1 Chamué 1:10 - Tupanaarü Ore

¹⁰ Rü ngĩma ga Ána rü poraãcü ixaxu, rü ngĩgümaxã ingechaü̃, rü yemaacü iyumüxẽ, rü Tupanana ica.

1 Chamué 1:10 Referans Kwoze

Yox 7:11

Rü ngẽmaca̱x i ñu̱xma rü taxũtáma changeã̱xmare. Rü ngẽma ngúxü̃ i chingexü̃gagu rü ngẽma nax chanuxü̃gagu rü tá chidexa rü tá cumaxã nüxü̃ chixu i ngẽma nagu charüxĩnüxü̃.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Yox 10:1

Rü marü düxwa chipa nax ñoma i naanewa chamaxü̃xü̃. Rü ngẽma ngúxü̃ i chingexü̃gagu rü taxũtáma chaugüna chachogü nax nüxna chaca̱a̱xü̃ nax tü̱xcüü̃ ngúxü̃ choxü̃ yangexẽẽxü̃.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Ichaía 54:6

Pa Iraétanüxü̃x, pema rü ñoma wüxi i pacü i ãtecü rü ngĩte ngĩxü̃ íta̱xcü rü naxĩ̱xãchiãẽcürüxü̃ pixĩgü. Natürü i ñu̱xma ya perü Tupana rü wena pexca̱x naca, rü pexü̃ ñanagürü: —Ngẽma nax pexü̃ íchawogüxü̃ rü paxaãchica̱xmare nixĩ, natürü i ñu̱xma rü tá pexü̃ chade erü poraãcü choxü̃́ pengechaü̃tümüxü̃gü.

Ãẽ̱xgacügü ga guxchaxü̃güarü mexẽxẽruü̃gü 21:2

Natürü yemawena rü Betégu nangutaque̱xegü, rü yéma Cori ya Tupanape̱xewa nayexmagü ñu̱xmata nachüta. Rü poraãcü nüxü̃́ nangu̱x ga yema Bẽyamíü̃tanüxü̃maxã ngupetüxü̃ rü naxauxe. Rü Cori ya Tupanamaxã narüxutagü rü ñanagürügü:

Auxexü̃chiga 3:15

Rü nüma ga Cori ya Tupana rü taxü̃ ga guxchaxü̃gü choxü̃ ningexẽxẽ. Rü ngẽmagagu poraãcü choxü̃́ nangu̱x.

Yeremía 22:10

¡Rü taxṹ i ãẽ̱xgacü ya yucü ya Yochíaca̱x pexauxexü̃! Rü narümemae nixĩ nax nane i Charúü̃ca̱x pexauxexü̃, erü nüma rü to i nachixü̃anewa nanagagü rü tagutáma nataegu. Rü ngẽxma tá nayu, rü tagutáma wena nüxü̃ nadau i ngẽma norü naane i nagu nabuxü̃.

Ichaía 38:15

Natürü ñu̱xma nax nümatama yixĩxü̃ i cha̱u̱xca̱x ínanguxẽẽãxü̃ i ngẽma da̱xawe ¿rü ta̱xacüxü̃ tá namaxã chixuxü̃? Rü ngẽma yaxta rü choxna niña nagagu i ngẽma ngúxü̃ nax chingexü̃. Rü ngẽmaca̱x gucü ya chorü taunecügu rü tá chaugü ícharüxíra nape̱xewa ya Tupana.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Yox 9:18

Rü oegaãẽmaxã chi choxü̃ nanapaxẽxẽ rü choxü̃́ nanaguxchaxẽxẽ nax chingü̃ãcüüxü̃ca̱x.

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Rux 1:20

Natürü ga ngĩma rü inangãxü̃ rü ngĩgürügü: —¡Taxṹ i Noemí ñaperügü choxü̃! Rü name nixĩ i Mára ñapegürü choxü̃. Erü Tupana ya Guxãétüwa Ngẽxmacü rü taxü̃ i guxchaxü̃ choxna naxã.

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

2 Chamué 13:36

Rü yexguma yagúegagu ga Yonadá, rü ínangugüama ga ãẽ̱xgacü nanegü. Rü tagaãcü naxauxe. Rü nümata ga ãẽ̱xgacü rü guxü̃ma ga yema norü churaragüerugü rü poraãcü naxauxe.

Naanearü ügüchiga 50:10

Rü yexguma yema nachica ga Goréü̃-a-atáxwa nangugügu ga natü ga Yudáü̃arü éstewa, rü wüxi ga ngechaü̃arü ngutaque̱xe yéma naxügü. Rü yéma ga Yúche rü 7 ga ngunexü̃ nanatüca̱x nangechaü̃.

2 Chamué 17:8

Cuma rü nüxü̃ cucua̱x ya cunatü rü ngẽma norü duü̃xü̃gü rü nax naporaexü̃. Rü ñu̱xma rü ñoma wüxi i osu i naixnecücüã̱x i düraxü̃ naxacü nüxna tüxü̃ ipuxü̃xü̃rüxü̃ nanue. Rü ñu̱xũchi cunatü rü wüxi i yatü i marü daixü̃ cuáxü̃ nixĩ rü ñaa chütaxü̃ rü taxũtáma norü duü̃xü̃gütanüwa nangẽxma.

1 Chamué 1:9

Rü yexguma ĩane ga Chilówa nayexmagügu, rü wüxi ga yáuanecü ga chibüwena rü ngĩma ga Ána rü Tupanapatawa ixũ. Rü nüma ga chacherdóte ga Erí rü norü tochicaxü̃ ga nawa natooxü̃wa narüto ga Cori ya Tupanapataarü ĩã̱xarü ngaicamana.

1 Chamué 1:11

Rü ngĩrü yumüxẽwa rü Tupanamaxã ixuneta rü ngĩgürügü: —Pa Cori ya Tupana ya Daxũwa Ngẽxmacüx, rü ngẽxguma chi nüxü̃ cucua̱xgu nax ñuxãcü ngúxü̃ nax chingexü̃ naxca̱x i ngẽma nax changexacüxü̃ ¡rü choxü̃́ nüxü̃ naxĩnü i ñaa chorü yumüxẽ, rü choxna namu ya wüxi ya chaune! Rü yimá rü tá cuxna chanamu nax cuxrüxü̃ yixĩxü̃ca̱x. Rü ngẽma norü cua̱xruxü̃ nax aixcüma cuxna chanamuxü̃ rü tagutáma niyoeru —ngĩgürügü.

Ucu̱xẽgüchiga 14:10

Wüxichigü i duü̃xü̃ rü nüxicatama nixĩ i nüxü̃ nacuáxü̃ i norü guxchaxü̃gü, rü tama togü i duü̃xü̃gü i tama nüxü̃ nacuáxü̃maxã nüxü̃ nixu i norü taãxẽ.

Naanearü ügüchiga 30:1

Rü yexguma Raqué nüxü̃ icua̱xãchigu nax tama Acóbuaxü̃́ naxãxacüxü̃, rü iyaxãũxãchi naxca̱x nax ngĩeya̱x ga Léaxicatama ãxacüxü̃. Rü yemaca̱x ngĩtexü̃ ngĩgürügü: —Ngẽxguma taxũtáma cuxü̃́ chaxãxacügu rü tá chayu —ngĩgürügü.