1 Chamué 10:8 - Tupanaarü Ore

⁸ ¡Rü yoxni Guirigáwa naxũ! Erü ngéma tá cumaxã changutaque̱xe nax ngéma Cori ya Tupanaca̱x naxü̃na íchayaguxü̃ca̱x, rü ãmaregü nüxna chayanaxü̃ca̱x nax nangüxmüxü̃ca̱x. ¡Rü 7 i ngunexü̃ ngéma choxü̃ nanguxẽxẽ ñu̱xmatáta ngéma changu! Rü ngéma tá nixĩ i cumaxã nüxü̃ chixuxü̃ nax ta̱xacü tá cuxüxü̃ —ñanagürü.

1 Chamué 10:8 Referans Kwoze

1 Chamué 13:4

Rü guxü̃ma ga Iraétanüxü̃ rü nüxü̃ nacuáchigagü nax Chaú rü Firitéugüxü̃ nada̱i̱xü̃ rü yemaca̱x ga Firitéugü rü Iraétanüxü̃chi naxaie. Rü yemaca̱x ga yema Iraéanearü churaragü rü Guirigáwa Chaúmaxã nangutaque̱xegü.

1 Chamué 15:33

Natürü nüma ga Chamué rü ñanagürü: —Cuma rü curü taramaxã muxẽma ga ngexegü tüxü̃ cugu̱xacüxẽxẽ, rü ngẽma ngexü̃gürüxü̃ tá tixĩ ya cué —ñanagürü ga Chamué. Rü yexgumatama Guirigágu Tupanape̱xegu ãgümücügu Agáxü̃ nachexü̃gü ga Chamué.

Lebítanüxü̃arü puracüchiga 3:9

Rü yíxema tümaxü̃na ixãxẽ nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name i Cori ya Tupanaca̱x tayagu i norü chíxü̃, rü narexü̃ i nawemüxü̃ íyacuáxü̃gu idaene, rü norü chíxü̃ i naü̃nütawa ngẽxmaxü̃, rü yimá taxre ya ñuxmigü guxü̃ i norü chíxü̃maxã, rü ngẽma chíxü̃ i namachica̱xwe̱xwa ngẽxmaxü̃ rü ngẽma nacaarü chíxü̃ i wüxigu norü ñuxmigümaxã nayaxuxü̃.

Yochué 4:19

Rü nüma ga Iraétanüxü̃ rü meama nüxíraü̃cü ga tauemacüarü 10 ga ngunexü̃gu nixĩ ga nawa yachoü̃xü̃ ga natü ga Yudáü̃. Rü ĩane ga Guirigáarü ngaicamagu nayapexgü ga Yericúarü éstewaama.

2 Chamué 19:16

Rü Chimí ga Guerá nane ga Bẽyamíü̃tanüxü̃ ga Bauríü̃cüã̱x rü nañu̱xãẽ nax ínaxĩxü̃ namaxã ga yema Yudátanüxü̃ nax ãẽ̱xgacü ga Dabíxü̃ nayauxgüxü̃ca̱x.