1 Chamué 1:19 - Tupanaarü Ore

¹⁹ Rü moxü̃ãcü ga ngunetüü̃ ga Tupanapatawa nax naxĩxü̃ nax nüxü̃ yanacua̱xüü̃güxü̃ca̱x, rü yemawena rü napataca̱x nawoegu ga ĩane ga Ramáwa. Rü nüma ga Ercaná rü naxma̱x ga Ánaxü̃ nape. Rü nüma ga Tupana rü nanangãxü̃ ga ngĩrü yumüxẽ.

1 Chamué 1:19 Referans Kwoze

Naanearü ügüchiga 21:1

Rü nüma ga Cori ya Tupana rü yema ngĩmaxã nüxü̃ yaxuxü̃ãcü Cháragu narüxĩnü, rü nayanguxẽxẽ ga yema ngĩmaxã naxueguxü̃.

1 Chamué 1:11

Rü ngĩrü yumüxẽwa rü Tupanamaxã ixuneta rü ngĩgürügü: —Pa Cori ya Tupana ya Daxũwa Ngẽxmacüx, rü ngẽxguma chi nüxü̃ cucua̱xgu nax ñuxãcü ngúxü̃ nax chingexü̃ naxca̱x i ngẽma nax changexacüxü̃ ¡rü choxü̃́ nüxü̃ naxĩnü i ñaa chorü yumüxẽ, rü choxna namu ya wüxi ya chaune! Rü yimá rü tá cuxna chanamu nax cuxrüxü̃ yixĩxü̃ca̱x. Rü ngẽma norü cua̱xruxü̃ nax aixcüma cuxna chanamuxü̃ rü tagutáma niyoeru —ngĩgürügü.

Naanearü ügüchiga 30:22

Natürü ga Tupana rü ngĩxna nacua̱xãchi ga Raqué, rü nüxü̃ naxĩnü ga ngĩrü yumüxẽ. Rü yemaca̱x ngĩxü̃ naxãxacüxẽxẽ.

Naanearü ügüchiga 4:1

Rü yexguma ga gumá yatü rü naxma̱x ga Ébamaxã namaxü̃. Rü ixãxacü namaxã ga ngĩne ga Caíü̃. Rü ngĩgürügü: —Marü choxü̃́ nangẽxma ya chaune ya Cori ya Tupana choxna namucü —ngĩgürügü.

Ore i mexü̃ ga Luca ümatüxü̃ 23:42

Rü yexguma rü ñanagürü: —Pa Ngechuchux, ¡choxna nacua̱xãchi i ngẽxguma wenaxarü núma cuxũxgu rü ãẽ̱xgacüxü̃ ícunguxgu! —ñanagürü.

Ore i mexü̃ ga Márcu ümatüxü̃ 1:35

Rü ngunetüxü̃ ga tauta yangóonegu, rü inaxũãchi ga Ngechuchu. Rü ínaxũxũ ga ĩpatawa, rü wüxi ga nachica ga taxúema íxãpataxü̃wa naxũ nax yéma yayumüxẽxü̃ca̱x.

Wiyaegü 119:147

Rü naxü̃pa nax yangunexü̃ rü ícharüda nax curü ngü̃xẽẽca̱x cuxna chaca̱xaxü̃ca̱x. Rü nagu chayaxõ i ngẽma curü uneta.

Wiyaegü 55:17

Rü ẽxü̃wa rü tocuchigu rü chütacü rü Tupanaxü̃ chaca̱a̱xü̃, rü nüma rü choxü̃ naxĩnü rü choxü̃ nangãxü̃.

Wiyaegü 25:7

¡Natürü taxṹ i nüxna cucua̱xãchixü̃ i ngẽma chorü pecadugü rü yema chixexü̃gü ga chaxüxü̃ ga yexguma changextü̱xügu! Pa Cori Pa Tupanax ¡choxna nacua̱xãchi, erü curü ngechaü̃ rü curü mecüma rü nataxüchi!

1 Chamué 9:26

Rü nüma ga Chaú rü yexma nape. Rü moxü̃ãcü nüma ga Chamué rü Chaúxü̃ naca ga ĩpataarü dauxnawa, rü ñanagürü nüxü̃: —¡Írüda rü marü name nax íquixũxü̃! —ñanagürü. Rü nüma ga Chaú rü ínarüda. Rü yemawena rü ínachoxü̃ ga Chaú rü Chamué, rü namawa naxĩ.

Naanearü ügüchiga 8:1

Natürü ga Tupana rü tama Noéxü̃ inayarüngüma, rü tama nüxü̃ inayarüngüma ga guxü̃ma ga yema naeü̃gü ga wüxigu Noémaxã wapuruwa yexmagüxü̃. Rü yemaca̱x ga Tupana rü nayabuanexẽxẽ, rü yema dexá rü inanaxügü ga nax íyaxexü̃.

