃tanüxü̃arü ãẽ̱xgacü ga Naáx rü norü churaragüxü̃ nangutaque̱xexẽxẽ nax yadaiãcuãxü̃ca̱x ga Iraéanecüã̱xgüarü ĩane ga Yabé ga Garaáxanewa yexmane. Natürü ga yema duü̃xü̃gü ga Yabécüã̱xgü rü ñanagürügü: —¡Tomaxã naxü i wüxi i üga, rü ngẽxguma tá nixĩ i cuxme̱xwa togü tangexmagüxẽẽxü̃! —ñanagürügü.

1 Chamué 11:1 Referans Kwoze

1 Chamué 12:12

Natürü ga pema ga yexguma Amóü̃tanüxü̃arü ãẽ̱xgacü ga Naáx pexca̱x íyachoõchichaü̃gu nax pexü̃ nada̱i̱xü̃ca̱x, rü choxna naxca̱x peca ga wüxi ga ãẽ̱xgacü nax pemaxã inacuáxü̃ca̱x woo nax Cori ya Tupanachire̱x nax yixĩxü̃ ya perü ãẽ̱xgacü.

Echequié 17:13

Rü ñu̱xũchi nüxü̃ naxuneta ga wüxi ga nane ga guma Yudáanearü ãẽ̱xgacü nax Yudáanemaxã inacuáxü̃ca̱x. Rü gumamaxã wüxi ga uneta naxü nax aixcüma tá Babiróniaanearü ãẽ̱xgacüga naxĩnüxü̃ca̱x. Rü yemawena ínayagagü ga yema yatügü ga tachigagüxü̃ ga yema nachixü̃anewa nax yemaacü wüxi ga nachixü̃ane ga turaxü̃ yixĩxü̃ca̱x ga Yudáane, rü yemaacü nigu ga yema uneta ga Yudáanearü ãẽ̱xgacümaxã naxüxü̃.

Nüxíraxü̃xü̃ ga popera ga ãẽ̱xgacügüchiga 20:34

Rü yemawena nüma ga Ben-adáxü̃ rü ñanagürü: —Cuxü̃́ tá chanawoeguxẽxẽ ya yima ĩanegü ga chaunatü cunatüna puxü̃ne. Rü marü name nax Damácugu cunaxüxü̃ ya curü taxepataü̃gü naxrüxü̃ ga chaunatü ga Chamáriagu norü taxepataxü̃gü naxüxü̃ —ñanagürü. Rü nüma ga Acáx rü nanangãxü̃ rü ñanagürü: —Ngẽxgumarüxü̃ ta i choma rü cumaxã nüxü̃ chixu rü taxũtáma cuxü̃ chima̱x! —ñanagürü. Rü yemaacü ga Acáx rü wüxi ga uneta Ben-adáxmaxã naxü rü nayange̱x nax íyaxũxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 21:8

¿Rü nangẽxma ngürüãchi i Iraé i duü̃xü̃gü ga tama Cori ya Tupanape̱xewa yexmaxü̃ ga Mispáwa ingutaque̱xegügu? —ñanagürügü. Rü nüxna nacua̱xãchie nax yema ngutaque̱xewa natauxexü̃ ga ĩane ga Yabécüã̱xgü ga Garaáxanewa yexmane.

Naanearü ügüchiga 26:28

Rü nümagü nanangãxü̃ rü ñanagürügü: —Toma rü marü nüxü̃ tadau nax Cori ya Tupana cumaxã ngẽxmaxü̃. Rü ngẽmaca̱x nagu tarüxĩnüe nax wüxi i uneta cumaxã taxüxü̃. Ngẽma uneta rü ñaa tá nixĩ: Rü cuma rü taxuxü̃táma ta̱xacürü chixexü̃ tomaxã cuxüxü̃, erü toma rü tama cuxü̃ tachixewe. Rü guxü̃guma mea cumaxã tixĩgü, rü yexguma cuxü̃ ítamuxũchigu rü meamare cuxü̃ ítaxũxũxẽxẽ. Rü ñu̱xma rü nüma ya Cori ya Tupana rü poraãcü cuxü̃ ínarüngü̃xẽxẽ —ñanagürügü.

Yox 41:4

¿Ẽ̱xna cumaxã tá nüxü̃ nayarüxu nax nüma rü guxü̃gutáma curü puracütanüxü̃ yixĩxü̃ ñu̱xmata nayu̱x?

Ínachoxü̃xü̃chiga 23:32

¡Rü taxũtáma namaxã cuxüga nax nüxü̃ perüngü̃xẽẽgüxü̃ca̱x, rü bai i norü tupananetagüxü̃ picua̱xüü̃gü! ¡Rü taxũtáma cunaxwa̱xe nax ngẽma naanewa cunangẽxmagüxẽxẽxü̃ i ngẽma duü̃xü̃gü nax tama chope̱xewa pecadu cuxü̃ naxüxẽẽgüxü̃ca̱x! Erü ngẽxguma ngéma cunangexmagüxẽẽgu rü tá norü tupananetagüxü̃ quicua̱xüxü̃ rü cugütátama icuyarütauxẽxẽ —ñanagürü ga Tupana.

Ãẽ̱xgacügü ga guxchaxü̃güarü mexẽxẽruü̃gü 10:7

Rü yemaca̱x nüma ga Cori ya Tupana rü namaxã nanu rü Firitéugüme̱xẽwa rü Amóü̃tanüxü̃me̱xẽwa nanayexmagüxẽxẽ nax namaxã inacua̱xgüxü̃ca̱x.

