1 Chamué 10:24 - Tupanaarü Ore

²⁴ Rü nüma ga Chamué rü guxãna naca rü ñanagürü: —¿Marü nüxü̃ pedauxü̃ ya yimá Cori ya Tupana nüxü̃ unetacü nax perü ãẽ̱xgacü i réi yixĩxü̃ca̱x? Rü nataxuma i wüxi i Iraéanecüã̱x i namaxã wüxiguxü̃ —ñanagürü. Rü nüma ga duü̃xü̃gü rü: —¡Namaxü̃x ya tórü ãẽ̱xgacü ya réi! —ñaxü̃maxã nanangãxü̃gü.

1 Chamué 10:24 Referans Kwoze

Nüxíraxü̃xü̃ ga popera ga ãẽ̱xgacügüchiga 1:39

Rü nüma ga chacherdóte ga Chadóx rü Tupanapatawa nanayaxu ga yema carnéruchatacu̱xre ga chíxü̃maxã ããcuxü̃, rü Tupanape̱xewa Charomóü̃étü nanaba nax ãẽ̱xgacü ga réi yixĩxü̃ca̱x. Rü yemawena rü carnéruchatacu̱xregu nicuegü, rü guxü̃ma ga duü̃xü̃gü rü tagaãcü ñanagürügü: —¡Namaxü̃ ya ãẽ̱xgacü ya Charomóü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 1:25

Erü ñu̱xma rü ínapetae nax ãẽ̱xgacüxü̃ yangucuchixü̃ rü nanadai i wocagü rü wocaxacügü rü muxü̃ma i carnérugü rü ñu̱xũchi cunegüna naxu, Pa Ãẽ̱xgacüx, rü nüxna naxu i ngẽma churaragüerugü rü ñu̱xũchi Abiatá ya chacherdóte ixĩcü. Rü ñu̱xma i nümagü rü ngéma nangẽxmagü rü Adoníamaxã nachibüe rü naxaxegü, rü tagaãcü aita naxüe rü ñanagürügü: “¡Namaxü̃ ya ãẽ̱xgacü ya Adonía!” ñanagürügü.

Wenaxarü naxümatü ga Tupanaarü mugü 17:15

Rü ngẽxguma tá nüxü̃ pexunetagu i wüxi i perü ãẽ̱xgacü i réi, rü name i nüxü̃ pexuneta i wüxi i petanüxü̃tama i Cori ya perü Tupana nüxü̃ unetaxü̃. Rü tama name i nüxü̃ pexuneta i wüxi i duü̃xü̃ i to i nachixü̃anecüã̱x i tama petanüxü̃ ixĩxü̃.

Norü taxre ga popera ga ãẽ̱xgacügüchiga 11:12

Rü yexguma nüma ga Yoiadá rü ínanamuxũchi ga guma bucü ga ãẽ̱xgacü ga Ocochía nane rü naeruwa nayanga̱xcuchi ga nanatüarü ãẽ̱xgacüpate̱xe. Rü nüxna nanaxã ga yema popera ga nawa nüxü̃ yaxuxü̃ nax ãẽ̱xgacü yixĩxü̃. Rü chíxü̃maxã nanabaeru rü yemawena rü nanaxunagü nax ãẽ̱xgacü yixĩxü̃. Rü guxü̃ma ga duü̃xü̃gü rü nanapepünegü rü tagaãcü ñanagürügü: —Namaxü̱̃x ya ãẽ̱xgacü! —ñanagürügü.

Ore i mexü̃ ga Matéu ümatüxü̃ 21:9

Rü yema duü̃xü̃gü ga nape̱xegu ĩxü̃, rü yema wixweama ãgüxü̃, rü tagaãcü ñanagürügü: —¡Namaxü̃ ya daa Dabítaxa! ¡Rü namecümaxüchi ya daa Tupanaégagu núma ũcü! ¡Rü pema rü ta, Pa Dauxü̃cüã̱x, rü nüxü̃ picua̱xüü̃gü ya Tupana! —ñanagürügü.

