1 Chamué 1:23 - Tupanaarü Ore

²³ Rü nüma ga ngĩte ga Ercaná rü ngĩxü̃ nangãxü̃ rü ñanagürü: —¡Ẽcü naxü i ngẽma cuma nagu curüxĩnügu rümexü̃! Rü marü name i nuxã curüxã̱ũ̱x rü ñu̱xmatata cuyamaie ya yimá cune nax ngẽmaãcü yanguxẽẽãxü̃ca̱x i norü ngúchaü̃ ya Cori ya Tupana —ñanagürü. Rü yemaacü ga ngĩma rü yexma irüxã̱ũ̱x, rü inayaxẽxẽ ga gumá ngĩne rü ñu̱xmata yamaie.

1 Chamué 1:23 Referans Kwoze

2 Chamué 7:25

Rü ngẽmaãcü, Pa Chorü Tupanax, cuxna naxca̱x chaca nax tagutáma nüxü̃ icurüngümaxü̃ nax cuyanguxẽẽxü̃ ga yema curü uneta ga curü duü̃maxã rü natanüxü̃maxã nüxü̃ quixuxü̃.

Ore i mexü̃ ga Luca ümatüxü̃ 11:27

Rü yemaxü̃ íyaxuyane, rü wüxi ga ngecü rü duü̃xü̃gütanüwa tagaãcü ngĩgürügü: —Tataãxẽ ya yíxema tügüanüwa cuxü̃ yaxexẽ́xẽ rü tügü nixü̃wa cuxü̃ maixe —ngĩgürügü.

Ore i mexü̃ ga Matéu ümatüxü̃ 24:19

Rü ngẽma ngunexü̃gügu rü wüxi i ngechaü̃ tá nixĩ i tümaca̱x ya yíxema ngexegü ya itacharaü̃güxe rü yíxema imaixacügüxe.

Ichaía 44:26

Natürü ngẽma chorü duü̃xü̃güarü ore rü choma rü chayanguxẽxẽ. Rü yimá chorü orearü uruü̃gü rü nüxü̃ charüngü̃xẽẽxü̃ nax mea nüxü̃́ ínanguxuchigüxü̃ i ngẽma nagu naxĩnüexü̃. Rü choma rü nüxü̃ chixu rü wena tá nimu i duü̃xü̃gü ya ĩane ya Yerucharéü̃wa. Rü yima ĩanegü ya Yudáanearü naanewa ngẽxmagüne rü tá wena nimexẽẽgü. Rü tá nüxü̃ charüngü̃xẽxẽxü̃ nax wena ínadaxẽẽgüãxü̃ca̱x ya yima norü ĩanegü.

Wiyaegü 22:9

Natürü cumax, Pa Corix, nixĩ i chauéanüwa choxü̃ cubuxẽẽxü̃ rü chauéarü mixĩwa choxna cudau rü choxü̃ cupexẽẽxü̃.

1 Chamué 1:17

Rü yexguma ga Erí rü ngĩxü̃ nangãxü̃ rü ñanagürü: —¡Ẽcü taãẽãcü nataegu! ¡Rü nüma ya Iraéanecüã̱xgüarü Tupana rü cuxna naxã i ngẽma nüxna naxca̱x cucaxü̃! —ñanagürü.

Iraétanüxü̃arü muxchiga 30:12

Natürü ngẽxguma ngĩte nüxü̃ cua̱xgu rü iyanaxoxẽẽã̱xgu i ngẽma ngĩrü uneta rüe̱xna ngẽma ngĩrü üga, rü ngẽxguma i ngĩma i ngẽma nge rü marü taxũtáma yanguxẽxẽ i ngẽma ngĩrü uneta rüe̱xna ngẽma ngĩrü üga erü ngĩte rü marü inayanaxoxẽxẽ. Rü nüma ya Cori ya Tupana rü taxũtáma ngĩxü̃ nanaxwa̱xe nax yanguxẽẽãxü̃.

1 Chamué 14:36

Rü yexguma ga Chaú rü ñanagürü: —¡Ngĩxã, rü ñaa chütaxü̃gu tayarüchoü̃ nawa ya daa ma̱xpǘne nax Firitéugüwe ingẽgüxü̃ca̱x rü nadexü̃ca̱x i guxü̃ma i norü ngẽmaxü̃gü ñu̱xmata yangóone! ¡Rü taxuxü̃táma tamaxẽxe, rü bai i wüxi! —ñanagürü. Rü guxü̃ma rü nanangãxü̃gü rü ñanagürügü: —¡Naxü i ngẽma cuxca̱x mexü̃! —ñanagürügü. Natürü ga gumá chacherdóte rü ñanagürü: —Naxü̃pa i guxü̃ma rü name nixĩ i Cori ya Tupanana naxca̱x tacagü i ngẽmachiga —ñanagürü.

1 Chamué 14:40

Rü yemaca̱x ga Chaú rü guxü̃ma ga yema Iraétanüxü̃xü̃ ñanagürü: —Rü name nixĩ i pemax rü ñaãcüwawaama pexĩ, rü choma rü chaune i Yonatáü̃maxã rü tá tocüwawaama taxĩ —ñanagürü. Rü nüma ga norü churaragü nanangãxü̃gü rü ñanagürügü: —¡Naxü i ngẽma cuxca̱x mexü̃! —ñanagürügü.

Nüxíraxü̃xü̃ ga popera ga ãẽ̱xgacügüchiga 3:21

Rü yexguma pa̱xmama ícharüdaxgu nax tüxü̃ chamaixü̃ca̱x ga guxema chauxacüxe, rü tüxü̃ chadau ga nax tayuxü̃. Natürü ga mea nax yangóonexü̃, rü mea tüxü̃ chadau rü nüxü̃ chicua̱xãchi nax guxema buxe rü tama chauxacüxe nax tixĩxü̃ —ngĩgürügü.