1 Chamué 10:23 - Tupanaarü Ore

²³ Rü yexgumatama naxca̱x nayadaugü rü nayagagü ga yema íyacúxü̃wa. Rü nüma ga Chaú rü yexguma duü̃xü̃güpe̱xewa nanguxgu, rü nüxü̃ nadaugü ga Iraéanecüã̱xgütanüwa rü taxúema naãtüxü̃ ngupetüxü̃ ga tümaarü máchanewa.

1 Chamué 10:23 Referans Kwoze

1 Chamué 9:2

Rü nüma rü nüxü̃́ nayexma ga wüxi ga nane ga ngextü̱xücü ga guxü̃wama mexẽchicü ga Chaúgu ãégacü. Rü guxü̃ma ga yatüxü̃ ga Iraéanecüã̱xgüarü yexera namexẽchi, rü norü máchanewa rü taxúema nüxü̃ tangupetü ga naãtüwa.

1 Chamué 17:4

Rü yema Firitéugütanüwa nixũxũ ga wüxi ga churara ga 3 metrugu ixüchanexü̃, rü yema doxonexü̃wa naxũ. Rü Goriáx nixĩ ga naéga, rü ĩane ga Gáxcüã̱x nixĩ.

1 Chamué 16:7

Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.

Naanearü ügüchiga 3:24

Rü yexguma ínata̱xüchiã̱xguwena rü Edéü̃maü̃gu nanamugü ga ñuxre ga daxũcüã̱x ga ixãxpe̱xatüxü̃, rü yexma nanaxǘ ta ga wüxi ga naxne ga tara ga iya̱u̱xracüüxü̃ ga yéma idixegucüüxü̃ ga guxü̃cüwagu yawe̱xemaãchixü̃ nax taxúema nawa nguxü̃ca̱x ga yema nanetü ga maxü̃ nawa yexmaxü̃.

1 Chamué 9:1

Rü Bẽyamíü̃tanüxü̃wa nayexma ga wüxi ga yatü ga Chíxgu ãégacü. Rü nüma rü Abié nane nixĩ rü Cherótaxa nixĩ. Rü guxema toguxe ga norü o̱xi rü Becoráx ga Afía nane tixĩ. Rü nüma ga Chíx rü wüxi ga yatü ga guxãma nüxü̃ ngechaü̃cü nixĩ.