1 Chamué 10:2 - Tupanaarü Ore

² Rü ñu̱xma nax choxna íquixũxü̃ rü Bẽyamíü̃anewa i ĩane i Chéchawa tá nüxü̃ icuyangau i taxre i yatügü i Raquéchique̱xearü ngaicamagu chigüxü̃. Rü nümagü rü tá cumaxã nüxü̃ nixugü rü ñanagürügü tá: “Ngẽma búrugü i naxca̱x cudauxü̃ rü marü nüxü̃ inayangaugü. Rü cunatü rü marü tama naxca̱x taxoegaãxẽ i ngẽma búrugü, natürü cuxca̱x nixĩ i taxoegaãẽxü̃ i ñu̱xmax, erü nagu tarüxĩnü nax ñuxãcü tá cuxü̃ itayangauxü̃”, ñanagürügü tá cumaxã.

1 Chamué 10:2 Referans Kwoze

1 Chamué 10:16

Rü nüma ga Chaú rü nanepüxü̃ nangãxü̃ rü ñanagürü: —Meama tomaxã nüxü̃ nixu ga marü nüxü̃ nax iyangaugüxü̃ ga búrugü —ñanagürü. Natürü tama nüxü̃ nixu ga Chamué nax chíxü̃maxã nabaeruxü̃ nax Iraéanecüã̱xgüarü ãẽ̱xgacü i réi yixĩxü̃ca̱x.

Yeremía 31:15

Rü nüma ya Cori ya Tupana rü ñanagürü: —Ĩane ya Ramáwa nüxü̃ taxĩnüe nax poraãcü naxauxexü̃ i duü̃xü̃gü. Rü ngẽma rü Raquétanüxü̃ nixĩ i naxacügüca̱x auxexü̃ erü marü nayue i nanegü rü naxacügü. Rü ngẽmaca̱x i ngẽma Raquétanüxü̃ rü tama nanaxwa̱xe nax texé nataãẽxẽẽgüxü̃.

Naanearü ügüchiga 35:16

Rü yemawena rü Betéwa inaxĩãchi nax ĩane ga Efrátawa naxĩxü̃ca̱x. Natürü yexguma Efrátaxü̃ yangaicagügu rü ga Raqué rü ixíraxacüama. Rü poraãcü guxchaãcü ixíraxacü.

Naanearü ügüchiga 48:7

Rü guxema cué ga Raqué rü namagu choxna tayayu ga yexguma Padáü̃-aráü̃wa chataegugu. Rü ĩane ga Efrátaarü ngaicamagu nixĩ ga choxna tayuxü̃ ga Canaáü̃anewa. Rü yexma namagu nixĩ ga ngĩxü̃ chatáxü̃. Rü yima ĩane ya Efrátatama nixĩ i ñu̱xmax i Beréü̃gu ãégane —ñanagürü.