1 Chamué 10:19 - Tupanaarü Ore

¹⁹ Natürü i ñu̱xma i pemax rü nüxü̃ pexo ya yimá perü Tupana ga guxü̃ma ga perü guxchaxü̃güwa rü perü ĩ̱xãchiãẽgüwa pexü̃ ínguxü̃xẽẽcü. Rü ñu̱xma nax nüxü̃ pexoxü̃ ya perü Tupana, rü ngẽmaca̱x wüxi i perü ãẽ̱xgacü i réica̱x ípeca nax pemaxã inacuáxü̃ca̱x. Rü ngẽmaca̱x i ñu̱xma rü chanaxwa̱xe i Cori ya Tupanape̱xewa ípengugü ya wüxitücumüchigü rü tügütanüxü̃chigü —ñanagürü ga Chamué.

1 Chamué 10:19 Referans Kwoze

1 Chamué 12:12

Natürü ga pema ga yexguma Amóü̃tanüxü̃arü ãẽ̱xgacü ga Naáx pexca̱x íyachoõchichaü̃gu nax pexü̃ nada̱i̱xü̃ca̱x, rü choxna naxca̱x peca ga wüxi ga ãẽ̱xgacü nax pemaxã inacuáxü̃ca̱x woo nax Cori ya Tupanachire̱x nax yixĩxü̃ ya perü ãẽ̱xgacü.

1 Chamué 8:19

Natürü nüma ga yema duü̃xü̃gü, rü tama inarüxĩnüechaü̃ ga yema Chamué namaxã nüxü̃ ixuxü̃. Rü ñanagürügüama: —Nüetama, rü tanaxwa̱xegü i toxü̃́ nangẽxma i wüxi i ãẽ̱xgacü i réi nax ngẽma togü i nachixü̃anerüxü̃ tixĩgüxü̃ca̱x. Rü nüma tá nixĩ i tórü ãẽ̱xgacü yixĩxü̃, rü tá tomaxã inacuáxü̃ ega ngẽxguma togümaxã togü tadaixgux —ñanagürügüama.

Yochué 24:1

Rü nüma ga Yochué rü Chiquéü̃gu nanangutaque̱xexẽxẽ ga guxü̃ma ga duü̃xü̃gü ga Iraétanüxü̃, wüxigu namaxã ga yema natücumüchigüarü ãẽ̱xgacügü, rü ãẽ̱xgacügü ga guxchaxü̃arü mexẽẽruü̃gü, rü yema churaragüarü ãẽ̱xgacügü. Rü yéma Tupanape̱xewa ñanagürü: —Yimá tórü Tupana i yixema i Iraétanüxü̃ rü ñanagürü: “Nũxcüma ga nüma ga Téra rü nanegü ga Abraáü̃ rü Nacóx ga perü o̱xigü ixĩgücü, rü taxtü ga Eufrátecutügu naxãchiü̃gü. Rü yéma nixĩ ga tupananetagüxü̃ yacua̱xüü̃güxü̃.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Iraétanüxü̃arü muxchiga 17:2

—¡Namaxã nüxü̃ ixu i Iraétanüxü̃tücumüarü ãẽ̱xgacügü rü wüxichigü nua nange ya norü naixmena̱xã! Rü guxü̃wama rü 12 tá nixĩ ya yima naixmena̱xãgü. Rü cuma rü wüxichigü i norü naixmena̱xãgu tá cuyaxügüéga.

Iraétanüxü̃arü muxchiga 11:20

Rü wüxi ya tauemacüxüchi tá nixĩ i namachi nangõ̱xgüxü̃ ñu̱xmatáta naemamaxã yangü̃ãtanücüxü rü nawa naxoegagü erü choxü̃ naxoe i chomax i Cori ya Tupana nax natanüwa changexmaxü̃. Rü naxauxeãcüma chope̱xewa ñanagürügü: “¿Rü ta̱xacüca̱x ga Equítuanewa íchoxü̃xü̃?” ñanagürügü —ñanagürü ga Cori ya Tupana.