Wenaxarü naxümatü ga Tupanaarü mugü 23:3

Rü ngẽma Amóü̃tanüxü̃ rü ngẽma Moátanüxü̃ rü tagutáma Tupanaarü duü̃xü̃güarü ngutaque̱xegu nachocu rü woo norü 10 i natücumüwa nangu i ngẽma ngexwaca ingóetanüxü̃ rü tagutáma ngẽxma nachocu.

1 Chamué 14:47

Rü yemaacü ga Chaú rü nügü nango̱xẽxẽ nax nüma rü aixcüma Iraéanecüã̱xgüarü ãẽ̱xgacü yixĩxü̃. Rü nüma rü guxü̃wama ga norü naanewa rü nanadai ga norü uanügü ga Moátanüxü̃, rü Amóü̃tanüxü̃, rü Edóü̃tanüxü̃, rü Chobáarü ãẽ̱xgacügü rü Firitéugü. Rü yema íyadaixetanüãxü̃wa rü nüma nixĩ ga guxü̃xü̃ma naporamaexü̃.

2 Chamué 10:1

Ñuxre ga taunecüguwena rü nayu ga Naáx ga Amóü̃tanüxü̃arü ãẽ̱xgacü. Rü nachicüxü ãẽ̱xgacüxü̃ ningucuchi ga nane ga Anúü̃.

2 Chamué 10:2

Rü nüma ga Naáx rü Dabímaxã namecüma, rü yemaca̱x Dabí nagu narüxĩnü nax yexgumarüxü̃ ta Naáx nane ga Anúü̃maxã namecümaxü̃. Rü yemaca̱x ga Dabí rü ñuxre ga norü churaragüeruxü̃ Anúü̃xü̃tawa namugü nax yataãẽxẽẽgüaxü̃ca̱x nawa ga norü ngechaü̃ nax nanatü yuxü̃. Natürü yexguma Dabíarü churaragüerugü yéma Amóü̃tanüxü̃arü naanewa ngugügu, rü nümagü ga Amóü̃tanüxü̃arü churaragüerugü rü norü ãẽ̱xgacü ga Anúü̃xü̃ ñanagürügü: —¿Ẽ̱xna cuma i nüxü̃́ cuyaxõxü̃, Pa Ãẽ̱xgacüx, nax ngẽma yatügü i Dabí nua mugüxü̃ rü aixcüma yixĩxü̃ i curü taãẽxẽẽwa nua naxĩxü̃? Ngẽma nawa nua namugüãxü̃ nixĩ nax tórü ĩane nax iyadauxgüxü̃ rü nangugüãxü̃ nax yixcama rü nagu nachocuxü̃ca̱x rü tüxü̃ nada̱i̱xü̃ca̱x —ñanagürügü.

2 Chamué 17:27

Rü yexguma Maanaíü̃wa nanguxgu ga Dabí rü naxca̱x naxĩ ga Chobí ga Naáx nane ga Rabácüã̱x ixĩcü ga Amóü̃anewa, rü Maquí ga Amié nane ga Lodebácüã̱x, rü Bachilái ga Rogueríü̃cüã̱x ga Garaáxanewa.

Yeremía 40:11

Rü yema Yudíugü ga Moáanewa, rü Amóü̃anewa, rü Edóü̃anewa rü yema togü ga naanegüwa yexmagüxü̃ rü nüxü̃ nacuáchigagü ga Babiróniaanearü ãẽ̱xgacü nax Iraéanewa yaxügüxẽẽãxü̃ ga ñuxre ga Yudíugü. Rü ñu̱xũchi nüxü̃ naxunetaxü̃ ga Guedaría ga Aicáü̃ nane ga Chapáü̃taxa nax norü ãẽ̱xgacü yixĩxü̃ca̱x ga yema yéma yaxügüxü̃.

Yeremía 40:14

Rü ñanagürügü nüxü̃: —¿Tama ẽ̱xna nüxü̃ cucuáxü̃ nax Baalí ga Amóü̃cüã̱xarü ãẽ̱xgacü rü Netanía nane i Ismaéxü̃ namuxü̃ nax cuxü̃ yamáxü̃ca̱x? —ñanagürügü. Natürü ga Guedaría rü tama nüxü̃́ nayaxõ.

Ãẽ̱xgacügü ga guxchaxü̃güarü mexẽxẽruü̃gü 11:4

Rü yexgumaxü̃cüü nixĩ ga Amóü̃tanüxü̃ ga Iraétanüxü̃ca̱x íyaxüãchixü̃. Rü yemaca̱x ga Garaáxanearü ãẽ̱xgacügü rü Tóxarü naanewa naxĩ nax Yetéxü̃ yagagüxü̃ca̱x.

2 Chamué 2:5

rü nüma ga Dabí rü ñuxre ga norü orearü ngeruxü̃ yéma namugü namaxã ga ore ga ñaxü̃: —¡Cori ya Tupana pexü̃ rüngü̃xẽxẽ! Erü poraãcü nüxü̃ pengechaü̃ ga perü ãẽ̱xgacü ga Chaú rü ngẽmaca̱x mea ipenata̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:11

Rü guxü̃ma ga yema Iraéanecüã̱xgü ga ĩane ga Yabécüã̱x ga Garaáxanewa yexmane, rü yexguma nüxü̃ nacua̱xgügu ga yema Firitéugü Chaúmaxã ügüxü̃, rü guxü̃ma ga yema yatügü ga tama muü̃ewa̱xexü̃ rü wüxigu nügümaxã nagu narüxĩnüe nax yadexaxü̃ca̱x ga yema Chaúxü̃ne rü nanegüxü̃ne. Rü Yabéwa nanana. Rü yexma nixĩ ga nata̱xgüãxü̃ ga yema naxü̃negü natüü̃gu ga wüxi ga castaña. Rü yemawena 7 ga ngunexü̃ naxauree.