Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17 - Tupanaarü Ore

¹⁷ Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17 Referans Kwoze

Ngechuchuarü ngúexü̃gü ga yamugüxü̃arü puracüchiga 14:17

Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.

Ucu̱xẽgüchiga 11:28

Yíxema tümaarü ngẽmaxü̃güna rüyoexe, rü ñoma wüxi i naixatü i paxü̃ i ñaxtüanegu rünguxü̃rüxü̃ tixĩ, natürü yíxema mexü̃ i nacümagu maxü̃́xẽ, rü ñoma wüxi i naixchacüxü i wena ããtüxü̃rüxü̃ tixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:10

Rü ngẽmaca̱x nixĩ i ipuracüexü̃ rü yigü iporaãẽxẽẽxü̃ nax nüxü̃ ixuxü̃ca̱x i ngẽma ore i mexü̃, erü nüxü̃́ tayaxõgü ya tórü Tupana ya Maxü̃cü ya guxãarü Maxẽxẽẽruxü̃ ixĩcü, rü yexera ngẽma nüxü̃́ yaxõgüxü̃arü ixĩcü.

Ore i mexü̃ ga Matéu ümatüxü̃ 19:23

Rü yexguma ga Ngechuchu rü norü ngúexü̃güxü̃ ñanagürü: —Aixcüma pemaxã nüxü̃ chixu rü naguxchaxüchi nixĩ nax wüxi i duü̃xü̃ i diẽruã̱xü̃chixü̃ rü Tupana ãẽ̱xgacü ixĩxü̃wa nax nanguxü̃.

Popera ga Títoca̱x naxümatüxü̃ ga Pauru 2:12

Rü Tupana rü tamaxã namecüma rü ngẽmawa nüxü̃ tacua̱x nax namexü̃ nax nüxü̃ rüxoexü̃ i ñoma i naanecüã̱xarü ngúchaü̃gü rü guxü̃ma i togü i chixexü̃gü i nape̱xewa ixügüxü̃. Rü ngẽma Tupana taxca̱x üxü̃ tüxü̃ nangu̱xẽxẽ nax mea yigümaxã icua̱xgüãcüma duü̃xü̃güpe̱xewa rü Tupanape̱xewa mea imaxẽxü̃ i ñoma i naanewa.

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

Ore i mexü̃ ga Luca ümatüxü̃ 19:2

Rü yexma naxãchiü̃ ga wüxi ga yatü ga diẽruã̱xü̃chixü̃ ga Chaquéugu ãégaxü̃. Rü nüma nixĩ ga naeru ga yema yatügü ga Rómaarü ãẽ̱xgacüca̱x diẽru ngĩxü̃ ideetanüxü̃.

Ucu̱xẽgüchiga 30:9

Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma. Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.

Wenaxarü naxümatü ga Tupanaarü mugü 8:17

Rü tama name i nagu perüxĩnüe rü ñaperügügü: “Guxü̃ma i tórü ngẽmaxü̃gü rü tórü poramaxãtama tüxü̃́ nangẽxma”, ñaperügügü.

Romanos 11:20

Ngẽmáacü aixcüma nixĩ ga Tupana nüxü̃ oxü̃ ga yema Yudíugü yerü tama nayaxõgü. Rü ngẽma nax peyaxõgüxü̃ca̱xicatama nixĩ i nachicüü Tupana pexü̃ dexü̃ i ñu̱xmax. Rü ngẽmaca̱x tama name i pegü picua̱xüü̃gü. ¡Rü Tupanaxü̃ pemuü̃e nax tama yema Yudíugüxü̃ üpetüxü̃rüxü̃ pexü̃ üpetüxü̃ca̱x!

Ochéa 13:6

Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.

Yeremía 2:31

Rü pemax i ñomaü̃cüxü maxẽxü̃ i duü̃xü̃gü ¡ẽcü iperüxĩnüe i chorü ore! Pa Iraétanüxü̃x ¿pexca̱x rü ñoma wüxi i naane i paanexü̃rüxü̃ chixĩ? ¿Pexca̱x rü ñoma wüxi i naane i waanexü̃rüxü̃ chixĩ? Pa Chorü Duü̃xü̃güx ¿ta̱xacüca̱x ñaperügügü choxü̃: “Tomagü rü taxúeme̱xẽwa tangexmagü rü marü tagutáma cuxca̱x tawoegu”, ñaperügügü?

