Nüxíraxü̃xü̃ ga popera ga Timutéuca̱x naxümatüxü̃ ga Pauru 6:18 - Tupanaarü Ore

¹⁸ ¡Rü namaxã nüxü̃ ixu i ngẽma muarü diẽruã̱xgüxü̃ nax mexü̃ naxügüxü̃ca̱x! Rü ngẽmaãcü tá namu i ngẽma mexü̃gü i naxügüxü̃. Rü tanaxwa̱xe nax ínamemaregüxü̃ nax togüna naxããxü̃ rü namaxã nangauxü̃ i norü ngẽmaxü̃gü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:18 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:16

¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.

Nüxíraxü̃xü̃ ga popera ga Cuáü̃ ümatüxü̃ 3:17

Rü ngẽxguma chi texéaxü̃́ nangẽxmagu i taxü̃ i tümaarü diẽru, rü chi nüxü̃ tada̱u̱xgu i tümamücü nax nüxü̃́ nataxuxü̃ rü tama nüxü̃ tarüngü̃xẽẽgu, rü taxuacüma ñatagürü: “Choma rü Tupanaxü̃ changechaü̃”, ñatagürü.

Romanos 12:8

Rü yíxema nüxü̃ cuáxe nax Tupanaarü oremaxã duü̃xü̃güxü̃ tataãẽxẽẽxü̃, rü name nixĩ i meama tanaxü i ngẽma. Rü yíxema nüxü̃ cuáxe nax togümaxã tangauxü̃ i tümaarü ngẽmaxü̃gü, rü name nixĩ i tümaarü ngúchaü̃maxã tanaxü i ngẽma. Rü yíxema ãẽ̱xgacü ixĩxẽ rü name nixĩ i meama tayanguxẽxẽ i ngẽma puracü. Rü yíxema nüxü̃ cuáxe nax togü tüxü̃́ ngechaü̃tümüxü̃güxü̃, rü name nixĩ i taãẽãcüma tanaxü i ngẽma.

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Popera ga Títoca̱x naxümatüxü̃ ga Pauru 3:8

Rü guxü̃ma i ngẽma marü cumaxã nüxü̃ chixuxü̃ rü aixcüma nixĩ. Rü ngẽmaca̱x chanaxwa̱xe i guxü̃guma nüxü̃ quixu i ngẽma ore nax aixcüma mexü̃ naxügüxü̃ca̱x i ngẽma duü̃xü̃gü i Tupanaaxü̃́ yaxõgüxü̃. Erü ngẽma ore rü guxü̃wama name i guxãca̱x.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Ore i mexü̃ ga Luca ümatüxü̃ 12:21

Rü ngẽxgumarüxü̃ tá ta namaxã nangupetü i ngẽma duü̃xü̃gü i nügüca̱xtama norü ngẽmaxü̃gümaxã nguxü̃xü̃ rü tama nügü ímexẽẽxü̃ i Tupanape̱xewa —ñanagürü ga Ngechuchu.

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Romanos 12:13

Rü name nixĩ i nüxü̃ perüngü̃xẽxẽ i ngẽma yaxõgüxü̃ i nüxü̃́ nataxuxü̃. ¡Rü mea penayaxu i ngẽma duü̃xü̃gü i pexü̃tagu naxĩanexü̃!

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:10

Rü tanaxwa̱xe i duü̃xü̃gü ngĩxü̃ nacua̱xgü nax wüxi i mexü̃ üxcü nax yixĩxü̃, rü mea ngĩxãcüxü̃ yaexẽẽcü iyixĩ, rü mea ngĩpatawa duü̃xü̃güxü̃ yaxucü iyixĩ, rü yaxõgüxü̃arü ngü̃xẽẽruxü̃ iyixĩ, rü da̱xaweexü̃arü ngü̃xẽẽruxü̃ iyixĩ. Rü ngẽmaãcü tanaxwa̱xe i guxü̃raxü̃xü̃ i mexü̃arü üruxü̃ iyixĩ.

2 Corintios 8:9

Erü pema rü marü nüxü̃ pecua̱x nax ñuxãcü tamaxã namecümaxü̃ ga tórü Cori ya Ngechuchu ya Cristu. Rü woo nüxü̃́ nayexma ga guxü̃ma, natürü ñoma wüxi ga ngearü diẽruã́xü̃rüxü̃ pexca̱x nügü nixĩxẽxẽ nax ngẽmaãcü pexü̃́ nangẽxmaxü̃ca̱x i taxü̃ i Tupanaarü ngü̃xẽxẽ.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

1 Corintios 16:2

Rü ngẽma diẽru i perü puracüwa ngĩxü̃ peyaxucüwa rü guxcü i yüxüarü ngunexü̃gu rü tá ngĩxü̃ pexã i ngẽma diẽru i Tupanaarü ixĩcü. Rü ngĩmaxã tá penguxü̃ nax tama ngẽxguma ngéma changuxguama ngĩxü̃ nax pedexü̃ca̱x.

Ichaía 58:7

Rü ngẽma chanaxwa̱xexü̃ nixĩ nax tüxü̃ pechibüexẽẽxü̃ ya yíxema taiyaexe, rü pepatawa tüxü̃ peyaxuxü̃ ya yíxema ngearü diẽruã̱xgüxe rü ngepatagüxe, rü tüxü̃ pixüxchiruxü̃ ya yíxema ngexchirugüxe, rü to̱xguã̱x tüxü̃ perüngü̃xẽẽgüxü̃.

