1 Chamué 10:25 - Tupanaarü Ore

²⁵ Rü yexguma ga nüma ga Chamué rü duü̃xü̃gümaxã nüxü̃ nixu ga yema mugü ga nagu tá yaxũxü̃ ga gumá ãẽ̱xgacü norü duü̃xü̃gümaxã. Rü ñu̱xũchi wüxi ga poperagu nanaxümatü ga yema mugü rü Tupanapatagu nayaxǘ. Rü yemawena ga Chamué rü ínayamugü ga guxü̃ma ga yema Iraéanecüã̱xgü nax napatawa naxĩxü̃ca̱x.

1 Chamué 10:25 Referans Kwoze

Popera ga Títoca̱x naxümatüxü̃ ga Pauru 3:1

Rü ngẽma yaxõgüxü̃, ¡rü namaxã nüxü̃ ixu nax nachixü̃anearü ãẽ̱xgacügüga naxĩnüexü̃ rü guxü̃ma i ngẽma togü i ãẽ̱xgacügüga naxĩnüexü̃ca̱x! ¡Rü yaxucu̱xẽgü nax ínamemaregüxü̃ca̱x nax naxügüã̱xü̃ca̱x i guxü̃ma i ngẽma mexü̃ ixĩxü̃!

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:2

Rü ngẽxgumarüxü̃ ta name nixĩ i naxca̱x peyumüxẽ i guxü̃ma i nachixü̃anegüarü ãẽ̱xgacügü rü guxü̃ma i norü ngü̃xẽẽruü̃gü i ãẽ̱xgacügü nax ngẽmaãcü itaãẽgüxü̃ca̱x rü Tupanape̱xewa rü guxü̃ i duü̃xü̃güpe̱xewa tüxü̃́ nangẽxmaxü̃ca̱x i wüxi i maxü̃ i aixcüma mexü̃.

Wenaxarü naxümatü ga Tupanaarü mugü 31:26

—Ñaa nixĩ i ngẽma popera i Tupanaarü mugüpane. ¡Rü ngẽma baú i Cori ya Tupanaarü mugü nagu üxü̃cüwagu penaxǘ i ñaa popera nax ngẽmawa nüxna pecua̱xãchiexü̃ca̱x ya Cori ya Tupana ega ngẽxguma nüxna pixĩgachitanügu!

1 Chamué 8:9

¡Ẽcü naxǘ i ngẽma naxca̱x ínacagüxü̃! ¡Natürü mea namaxã nüxü̃ ixu i ngẽma duü̃xü̃gü i ta̱xacü tá nixĩ i natanüwa naxca̱x ínacaxü̃ i ngẽma ãẽ̱xgacü i réi i namaxã icuáxü̃! —ñanagürü ga Tupana.

1 Chamué 11:14

Rü nüma ga Chamué rü guxü̃ma ga Iraéanecüã̱xgüxü̃ ñanagürü: —¡Ngĩxã rü Guirigáwa taxĩ nax ngéma yanangucuchixẽxẽxü̃ca̱x ya tórü ãẽ̱xgacü! —ñanagürü.

Norü taxre ga popera ga ãẽ̱xgacügüchiga 11:17

Rü yemawena nüma ga chacherdóte ga Yoiadá rü Tupanamaxã inaxüga nax nüma ga ãẽ̱xgacü rü guxü̃ma ga duü̃xü̃gü rü Tupanaga tá naxĩnüexü̃. Rü yexgumarüxü̃ ta rü ãẽ̱xgacümaxã inaxügagü ga duü̃xü̃gü nax nümagü rü tá aixcüma ãẽ̱xgacüga naxĩnüexü̃ rü nüma ga ãẽ̱xgacü rü duü̃xü̃gümaxã inaxüga nax nüma rü tá mea duü̃xü̃gümaxã inacuáxü̃.

Yochué 22:6

Rü yemawena ga Yochué rü mexü̃ namaxã naxuegu, rü ínayamugü. Rü nümagü rü napataca̱x nawoegu.