1 Chamué 10:21 - Tupanaarü Ore

²¹ Rü yexguma ga Chamué rü Bẽyamíü̃tücumüca̱x naca nax naxü̃tawa naxĩxü̃ca̱x, rü yema Bẽyamíü̃tücumüwa rü Matítanüxü̃gu nangu. Rü yematanüwa rü Chaú ga gumá Chíx nane ixĩcügu nangu nax Iraéanecüã̱xgüarü ãẽ̱xgacü yixĩxü̃. Natürü yexguma naxca̱x nadaugügu ga Chaú, rü tama nüxü̃ inayangaugü.

1 Chamué 10:21 Referans Kwoze

Ngechuchuarü ngúexü̃gü ga yamugüxü̃arü puracüchiga 13:21

Rü yexguma ga duü̃xü̃gü rü Tupanana naxca̱x nacagü ga wüxi ga ãẽ̱xgacü ga réi nax namaxã inacuáxü̃ca̱x. Rü Tupana rü nüxna nanamu ga Chaú ga Chíx nane ga Bẽyamíü̃tanüxü̃ ixĩcü. Rü nüma rü 40 ga taunecü nüxna nadau ga yema duü̃xü̃gü.

1 Chamué 10:20

Rü yemawena ga nüma ga Chamué rü guxü̃ma ga Iraéanecüã̱xgütücumüca̱x naca nax naxü̃tagu nangutaque̱xegüxü̃ca̱x nax naxca̱x nadaugüxü̃ca̱x ga ngexü̃rüüxü̃tücumüwa tá ne naxũxü̃ ga norü ãẽ̱xgacü. Rü Bẽyamíü̃tücumügu nangu.

1 Chamué 10:22

Rü yemaca̱x wenaxarü Cori ya Tupanana nacagüe ga nüxü̃ nax nacua̱xgüxü̃ca̱x rü aixcüma nayexma ga Chaú. Rü nüma ga Cori ya Tupana rü nüxü̃ nixu ga yéma nax nayexmaxü̃, rü Iraéanecüã̱xgüarü yemaxü̃tanügu nax yacúxü̃.

2 Chamué 3:19

Rü nüma ga Abnéx rü Bẽyamíü̃tanüxü̃maxã nidexa, rü yemawena rü Ebróü̃wa naxũ nax Dabímaxã nüxü̃ yanaxuxü̃ca̱x ga yema Iraétanüxü̃arü ĩnü, rü Bẽyamíü̃tanüxü̃arü ĩnü nax nümagü rü nanaxwa̱xegüxü̃ nax Dabí rü norü ãẽ̱xgacü yixĩxü̃.

Yoná 1:7

Rü yoxni ga yema norü duü̃xü̃gü ga guma wapuru rü nügümaxã ñanagürügü: —Ngĩxã tanañanagü i wüxi i diẽru nax ngẽmaãcü nüxü̃ icuáxü̃ca̱x nax texégagu yixĩxü̃ nax guxchaxü̃ tüxü̃ ngupetüxü̃ —ñanagürügü. Rü nanañanagügü, rü Yonágu nangu nax nagagu yixĩxü̃ ga yema nüxü̃ ngupetüxü̃.

1 Chamué 9:2

Rü nüma rü nüxü̃́ nayexma ga wüxi ga nane ga ngextü̱xücü ga guxü̃wama mexẽchicü ga Chaúgu ãégacü. Rü guxü̃ma ga yatüxü̃ ga Iraéanecüã̱xgüarü yexera namexẽchi, rü norü máchanewa rü taxúema nüxü̃ tangupetü ga naãtüwa.

Ucu̱xẽgüchiga 18:18

Ngẽma guxchaxü̃gü rü name nixĩ i Tupaname̱xẽgu tanaxǘ, rü ngẽmaãcü tá inarüxo nax duü̃xü̃gü nügü choxü̃gagüxü̃.