1 Chamué 1:14 - Tupanaarü Ore

¹⁴ Rü ñanagürü ngĩxü̃: —¿Ñuxãcü i ngãxãcü nua cuxũxü̃? ¡Rü marütama nax bínu cuyaxaxüxü̃! —ñanagürü ngĩxü̃.

1 Chamué 1:14 Referans Kwoze

Efesios 4:31

¡Rü nüxü̃ perüxoe nax nagu perüxĩnüexechaxü̃ ega texé ta̱xacürü chixexü̃ pexca̱x uxgux! Rü ngẽxgumarüxü̃ ta name nixĩ nax nüxü̃ perüxoexü̃ nax pegüchi pexaiexü̃, rü pegümaxã penuexü̃, rü pegü nax pengaexü̃, rü pegümaxã peguxchigagüxü̃. Rü ngẽmaãcü name nax nüxü̃ perüxoexü̃ i guxü̃ma i ngẽma chixexü̃ i dexagü.

Efesios 4:25

Rü ngẽmaca̱x i ñu̱xma nax Cristuarü pixĩgüxü̃ rü tama name nax pidorata̱a̱xgüxü̃. Natürü name nixĩ i wüxichigü rü tümamücümaxã aixcümaxü̃ tixu. Erü guxãma i yixema rü yigütanüxü̃ i yaxõgüxü̃ tixĩgü.

Ucu̱xẽgüchiga 6:9

Pa Yatü i Oxoxchixü̃x, marütama nax cupeechaxü̃ rü marütama nax icucaechaxü̃.

Ucu̱xẽgüchiga 4:24

¡Rü nüxü̃ rüxo nax doraxü̃ quixuxü̃, rü nüxna ixũgachi i ngẽma ore i tama aixcüma ixĩxü̃!

Wiyaegü 62:3

¿Rü ñuxguratáta nüxü̃ perüchau nax cha̱u̱xca̱x ípeyaxüãchixü̃ nax ngẽmaãcü ichayanguxü̃ca̱x ñoma wüxi ya ĩxtapü̱x iwa̱xgüxü̃rüxü̃, rüe̱xna ñoma wüxi ya poxeguxü̃ iwáxü̃rüxü̃?

Yox 22:23

Rü ngẽxguma chi yimá Guxãétüwa Ngẽxmacüna cugü cuxãxgu rü naxca̱x cutaegu̱xgu rü chi cuyaxũgachixẽẽgu i ngẽma chixexü̃ i cuchiü̃wa ngẽxmaxü̃ rü chi ñoma natügüarü nutagürüxü̃ ícunawogügu i curü úiru i mexẽchixü̃ rü curü diẽrugü, rü ñu̱xũchi nümatama ya Tupana rü ñoma curü úiru rü curü diẽrurüxü̃ tá nixĩ i cuxca̱x.

Yox 11:14

Rü ngẽxguma chixexü̃ cuxü̱xgu ¡rü nüxna ixũgachi! Erü tama name i wena curü maxü̃wa cunaxüchica i ngẽma chixexü̃.

Yox 8:2

—Ñomarüta Pa Yox, rü quidexachigüama. ¿Rü ñuxguratáta nüxü̃ curüchauxü̃ nax ñoma wüxi ya buanecü ya tacürüxü̃ yixĩxü̃ i curü dexa?

Ngechuchuarü ngúexü̃gü ga yamugüxü̃arü puracüchiga 2:4

Rü guxü̃ma ga yema yexmagüxü̃ rü Tupanaãxẽ ya Üünecü nüxna nangu. Rü inanaxügüe nax to ga nagawa yadexagüxü̃ yema Naãxẽ ya Üünecü naxwa̱xexü̃ãcüma.

Ngechuchuarü ngúexü̃gü ga yamugüxü̃arü puracüchiga 2:13

Natürü ga togü rü nüxü̃ nacugüecüraxü̃, rü ñanagürügü: —Nangãxẽmare rü ngẽmaca̱x nixĩ i ngẽmaãcü yadexagüxü̃ —ñanagürügü.