1 Chamué 10:7 - Tupanaarü Ore

⁷ Rü ngẽxguma ngẽma cuxna nguxgu ¡rü naxü i ngẽma cuxca̱x mexü̃! Erü Tupana tá cuxü̃ narüngü̃xẽxẽ.

1 Chamué 10:7 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 6:12

Rü nüma ga Tupanaarü orearü ngeruxü̃ i daxũcüã̱x rü Yedeóü̃ca̱x nango̱x rü ñanagürü nüxü̃: —Cori ya Tupana rü cuxü̃tawa nangẽxma, Pa Yatü ya Poracü rü Tama Muü̃wa̱xecüx —ñanagürü.

Ore i mexü̃ ga Luca ümatüxü̃ 2:12

Rü ñaa tá nixĩ i perü cua̱xruxü̃. Rü tá nüxü̃ ipeyangau ya wüxi ya bucü ya naxchápenüxü̃maxã nuquecü ya wocaarü chibüchicagu cacü —ñanagürü.

Yochué 1:5

Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü choma rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Ínachoxü̃xü̃chiga 4:8

Rü ñu̱xũchi ga Cori ya Tupana rü ñanagürü nüxü̃: —Rü ngẽxguma chi tama ngẽma nüxíraxü̃xü̃ i cua̱xruü̃gagu cuxü̃́ yaxõgüã̱gu, rü ngẽma to i cua̱xruü̃gagu tá nixĩ i cuxü̃́ yaxõgüãxü̃.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

Ãẽ̱xgacügü ga guxchaxü̃güarü mexẽxẽruü̃gü 9:33

¡Rü noxri yangunegu üa̱xcü ngexwaca rügoxgu rü daa ĩaneca̱x ípeyaxüãchixü̃! Rü ngẽxguma Gaá rü norü duü̃xü̃gümaxã pexca̱x íyayixgu nax pemaxã nügü nada̱i̱xü̃ca̱x, ¡rü cuma cunaxwa̱xexü̃ namaxã naxü! —ñanagürü.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Naanearü ügüchiga 21:20

Rü Tupana rü nüxü̃ narüngü̃xẽxẽ ga gumá bucü. Rü nüma rü niyachigü. Rü chianexü̃ ga Paráü̃gu nanapexü̃tanüane. Rü meama maxgütaexü̃ cuácü nixĩ. Rü yexguma naya̱xgu, rü naé rü wüxi ga Equítuanecüã̱xmaxã inaxüxma̱x.

Ore i mexü̃ ga Cuáü̃ ümatüxü̃ 6:14

Rü yexguma yema duü̃xü̃gü nüxü̃ daugügu ga yema cua̱xruxü̃ ga Tupanaarü poramaxã naxüxü̃ ga Ngechuchu, rü ñanagürügü: —Aixcümaxü̃chi daa nixĩ ya Tupanaarü orearü uruxü̃ ga gumá ínanguxẽẽcü —ñanagürügü.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

1 Chamué 2:34

Rü wüxi i curü cua̱xruxü̃ tá nixĩ i ngẽma taxre i cune i Oní rü Fineéxü̃ ngupetüxü̃, erü ngẽma taxre rü ngẽmatama i ngunexü̃gu tá nayue.

Yochué 1:9

Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.

1 Chamué 3:19

Rü nüma ga Chamué rü niyachigü. Rü Cori ya Tupana rü nüxü̃ narüngü̃xẽxẽ. Rü guxü̃ma ga norü uneta ga Chamuémaxã nüxü̃ yaxuxü̃ rü nayanguxẽxẽ.

1 Chamué 20:13

Natürü ngẽxguma chaunatü cuxü̃ imáxchaü̃gu, ¡rü Tupana poraãcü choxü̃ poxcu ega tama cumaxã nüxü̃ chixuxgu rü tama cuxü̃ charüngü̃xẽẽgu nax quiñaxü̃ca̱x! ¡Rü Cori ya Tupana cuxü̃ rüngü̃xẽxẽ yema chaunatüxü̃ nangü̃xẽẽxü̃rüxü̃!

2 Chamué 7:3

Rü nüma ga Natáü̃ nanangãxü̃ rü ñanagürü: —¡Ẽcü naxü i ngẽma nagu curüxĩnüxü̃! Erü Cori ya Tupana rü ínamemare nax cuxü̃ nangü̃xẽxẽxü̃ —ñanagürü.

Yox 31:25

Rü ngẽma chorü taãxẽ rü taguma yema muxü̃ ga chorü yemaxü̃wa nayexma rü bai ga yema mucüma ga chorü diẽruwa nayexma.