Nüxíraxü̃xü̃ ga popera ga Timutéuca̱x naxümatüxü̃ ga Pauru 5:6 - Tupanaarü Ore

⁶ Natürü yíxema yutexe ya tümaarü ngúchaü̃gu rüxĩnüxe, rü Tupanape̱xewa rü ñoma tayuxü̃rüxü̃ tixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:6 Referans Kwoze

Popera ga Chantiágu ümatüxü̃ 5:5

Rü ñoma i naanewa rü pegü penga̱xãẽgü rü pemepata rü pemuarü ngẽmaxü̃ã̱xgü rü petaãẽgü rü mea pechibüe. Natürü nawa tá nangu i ngẽma ngunexü̃ nax ñoma wocagü i ngüexü̃rüxü̃ tá pedaixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:7

¡Rü ñu̱xma nax ngẽma ĩanecüã̱x nügü yacua̱xüxü̃güxü̃ rü mexẽchixü̃wa nax namaxẽxü̃, rü ngẽxgumarüxü̃ tá ta nixĩ nax ngúxü̃ nüxü̃ pingexẽxẽgüxü̃ rü ngechaü̃ nüxü̃ pingexẽxẽgüxü̃! Erü ngẽma ĩanecüã̱x rü nügüãẽwa ñanagürügü: ‘Yixema rü ñoma wüxi i ngexü̃ i nachixü̃anearü ãẽ̱xgacüma̱xrüxü̃ mexẽchixü̃wa tangexmagü. Rü tagutáma wüxi i yutexü̃rüxü̃ tangechaü̃gü’, ñanagürügü i ngẽma ĩanecüã̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:1

Rü yema chomaxã idexaxü̃ rü ñanagürü ta: “Chanaxwa̱xe i Chárdexwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá 7 i Tupanaãxẽ ya Üünecü nawa ngẽxmacü rü 7 ya woramacuri nüxü̃́ ngẽxmacü’. Rü ñanagürü i nümax: ‘Choma nüxü̃ chacua̱x i guxü̃ma i ngẽma cuxüxü̃. Rü nüxü̃ chacua̱x rü woo duü̃xü̃gü nüxü̃ ixugügu nax cha̱u̱xca̱x cumaxü̱̃xgu, natürü tama aixcüma cha̱u̱xca̱x cumaxü̃.

Ore i mexü̃ ga Luca ümatüxü̃ 15:24

Erü daa chaune rü cha̱u̱xca̱x rü marü nayu, natürü maxü̃cü cha̱u̱xca̱x ínangu. Rü marü inayarütauxchire̱x, rü wenaxarü nango̱x”, ñanagürü. Rü yexguma inanaxügüe nax napetaegüxü̃.

Ore i mexü̃ ga Luca ümatüxü̃ 15:32

Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.

Efesios 5:14

Erü guxü̃ma rü ngẽxguma ngóonexü̃wa nangẽxmagu, rü meama nango̱x nax nañuxraxü̃xü̃. Rü ngẽmaca̱x i Tupanaarü orewa rü ñanagürü: “¡Naba̱i̱xãchi i cuma nax cupexü̃, rü írüda i cumax nax icuyarütaxuxü̃! Rü Cristu tá cuxca̱x nanangóonexẽxẽ”, ñanagürü i ngẽma ore.

Efesios 2:1

Rü ü̃pa ga pema rü perü chixexü̃gagu rü perü pecadugagu ñoma peyuexü̃rüxü̃ pixĩgü.

Ore i mexü̃ ga Luca ümatüxü̃ 15:13

Rü ñuxre ga ngunexü̃guwena rü gumá nane ga rübumaecü rü nananutaque̱xe ga guxü̃ma ga norü yemaxü̃gü rü namaxã nataxe. Rü yema diẽrumaxã to ga nachixü̃anewa naxũ. Rü chixri yéma namaxü̃, rü yemaacü ngĩxü̃ nagu̱xẽxẽ ga guxcüma ga norü diẽru.

Ore i mexü̃ ga Matéu ümatüxü̃ 8:22

Rü Ngechuchu nanangãxü̃, rü ñanagürü nüxü̃: —¡Noxtacüma chowe rüxũ! Rü nüe i ngẽma cutanüxü̃ i tama yaxõgüxü̃ iyata̱xgü i ngẽma yuexü̃ —ñanagürü.

Colosenses 2:13

Rü ü̃pa ga pema rü tama pexü̃́ nayexma ga maxü̃ i taguma gúxü̃ yerü pepecaduã̱xgü rü pexenearü ngúchaü̃ i chixexü̃gu pemaxẽ. Natürü i ñu̱xma rü Cristuxü̃ namaxẽẽxü̃rüxü̃ pexü̃ namaxẽxẽxẽ ya Tupana, erü Cristuarü duü̃xü̃gü pixĩgü. Rü Tupana rü marü Cristugagu pexü̃́ nüxü̃ narüngüma ga guxü̃ma ga perü pecadugü.

Efesios 2:5

Rü yemaca̱x, woo tórü pecadugagu ñoma iyuexü̃rüxü̃ tixĩgü, natürü ga Tupana rü tüxna nanaxã ga maxü̃ ga yexguma Cristuxü̃ ínadaxẽẽgu. Rü ñu̱xma rü pexü̃́ nangẽxma i maxü̃ i taguma gúxü̃, erü Tupana pemaxã namecüma.

