1 Chamué 1:28 - Tupanaarü Ore

²⁸ Rü ngẽmaca̱x i ñu̱xma rü nua cuxü̃tawa chanaga ya daa chaune nax Tupanana chayamuxü̃ca̱x. Rü ñu̱xma nax namaxü̃xü̃gu ya daa chaune rü Tupanaarü tá nixĩ —ngĩgürügü. Rü ñu̱xũchi ga nüma ga Erí rü ñaxtüanegu nayangücuchi rü Cori ya Tupanaxü̃ nicua̱xüxü̃.

1 Chamué 1:28 Referans Kwoze

Naanearü ügüchiga 24:26

Rü yexguma ga gumá Abraáü̃arü duü̃ rü yexma nacaxã́pü̱xü rü Tupanaxü̃ nicua̱xüxü̃.

Naanearü ügüchiga 24:52

Rü yexguma yemaxü̃ naxĩnügu ga Abraáü̃arü duü̃ rü Cori ya Tupanape̱xegu nacaxã́pü̱xü rü ñu̱xmata waixü̃mügu yangücuchi.

Norü taxre ga popera ga Timutéuca̱x naxümatüxü̃ ga Pauru 3:15

¡Rü nüxna nacua̱xãchi rü cubuxgumamatama nüxü̃ cucua̱x i Tupanaarü ore i üünexü̃! Rü ngẽma orewa nüxü̃ cucua̱x rü ngẽxguma Ngechuchu ya Cristuaxü̃́ yaxõgügu nixĩ i tüxü̃́ nangẽxmaxü̃ i maxü̃ i taguma gúxü̃.

1 Chamué 1:11

Rü ngĩrü yumüxẽwa rü Tupanamaxã ixuneta rü ngĩgürügü: —Pa Cori ya Tupana ya Daxũwa Ngẽxmacüx, rü ngẽxguma chi nüxü̃ cucua̱xgu nax ñuxãcü ngúxü̃ nax chingexü̃ naxca̱x i ngẽma nax changexacüxü̃ ¡rü choxü̃́ nüxü̃ naxĩnü i ñaa chorü yumüxẽ, rü choxna namu ya wüxi ya chaune! Rü yimá rü tá cuxna chanamu nax cuxrüxü̃ yixĩxü̃ca̱x. Rü ngẽma norü cua̱xruxü̃ nax aixcüma cuxna chanamuxü̃ rü tagutáma niyoeru —ngĩgürügü.

Naanearü ügüchiga 24:48

Rü ñu̱xũchi chacaxã́püxü rü moxẽ Tupanana chaxã. Rü nüxü̃ chicua̱xüxü̃ ya chorü cori ya Abraáü̃arü Tupana yerü meama chorü coritanüxü̃xü̃tawa choxü̃ naga nax yimaxacü ngĩxü̃ chigaxü̃ nax chorü cori nane ngĩmaxã ãmaxü̃ca̱x.

1 Chamué 1:22

Natürü ga naxma̱x ga Ána rü tama yéma ixũ, rü ngĩgürügü nüxü̃ ga ngĩte: —Taxũtáma ngéma chaxũ i chomax ñu̱xmatáta yamaie ya daa bucü. Rü ngẽxgumaxica tá nixĩ i ngéma chanagaxü̃ nax Cori ya Tupanana chayamuxü̃ca̱x rü ngẽxma nax yanaxã̱ũ̱xũchixü̃ca̱x —ngĩgürügü.

1 Chamué 2:11

Rü ñu̱xũchi nüma ga Ercaná rü naxacüã̱xgü rü naxma̱xgümaxã napataca̱x nawoegu ga ĩane ga Ramáwa. Natürü nüma ga gumá nane ga bucü rü yexma chacherdóte ga Eríxü̃tagu narüxã̱ũ̱x nax yéma Cori ya Tupanaaxü̃́ napuracüxü̃ca̱x.

1 Chamué 28:2

Rü nüma ga Dabí rü nanangãxü̃ rü ñanagürü: —Marü name. Rü ñu̱xma rü tá nüxü̃ cudau, Pa Ãẽ̱xgacüx, nax chomaxã nanguxü̃xü̃ nax chanaxüxü̃ i ngẽma choxü̃ cumuxü̃ —ñanagürü. Rü nüma ga ãẽ̱xgacü rü nanangãxü̃ rü ñanagürü: —Rü ñu̱xma nax ngẽmaãcü quixĩxü̃, rü tá cuxü̃ chaxuneta nax naeru quixĩxü̃ i ngẽma chorü churaragü i choxna dauxü̃ —ñanagürü.

Iraétanüxü̃arü muxchiga 6:8

Rü guxü̃ma i ngẽma ngunexü̃gü i nagu chomaxã naxunetaxü̃ rü nanaxwa̱xe nax cha̱u̱xca̱xicatama namaxü̃xü̃.

Ãẽ̱xgacügü ga guxchaxü̃güarü mexẽxẽruü̃gü 7:15

Yexguma Yedeóü̃ nüxü̃ ĩnügu ga yema taxre ga Madiáü̃tanüxü̃ nügümaxã nüxü̃ ixugüexü̃ nachiga ga yema wüxi nagu ãnegüxü̃ rü ñu̱xũchi ta̱xacüchiga nax yixĩxü̃, rü nüma ga Yedeóü̃ rü Cori ya Tupanaxü̃ nicua̱xüxü̃. Yemawena ga Yedeóü̃ rü Iraétanüxü̃ ípegüxü̃wa naxũ rü ñu̱xũchi nanamu rü ñanagürü: —¡Guxãma ichigü! Erü Cori ya Tupana rü taxme̱xgu tá nanayixẽxẽ i ngẽma Madiáü̃tanüxü̃ —ñanagürü.

1 Chamué 2:20

Rü nüma ga gumá chacherdóte ga Erí rü Ercanámaxã rü naxma̱xmaxã mexü̃ naxuegu rü ñanagürü: —Nüma ya Cori ya Tupana rü tá cuxü̃́ nanaxütanü namaxã nax cuxü̃́ nax yaxãxacüchigüxü̃ca̱x i ñaa nge natanü ya yimá ngĩne ya Corina namuãcü —ñanagürü. Rü yemawena ga Ercaná rü Ána rü napataca̱x nawoegu.

Ucu̱xẽgüchiga 31:2

Pa Chaunex, cumax rü chowa cubu erü Cori ya Tupana nanangãxü̃ i chorü yumüxẽ. Rü ñaa nixĩ i chorü ucu̱xẽ i cumaxã nüxü̃ chixuxü̃.