1 Chamué 1:20 - Tupanaarü Ore

²⁰ Rü yemaca̱x ga Ána rü ixãxacü. Rü yexguma nawa nanguxgu ga nax nabuxü̃ ga gumá ngĩne, rü inaxüéga rü Chamué nixĩ ga naéga yerü Tupanana naxca̱x ica. Rü ngẽma naéga rü “naxca̱x ínacacü”, ñaxü̃chiga nixĩ.

1 Chamué 1:20 Referans Kwoze

Ore i mexü̃ ga Matéu ümatüxü̃ 1:21

Rü ngĩma tá ngĩxü̃́ nangẽxma ya wüxi ya ngĩne, rü cuma rü tá Ngechuchugu cunaxüéga. Rü ngẽma naéga rü “maxẽẽruxü̃”, ñaxü̃chiga nixĩ, erü nüma tá norü pecadugüwa ínananguxü̃xẽxẽ i norü duü̃xü̃gü —ñanagürü.

Ínachoxü̃xü̃chiga 2:10

Rü yexguma marü tayaxüragu, rü Faraóü̃acüna tüxü̃ imu. Rü ngĩma rü ngĩnexü̃ tüxü̃ iyaxĩxẽxẽ. Rü Moichégu tüxü̃ ixüéga rü ngẽma naéga rü “dexáwa chayaxuxü̃”, ñaxü̃chiga nixĩ.

Ínachoxü̃xü̃chiga 2:22

Rü ngĩma ga naxma̱x ga Chéfora rü nüxü̃́ ixãxacü. Rü nüma ga Moiché rü Guerchóü̃gu nanaxüéga ga gumá nane. Rü ngẽma naéga rü: “Choma rü tama númacüã̱x chixĩ”, ñaxü̃chiga nixĩ.

Naanearü ügüchiga 16:11

Ñu̱xma rü cuxãxãcü rü yatüxü̃ tá nixĩ. Rü Ismaégu tá cunaxüéga, erü Cori ya Tupana rü marü nüxü̃ nacua̱x i ngẽma guxchaxü̃ i cuxü̃ üpetüxü̃.

Naanearü ügüchiga 5:29

Rü gumá nane rü Noégu nanaxüéga yerü ñanagürü: —Tupana rü chixexü̃ namaxã naxuegu i ñoma i naane, rü ngẽmaca̱x poraãcü tapuracüe nax itoegüxü̃ca̱x. Natürü i ñaa buxü̃ rü tá tüxü̃ narüngü̃xẽxẽ —ñanagürü.

Naanearü ügüchiga 4:25

Rü nüma ga Adáü̃ rü wenaxarü naxma̱xmaxã namaxü̃ rü ngĩma rü wenaxarü ixãxacü. Rü gumá nane rü Chéxgu nanaxüéga, rü ngĩgürügü: “Tupana choxna nanamu ya nai ya chaune nachicüxü ga Abé ga Caíü̃ yamácü”, ngĩgürügü.

Popera ga Yudíugü ga yaxõgüxü̃ca̱x ümatüxü̃ 11:32

¿Rü ñu̱xma rü ta̱xacü i togü i duü̃xü̃güchigaxü̃ tá pemaxã chixuxü̃? Rü changechica nax pemaxã nüxü̃ chixuxü̃ca̱x i nachiga ga yema nũxcümaü̃güxü̃ ga ãẽ̱xgacügü ga Yedeóü̃ rü Baráx rü Chanchóü̃ rü Yeté rü Dabí rü Chamué, rü guxü̃ma ga yema nũxcümaü̃güxü̃ ga Tupanaarü orearü uruü̃gü.

Naanearü ügüchiga 30:22

Natürü ga Tupana rü ngĩxna nacua̱xãchi ga Raqué, rü nüxü̃ naxĩnü ga ngĩrü yumüxẽ. Rü yemaca̱x ngĩxü̃ naxãxacüxẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:10

Rü nüma ga Yabé rü Iraétanüxü̃arü Tupanamaxã nidexa, rü norü yumüxẽwa rü ñanagürü: —Cuxna naxca̱x chaca nax choxü̃ curüngü̃xẽẽxü̃ca̱x rü wüxi i naane i taxü̃ choxna cuxãxü̃ca̱x, rü choxna cudauxü̃ca̱x, rü choxü̃ nawa ícupoxü̃xü̃ca̱x i guxü̃ma i chixexü̃ nax ngẽmaãcü i choma rü tama ngúxü̃ chingexü̃ca̱x —ñanagürü. Rü Tupana nüxna nanaxã ga yema naxca̱x ínaca̱xü̃.

Wiyaegü 120:1

Rü ngẽxguma ãũcümaxü̃wa changexmagu, rü nüxna chaca ya Cori ya Tupana. Rü nüma rü choxü̃ nangãxü̃.