Wiyaegü 136:23

Rü nüma ya Tupana rü tüxna nacua̱xãchi ngẽxguma taxü̃ i guxchaxü̃wa ingexmagügu. Erü ngẽma norü ngechaü̃ i taxca̱x rü taguma inayagu̱x.

Wiyaegü 5:3

Rü ẽxü̃wa noxri yangóonegu rü tá nüxü̃ cuxĩnü i chorü yumüxẽ. Rü pa̱xmama tá cumaxã nüxü̃ chixu i ngẽma cuxna naxca̱x chaca̱xaxü̃. Rü íchanangu̱xẽxẽ nax choxü̃ cungãxü̃xü̃.

1 Chamué 2:11

Rü ñu̱xũchi nüma ga Ercaná rü naxacüã̱xgü rü naxma̱xgümaxã napataca̱x nawoegu ga ĩane ga Ramáwa. Natürü nüma ga gumá nane ga bucü rü yexma chacherdóte ga Eríxü̃tagu narüxã̱ũ̱x nax yéma Cori ya Tupanaaxü̃́ napuracüxü̃ca̱x.

1 Chamué 1:1

Efraíü̃arü ma̱xpǘneanewa nayexma ga wüxi ga nachica ga Ramágu ãégaxü̃. Rü yexma naxãpata ga wüxi ga yatü ga Chúxtanüxü̃ ixĩcü ga Ercanágu ãégacü. Rü nüma ga Ercaná rü Yeruáü̃ nane nixĩ, rü Eriútaxa nixĩ. Rü norü o̱xinatü nixĩ ga Tóu. Rü nüma ga Tóu rü Chúx ga Efraíü̃tanüxü̃ ixĩcü nane nixĩ.

1 Chamué 7:17

Rü ñu̱xũchi norü ĩane ga Ramáca̱x nataeguü̃xü̃, yerü yexma nixĩ ga naxãchiü̃xü̃. Rü yéma nixĩ ga Iraéanecüã̱xgümaxã inacuáxü̃. Rü yexma nanaxü ga Cori ya Tupanaarü ãmarearü guruxü̃ ga nawa naxü̃nagü ínaguxü̃.

Yochué 18:25

Rü naétü nüxna naxǘ ga daa ĩanegü: Gabaóü̃, rü Ramá, rü Beerúx, rü Mispá, rü Quefirá rü Mochá, rü Requéü̃, rü Ipeé, rü Tarará, rü Cherá, rü Érex, rü Yebú (Rü to ga naéga rü Yerucharéü̃ nixĩ), rü Guibeá, rü Quiriáx. Rü guxü̃wama rü 14 ga ĩanegü nixĩ rü naétü ga norü ĩanexacügü. Rü yema nixĩ ga yema naane ga Bẽyamíü̃tücumüna üxü̃ naxẽ̱xpü̱x nax ñuxre yixĩxü̃ ga natanüxü̃.

1 Chamué 8:4

Rü yemaca̱x ga Iraéanecüã̱xgüarü ãẽ̱xgacügü rü nügümaxã nangutaque̱xegü, rü ĩane ga Ramáwa naxĩ nax Chamuéxü̃ íyadaugüxü̃ca̱x.

1 Chamué 15:34

Rü yemawena ga Chamué rü norü ĩane ga Ramáwa naxũ. Rü nüma ga Chaú rü nachiü̃ca̱x nataegu ga Guibeáwa.

1 Chamué 16:13

Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.

1 Chamué 19:18

Rü yemaacü nixĩ ga yañaxü̃ ga Dabí. Rü Ramáwa naxũ Chamuéxü̃tawa, rü Chamuémaxã nüxü̃ nixu ga guxü̃ma ga Chaú namaxã üxü̃. Rü yemawena rü Dabí rü Chamué rü ĩane ga Naióxwa naxĩ, rü yéma nayexmagü.

1 Chamué 25:1

Rü nüma ga Chamué rü nayu. Rü yexguma nayu̱xgu rü guxü̃ma ga Iraéanecüã̱xgü rü naxĩtaque̱xe rü naxauxe. Rü napatagu nanata̱xgü ga ĩane ga Ramáwa. Rü yemawena ga Dabí rü yema chianexü̃ ga Paráü̃wa naxũ.

Norü taxre ga popera ga ãẽ̱xgacügüchiga 4:17

Natürü yema Erichéu ngĩmaxã nüxü̃ ixuxü̃rüü̃tama ningu. Rü ixãxacü, rü gumá nai ga taunecügu rü nabu ga gumá ngĩne.