Ucu̱xẽgüchiga 23:5

Erü ngẽxguma meama nagu rüxĩnügu, rü tama natai i tórü ngẽmaxü̃gü i tüxü̃́ ngẽxmagüxü̃, erü ñoma yaxãxpe̱xatüxü̃rüxü̃ tá inarütaxu, rü dawürüxü̃ tá nixüü̃. -8-

Wiyaegü 104:28

Rü cuma rü nüxna cunaxã rü nümagü rü nanayauxgü. Rü mea cunaxüwemü rü nümagü rü mea nachibüe.

Wiyaegü 62:10

¡Rü taxṹ i máetagu perüxĩnüexü̃ rüe̱xna ngĩ̱xgu perüxĩnüexü̃ nax ngẽmaãcü pegü pediẽruã́xü̃ca̱x! Rü ngẽxguma chi pemuarü diẽruã̱xgu rü ¡taxṹ i ngẽma perü diẽrugu perüxĩnüexü̃ nax ngẽmamaxã petaãẽgüxü̃ca̱x!

Wiyaegü 52:7

—¡Dücax, nüxü̃ peda̱u̱x i ngẽma duü̃xü̃ i tama Tupanaga ĩnüchaü̃xü̃ rü ngẽma norü ngẽmaxü̃gügu yaxõxü̃ rü chixexü̃guama maxü̃xü̃! —ñanagürügü tá.

Norü taxre ga to ga popera ga ãẽ̱xgacügüchiga ümatüxü̃ 26:16

Rü nüma ga Uchía rü yexguma naporaxüchigu rü nügü ínarüta. Rü yema nax nügü ínataxü̃gagu rü chixexü̃gu nangu. Rü wüxi ga ngunexü̃gu rü nagu naxücu ga Tupanapata ga taxü̃ne rü yema pumarate̱xearü guruü̃wa nümatama pumarate̱xe nigu woo nüxna nax nachu̱xuxü̃ ga yema.

Wenaxarü naxümatü ga Tupanaarü mugü 33:15

Rü ngẽma nũxcüma yexmaxü̃ i máxpü̱xanexü̃wa rü Tupana tá pexna nanaxã i ngẽma rümemaexü̃ i penetügüarü o.

Naanearü ügüchiga 13:2

Rü Abráü̃ rü poraãcü namuarü yemaxü̃güã̱xü̃chi ga úiru rü diẽru rü muxü̃ma ga naxü̃nagü.

Norü taxre ga popera ga Timutéuca̱x naxümatüxü̃ ga Pauru 4:10

Dema rü ñoma i naanearü ngẽmaxü̃gügu narüxĩnü rü choxna nixũ, rü ĩane ga Techarónicawa naxũ, Rü Crechénte rü Gárataanewa naxũ, rü Títo i Damáchiaanewa naxũ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:13

Rü ñu̱xma Pa Timutéux, rü nape̱xewa ya Tupana ya guxü̃xü̃ma maxẽxẽẽcü, rü nape̱xewa ya Ngechuchu ya Cristu ga Pónchiu ga Pirátupe̱xewa nüxü̃ ixucü nax aixcüma Nanatü ya Tupanaga naxĩnüxü̃, rü cuxü̃ chamu nax naga cuxĩnüxü̃ca̱x i ngẽma ore i cumaxã nüxü̃ chixuxü̃ nax taxúema ta̱xacüca̱x cuxü̃ oregüxü̃ca̱x rü chixri cuchiga idexaxü̃ca̱x. Rü chanaxwa̱xe i ngẽmaãcü cunaxü ñu̱xmatáta ínangu ya tórü Cori ya Ngechuchu ya Cristu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:3

Yexguma cuxna ichaxũãchigu nax Machedóniaanewa chaxũxü̃ca̱x rü cumaxã nüxü̃ chixu nax Epéchiuarü ĩanegu curüxã́ũxü̃ nax nüxna cunachu̱xuxü̃ca̱x i ngẽma duü̃xü̃gü i doramaãmare ngéma ngu̱xẽẽtaegüxü̃.