Ngu̱xẽẽtaeruü̃arü ore 11:6

¡Rü pa̱xmama namaxã natoe i cunetüchire rü ngẽxgumarüxü̃ ta yáuanecü namaxã natoe! Erü tama nüxü̃ cucua̱x i ngexü̃rüüxü̃ tá yexera mea narüxü, rü ngẽma nüxíra cutoxü̃ rüe̱xna ngẽma wixwena cutoxü̃. Rü ngürüãchi ngẽma taxre tá mea narüxügü.

Wiyaegü 112:9

Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.

Norü tomaepü̱x ga popera ga Cuáü̃ ümatüxü̃ 1:11

Pa Chauenexẽ i Cuxü̃ Changechaü̃xex, ¡Taxṹ i nüxü̃ cuyadauxü̃xü̃ i ngẽma chixexü̃ ügüxü̃! Natürü name nixĩ i nüxü̃ cuyadauxü̃ i ngẽma mexü̃ ügüxü̃. Erü yíxema mexü̃ ǘxe rü Tupanaxacü tixĩ. Natürü yíxema chixexü̃ ǘxe rü tama Tupanaxü̃ tacua̱x.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Ngechuchuarü ngúexü̃gü ga yamugüxü̃arü puracüchiga 9:36

Rü yexgumaü̃cüxü ga ĩane ga Yópewa rü iyexma ga wüxi ga ngecü ga yaxõ̱xcü ga Tabitá ga ngĩéga. Rü ngẽma naéga rü Griégugawa rü Dórca ñaxü̃chiga nixĩ. Rü ngĩma rü wüxi ga ngecü ga ngü̃xẽẽwa̱xecü iyixĩ, rü guxü̃guma nüxü̃ irüngüxẽxẽ ga yema duü̃xü̃gü ga ta̱xacü nüxü̃́ taxuxü̃.

Ichaía 32:8

Natürü ngẽma duü̃xü̃ i mexü̃gu rüxĩnüxü̃ rü mexü̃ i ĩnügü nüxü̃́ nangẽxma. Rü ngẽma mexü̃ i nagu naxĩnüxü̃ rü taguma nüxü̃ narüxo.

Ngu̱xẽẽtaeruü̃arü ore 3:12

Rü ñu̱xma rü nüxü̃ chacua̱x rü duü̃xü̃güca̱x rümemaexü̃ nixĩ nax namaxẽyane nataãẽgüxü̃ rü mexü̃ naxügüxü̃. Rü ngẽxgumarüxü̃ ta nüxü̃ chacua̱x nax Tupanawa ne naxũxü̃ nax ichibüexü̃, rü ixaxegüxü̃, rü nayauxgüxü̃ i tórü puracütanü.

Norü taxre ga to ga popera ga ãẽ̱xgacügüchiga ümatüxü̃ 24:16

Rü Dabíarü Ĩanearü tauquegu nanata̱xgü ga ãẽ̱xgacügü nagu ta̱xgüxü̃gu, yerü nüma ga Yoiadá rü Iraétanüxü̃pe̱xewa rü Cori ya Tupanape̱xewa rü ñu̱xũchi Tupanapata ga taxü̃newa mexü̃ naxü.

Nüxíraxü̃xü̃ ga popera ga Pedru ümatüxü̃ 3:11

Rü name nixĩ i nüxna tayaxü̃ i guxü̃ma i chixexü̃gü, rü mexü̃ taxü. Rü ngẽxgumarüxü̃ ta name nixĩ i naxca̱x tadau nax guxü̃guma duü̃xü̃gümaxã tamecümagüxü̃.

Ngechuchuarü ngúexü̃gü ga yamugüxü̃arü puracüchiga 11:29

Rü yexguma ga yema yaxõgüxü̃ ga Antioquíawa yexmagüxü̃, rü marü wüxigu nagu narüxĩnüe nax yéma ngĩxü̃ namugüxü̃ca̱x ga diẽru nax nüxü̃ nangü̃xẽẽgüxü̃ca̱x ga yema yaxõgüxü̃ ga Yudéaanegu ãchiü̃güxü̃. Rü wüxichigü ngĩxü̃ inaxã ga diẽru yexgumarüxü̃ ga ñuxre ga nüxü̃́ yexmacü.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ore i mexü̃ ga Matéu ümatüxü̃ 5:42

Rü ngẽxguma texé wüxi i curü ngẽmaxü̃ca̱x cuxna caxgu, rü name i tüxna cunaxã. Rü tama name nax tüxna cunachu̱xuxü̃ i curü ngẽmaxü̃gü ega texé paxaãchi cuxna naxca̱x caxgu.

Ore i mexü̃ ga Luca ümatüxü̃ 3:11

Rü Cuáü̃ rü nanangãxü̃ rü ñanagürü: —Yíxema taxrechiruxe rü name nixĩ ya yíxema tüxü̃́ nataxúxena tanaxã i wüxi. Rü yíxema õnaã́xẽ rü name nixĩ i yíxema tüxü̃́ nataxúxemaxã tangau i tümaarü õna —ñanagürü.

Efesios 4:28

Rü ngẽxguma texé petanüwa ngĩ́ta̱a̱xgu, rü name nixĩ i nüxü̃ tarüxo i ngẽma. Rü name i tümame̱xẽmaxã mea tapuracü nax ngẽmaãcü tüxü̃́ nangẽxmaxü̃ca̱x i tümaarü diẽru nax toguxe ya tüxü̃́ nataxúxemaxã tangauxü̃ca̱x.