Wenaxarü naxümatü ga Tupanaarü mugü 17:14

Rü ngẽxguma tá marü nagu pechocuxgu rü penapuxgu rü nawa pemaxẽgu i ngẽma naane i Cori ya perü Tupana tá pexna ãxü̃, rü ngürüãchi tá penaxwa̱xe nax pexü̃́ nangẽxmaxü̃ i wüxi i ãẽ̱xgacü i réi nax pemaxã inacuáxü̃ca̱x, naxrüxü̃ i ngẽma togü i nachixü̃anegü.

Ãẽ̱xgacügü ga guxchaxü̃güarü mexẽxẽruü̃gü 8:23

Natürü nüma ga Yedeóü̃ rü nanangãxü̃ rü ñanagürü: —Tama chanaxwa̱xe i choma rüe̱xna chaunegü nax pemaxã itacuáxü̃. Rü Cori ya Tupana tá nixĩ ya pemaxã icuácü.

1 Chamué 10:20

Rü yemawena ga nüma ga Chamué rü guxü̃ma ga Iraéanecüã̱xgütücumüca̱x naca nax naxü̃tagu nangutaque̱xegüxü̃ca̱x nax naxca̱x nadaugüxü̃ca̱x ga ngexü̃rüüxü̃tücumüwa tá ne naxũxü̃ ga norü ãẽ̱xgacü. Rü Bẽyamíü̃tücumügu nangu.

1 Chamué 14:23

Rü yema nügü nax nada̱i̱xü̃ rü ñu̱xmata Bex-abéü̃wa nangu. Rü nüma ya Cori ya Tupana rü yema ngunexü̃gu Iraétanüxü̃xü̃ ínanguxü̃xẽxẽ.

1 Chamué 14:38

Rü yemaca̱x ga Chaú rü ñanagürü: —¡Nua pexĩ i guxãma i pemax i churaragümaxã icua̱xgüxe, rü naxca̱x peda̱u̱x nax texé tixĩ ya yíxema ñu̱xma naxǘxe i ñaa pecadu!

Ucu̱xẽgüchiga 16:33

Nüma ya yatü rü nümatama nagu naxĩnüxü̃ãcüma nanaxü i ngẽma naxüxchaü̃xü̃, natürü ngẽma Cori ya Tupana naxwa̱xexü̃ãcü tá nixĩ i ínanguxuchixü̃.

1 Chamué 3:21

Rü nüma ga Cori ya Tupana rü wenaxarü Chamuéca̱x nügü nango̱xẽxẽ nawa ga guma Tupanapata ga Chilówa yexmane, yerü yéma nixĩ ga Tupana Chamuémaxã nüxü̃ yaxuxü̃ ga norü ore.

1 Chamué 4:1

Rü nüma ga Chamué rü guxü̃ma ga Iraéanecüã̱xgümaxã nüxü̃ nixu ga yema Tupanaarü ore. Rü yexgumaü̃cüxü rü nüma ga Firitéugü rü nügü nanutaque̱xe nax Iraéanecüã̱xgümaxã nügü nada̱i̱xü̃ca̱x. Rü yemaca̱x ga nüma ga Iraéanecüã̱xgüarü churaragü rü naxca̱x nichoxü̃ nax nügü namaxã nada̱i̱xü̃ca̱x. Rü ĩane ga Ebéü̃-échexü̃tawa nangugü, rü yexma nügü ninu. Rü nüma ga Firitéugüarü churaragü rü ĩane ga Aféxwa nayexmagü.

1 Chamué 8:5

Rü Chamuéxü̃ ñanagürügü: —Cuma rü marü cuya, rü cunegü rü tama curüxü̃ mea tomaxã inacua̱x. Rü ngẽmaca̱x ¡nüxü̃ naxuneta i wüxi i torü ãẽ̱xgacü i réi nax tomaxã inacuáxü̃ca̱x ngẽxgumarüxü̃ i ngẽma togü i nachixü̃anegü i nüxü̃́ nangẽxmaxü̃ i norü ãẽ̱xgacü i réi! —ñanagürügü.