1 Tesalonicenses 1:9

Yerü nümagütama ga yema duü̃xü̃gü rü marü nüxü̃ nixugügü nax mea toxü̃ peyauxgüxü̃ ga yexguma petanüwa taxĩxgu. Rü nüxü̃ nixugügü nax nüxü̃ perüxoexü̃ ga perü tupananetachicüna̱xãgü nax Tupanaxü̃chi ya maxü̃cü rü ixaixcümacüwe perüxĩxü̃ca̱x nax nüxü̃́ pepuracüexü̃ca̱x.

Efesios 5:5

Rü aixcüma pemaxã nüxü̃ chixu rü ngẽxguma texé nai i ngexü̃maxã rü ẽ̱xna nai ya yatümaxã tamaxü̃gu, rüẽ̱xna ta̱xacürü ãũãchixü̃ Tupanape̱xewa taxü̱xgu, rü ẽ̱xna taxaügu (rü yíxema ngẽma nacüma tüxü̃́ ngẽxmaxe rü düxwa namaxã tatupanaã̱x) rü taxucürüwama taxãchica i ngextá tórü Cori ya Cristu rü Tanatü ya Tupana ãẽ̱xgacü íixĩxü̃wa.

Ngechuchuarü ngúexü̃gü ga yamugüxü̃arü puracüchiga 17:25

Rü nüma ya Tupana rü taxuca̱xma nanaxwa̱xe i texéarü ngü̃xẽxẽ erü taxuxü̃ma nüxü̃́ nataxu. Rü nüma nixĩ i guxãna naxããxü̃ i maxü̃, rü buanecü ya namaxã ingü̃ãtanücüücü rü guxü̃ma i ta̱xacü i togü ñu̱xma ngẽxmagüxü̃.

Ngechuchuarü ngúexü̃gü ga yamugüxü̃arü puracüchiga 14:27

Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.

Ore i mexü̃ ga Márcu ümatüxü̃ 10:24

Rü naba̱i̱xãchiãẽgü ga norü ngúexü̃gü namaxã ga yema ore. Natürü ga Ngechuchu rü wenaxarü namaxã nüxü̃ nixu, rü ñanagürü: —Pa Chaunegüx, wüxi i guxchaxüchixü̃ nixĩ nax Tupana ãẽ̱xgacü íyixĩxü̃wa ixücuxü̃.

Ore i mexü̃ ga Matéu ümatüxü̃ 27:57

Rü yexguma marü nachütachaü̃gu, rü yéma nangu ga wüxi ga yatü ga Arimatéacüã̱x ga taarü diẽruã́cü ga Yúchegu ãégacü. Rü nüma rü ta Ngechuchuarü ngúetanüxü̃ nügü nixĩxẽxẽ.

Ore i mexü̃ ga Matéu ümatüxü̃ 6:32

Erü ngẽma duü̃xü̃gü i tama yaxõgüxü̃ rü naxca̱x naxoegaãẽgü i guxü̃ma i ngẽma nüxü̃́ taxuxü̃. Natürü i pema rü pexü̃́ nangẽxma ya Penatü ya Daxũgucü ya nüechama nüxü̃ cuácü i guxü̃ma i ngẽma pexü̃́ taxuxü̃.

Echequié 16:56

Cuma rü nüxü̃ cucugü ga yema cueya̱x ga Chodómaarü poxcu ga yexguma cugü ícurütaxgu rü taxũta nango̱xgu ga yema curü chixexü̃ ga cuxüxü̃. Natürü i ñu̱xma i ngẽma Edóü̃cüã̱xgüarü ĩanegü rü Firitéugüarü ĩanegü, rü guxü̃ma ya yima ĩanegü i cuxna ngaicamagüne rü cumaxã naguxchigagü. Rü ñu̱xma rü guxü̃ma i nachixü̃anecüã̱xgü rü cuxü̃ naxoe.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Popera ga Títoca̱x naxümatüxü̃ ga Pauru 3:6