Nüxíraxü̃xü̃ ga popera ga ãẽ̱xgacügüchiga 1:34

Rü ngẽxguma chacherdóte ya Chadóx rü orearü uruxü̃ ya Natáü̃ nabaerugügu nax Iraéanecüã̱xgüarü ãẽ̱xgacü yixĩxü̃ca̱x ya Charomóü̃ ¡rü nagu picuegü i carnéruchatacu̱xre rü tagaãcü ñapegürügü: “¡Namaxü̃ ya ãẽ̱xgacü ya Charomóü̃!” ñapegürügü tá.

Nüxíraxü̃xü̃ ga popera ga ãẽ̱xgacügüchiga 1:21

Erü ngẽxguma taxúxexü̃tama cuxunetagu naxü̃pa nax cuyuxü̃, Pa Ãẽ̱xgacüx, rü chaune i Charomóü̃ rü ñu̱xũchi i choma rü Adonía rü tá toxü̃ nadai —ngĩgürügü ga Bechabé.

1 Chamué 9:2

Rü nüma rü nüxü̃́ nayexma ga wüxi ga nane ga ngextü̱xücü ga guxü̃wama mexẽchicü ga Chaúgu ãégacü. Rü guxü̃ma ga yatüxü̃ ga Iraéanecüã̱xgüarü yexera namexẽchi, rü norü máchanewa rü taxúema nüxü̃ tangupetü ga naãtüwa.

1 Chamué 12:1

Rü yemawena ga Chamué rü guxü̃ma ga Iraéanecüã̱xgüpe̱xewa ñanagürü: —Pema nüxü̃ pecua̱x rü guxü̃ma ga yema naxca̱x ípecaxü̃ rü pexca̱x chanaxü nax yangucuchixü̃ca̱x ya yimá perü ãẽ̱xgacü ya réi.

1 Chamué 12:13

Rü daa nixĩ ya yimá ãẽ̱xgacü ya pematama naxca̱x ípecacü. Rü nüma ya Cori ya Tupana rü marü pexna nanamu ya yimá ãẽ̱xgacü ya naxca̱x ípecacü.

2 Chamué 16:16

Rü Uchái ga Arquítanüxü̃ ga Dabímücü ixĩcü rü Acharóü̃ca̱x niña rü ñanagürü nüxü̃: —¡Namaxü̃ ya ãẽ̱xgacü! ¡Namaxü̃ ya ãẽ̱xgacü! —ñanagürü.

Norü taxre ga to ga popera ga ãẽ̱xgacügüchiga ümatüxü̃ 23:11

Rü yexguma nüma ga Yoiadá rü nanegü rü duü̃xü̃güpe̱xewa nanagagü ga Yoá, rü nayanga̱xcuchigü ga norü nga̱xcueruxü̃ rü nüxna nanaxãgü ga wüxi ga popera ga mugü nagu ümatüxü̃. Rü yemawena rü chíxü̃maxã nanabaerugü, rü yemaacü ãẽ̱xgacüxü̃ nayangucuchixẽẽgü. Rü guxü̃ma ga yema duü̃xü̃gü ga yéma yexmagüxü̃ rü tagaãcü ñanagürügü: —¡Namaxü̃ ya ãẽ̱xgacü! —ñanagürügü.

1 Chamué 11:15

Rü yemaca̱x guxü̃ma ga duü̃xü̃gü ga Iraéanecüã̱xgü rü Guirigáwa naxĩ. Rü yéma Cori ya Tupanape̱xewa Chaúxü̃ ningucuchixẽẽgü nax norü ãẽ̱xgacü yixĩxü̃ca̱x. Rü yemawena rü Tupanaca̱x nayagugü ga ãmaregü ga Tupanaarü ngüxmüxẽẽruü̃gü ixĩgüxü̃. Rü nüma ga Chaú rü guxü̃ma ga nümagü ga Iraéanecüã̱xgü rü poraãcü nataãẽgü.