Ore i mexü̃ ga Luca ümatüxü̃ 12:19

Rü ngẽxguma marü namexgu i guxü̃ma, rü chaugümaxã tá ñacharügü: ‘Ñu̱xma rü tá icharüngü̃ rü mea tá chachibü rü mea chaxaxe rü ngẽmaãcü tá chataãxẽ. Erü namuxũchi i chorü ngẽmaxü̃gü, rü mucüma ya taunecü tá choxü̃́ natai’, ñacharügü tá chaugümaxã”.

Ore i mexü̃ ga Luca ümatüxü̃ 7:25

Rü yexguma tama gumá ípeyadaugügu, ¿rü ta̱xacü nixĩ ga ípeyadaugüxü̃? ¿Ẽ̱xna wüxi ga yatü ga nügü nga̱xãẽcü ípeyadaugü? Pema nüxü̃ pecua̱x i ngẽma nügü nga̱xãẽgüxü̃ rü nachixü̃anegüarü ãẽ̱xgacügüpatawa nangẽxmagü, rü taxuca̱xma chianexü̃wa nangẽxmagü.

Auxexü̃chiga 4:5

Rü yema ü̃paacü taxü̃ ga õna ngõ̱xgüxü̃ rü ñu̱xma rü taiyamaxã ĩanemagu nayue. Rü yema noxri ĩpatagü ga mexẽchixü̃wa maxẽxü̃ rü ñu̱xma rü guxchirewa namaxẽ.

Yeremía 6:2

Erü yima ĩane ya Chióü̃ ya mexẽchine rü tá nagu chapogü. Rü ñoma carnérugüarü dauruü̃gü rü muxü̃ i norü carnérugümaxã ngéma ngugüxü̃rüxü̃ tá ngéma nangugü i ngẽma norü uanügü i ãẽ̱xgacügü rü norü churaragümaxã. Rü tá nüxü̃ ínachomaeguãchi ya yima ĩane. Rü wüxichigü tá nügü ninu nachicagu.

Ichaía 47:1

Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

Ichaía 22:13

Natürü pemax rü taãẽgu, rü petagu iperücho. Rü wocagü rü carnérugü pedai, rü namachiarü ngṍxü̃ rü bínuarü axüxü̃ iperücho. Rü ñaperügügü: —Ngĩxã tachibüe rü taxaxegü erü moxü̃ rü tá marü tayue —ñaperügügü.

Ucu̱xẽgüchiga 29:21

Texé nabuxgutama nangexrüxe i wüxi i tümaarü mugüruxü̃, rü yixcüra rü tá poraãcü tüxü̃́ nangu̱x.

1 Chamué 25:6

Chanaxwa̱xe nax mexü̃ cuxü̃ ngupetüxü̃ wüxigu namaxã i cutanüxü̃ rü guxü̃ma i cuxacügü.

1 Chamué 15:32

Rü yemawena rü nüma ga Chamué rü ñanagürü: —¡Chauxü̃tawa penaga i Agáx i Amaréxtanüxü̃arü ãẽ̱xgacü! —ñanagürü. Rü yexguma Chamuépe̱xewa nagagüã̱xgu, rü nüma ga Agáx rü taãẽãcü yéma naxũ yerü nagu naxĩnügu rü marü nangupetü nax yama̱xgüchaü̃ãxü̃.

Wenaxarü naxümatü ga Tupanaarü mugü 28:56

Rü ngẽma ngecü i petanüwa mecümaxüchicü i tama ngearü chapatuã̱xcü waixü̃müanewa ngaxchaü̃cü rü tá ngĩte ya nüxü̃ nangechaxü̃xü̃chicü ixai rü ngĩnegüchi ixai rü ngĩxacügüchi ixai.

Wenaxarü naxümatü ga Tupanaarü mugü 28:54

Rü ngẽmaca̱x woo ngẽma yatü i mecümaxüchixü̃ rü taxúetama nüxü̃́ tangechaü̃tümüxü̃ ya naenexẽ rü woo naxma̱x i ngĩxü̃ nangechaü̃xü̃chicü, rü woo naxacügü ya nüxü̃́ íyaxügüe.

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Naanearü ügüchiga 2:17

Natürü ngẽma nanetü i cua̱x i mexü̃ rü cua̱x i chixexü̃ nawa ngẽxmaxü̃, rü taxũtáma cunangõ̱x i norü o. Erü ngẽxguma tá cunangõ̱xgux rü cumaxã nüxü̃ chixu rü tá cuyu —ñanagürü.

Norü taxre ga popera ga Timutéuca̱x naxümatüxü̃ ga Pauru 3:6

Erü ngẽma duü̃xü̃gütanüwa nangẽxmagü i nümaxü̃ i ĩpatagu ichocuetanüxü̃. Rü norü ngu̱xẽẽtaemaxã nayawomüxẽẽgü i ngẽma ngexü̃gü i ngéma ngẽxmagüxü̃ i tama naãẽxü̃ icuáxü̃ rü chixri maxẽxü̃. Rü ngẽma ngexü̃gü, rü norü ngúchaü̃gütama chixexü̃wa nanagagü, rü woo guxü̃guma nangúe natürü taguma aixcüma nüxü̃ nacua̱xgü i ngẽma ore i aixcüma ixĩxü̃.