Rü Ngechuchu ya Cristu ya tórü Maxẽxẽẽruü̃gagu rü Tupana rü guxü̃ma ga norü ngúchaü̃maxã tüxna nanamu ga Naãxẽ ya Üünexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:21

Rü ñu̱xma Tupanape̱xewa rü tórü Cori ya Ngechuchu ya Cristupe̱xewa rü ngẽma daxũcüã̱x i orearü ngeruü̃gü ya üünegüxü̃pe̱xewa, rü cuxü̃ chamu nax naga cuxĩnüxü̃ i ñaa ore i cumaxã nüxü̃ chixuxü̃. Rü chanaxwa̱xe i ngẽma cumaxã nüxü̃ chixuxü̃rüxü̃ mea cunaxucu̱xẽ i guxü̃ma i ngẽma yaxõgüxü̃ rü nüetama ega woo texé tixĩxgu.

Ngu̱xẽẽtaeruü̃arü ore 2:24

Rü ngẽma nüxü̃́ rümemaexü̃ ya yimá yatü nixĩ nax nachibüxü̃ rü naxaxexü̃ rü nangóoxü̃ i ngẽma norü puracütanü. Erü guxü̃ma i ngẽma rü ta Tupana nanango̱xẽxẽ.

Yeremía 49:4

Rü pemax, Pa Amóü̃tanüxü̃x, rü pegü picua̱xüü̃gü namaxã i ngẽma perü metachinüanexü̃gü i nanetü nawa mea rüxügüxü̃. Rü ngẽma muxü̃ i perü ngẽmaxü̃gügu peyaxõgü. Rü nagu perüxĩnüe nax tagutáma texé pexca̱x íyaxüãchixü̃.

Ore i mexü̃ ga Matéu ümatüxü̃ 12:32

Rü guxãma ya texé ya chixexü̃ namaxã ixugüxe ya Tupana Nane ya duü̃xü̃xü̃ ixĩcü rü Tupana tá tüxü̃́ nüxü̃ narüngüma i ngẽma. Natürü texé ya Tupanaãxẽ i Üünexü̃maxã chixexü̃ ixugüxe, rü Tupana rü tagutáma tüxü̃́ nüxü̃ narüngüma i ngẽma, rü bai i ñoma i naanewa, rü bai i daxũguxü̃ i naanewa.

Ore i mexü̃ ga Luca ümatüxü̃ 3:11

Rü Cuáü̃ rü nanangãxü̃ rü ñanagürü: —Yíxema taxrechiruxe rü name nixĩ ya yíxema tüxü̃́ nataxúxena tanaxã i wüxi. Rü yíxema õnaã́xẽ rü name nixĩ i yíxema tüxü̃́ nataxúxemaxã tangau i tümaarü õna —ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:9

Natürü ngẽma duü̃xü̃gü i diẽruã̱xgüchaü̃xü̃, rü tama yáxna namaxã naxĩnüe i ngẽxguma ngẽma diẽruarü ngúchaü̃ nüxü̃ poragu. Rü ngẽmaca̱x nagu nayi i muxü̃ma i ngúchaü̃gü i taxuwama nüxü̃́ mexü̃ i chixexü̃wa nagagüxü̃. Rü ngẽmaca̱x düxwa i ngẽma duü̃xü̃gü rü poraãcü nachixe rü norü guxü̃maãma inayarütauxe.

Norü taxre ga popera ga Pedru ümatüxü̃ 1:11

Rü ngẽmaãcü ya Tupana, rü tá mea pexca̱x nayawãxna i ĩã̱x nax tauxchaãcü pichocuxü̃ca̱x i ngextá guxü̃gutáma ãẽ̱xgacü íyixĩxü̃wa ya tórü Cori ya Ngechuchu ya Cristu ya tórü Maxẽxẽẽruxü̃.

Ore i mexü̃ ga Matéu ümatüxü̃ 25:16

Rü yema norü duü̃xü̃ ga 5,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 5,000 tachinü ngĩmaxã nayaxu.