Nüxíraxü̃xü̃ ga popera ga Timutéuca̱x naxümatüxü̃ ga Pauru 5:20 - Tupanaarü Ore

²⁰ Natürü ngẽma yaxõgüxü̃arü ãẽ̱xgacügü i aixcüma pecadugu maxẽxü̃, rü name nixĩ i guxü̃ i yaxõgüxü̃pe̱xewa cunaxucu̱xẽ, nax guxü̃ma i ngẽma togü i yaxõgüxü̃arü ãẽ̱xgacügü rü ta namuü̃exü̃ca̱x nax naxügüãxü̃ i ta̱xacürü chixexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:20 Referans Kwoze

Popera ga Títoca̱x naxümatüxü̃ ga Pauru 1:13

Rü aixcüma nixĩ ga yema ore ga nüxü̃ yaxuxü̃ ga yema yatü. Rü ngẽmaca̱x chanaxwa̱xe i poraãcü cuyaxucu̱xẽgü i ngẽma yaxõgüxü̃ nax aixcüma yaxõgüãxü̃ca̱x, rü tama nagu naxĩxü̃ca̱x i ngẽma Yudíugücüma. Rü tama name nax naga naxĩnüexü̃ i ngẽma duü̃xü̃gü i tama nüxü̃ cua̱xgüchaü̃xü̃ i ore i aixcüma ixĩxü̃.

Ngechuchuarü ngúexü̃gü ga yamugüxü̃arü puracüchiga 5:11

Rü yexguma nüxü̃ nacua̱xgügu ga yema ngupetüxü̃, rü guxü̃ma ga yema yaxõgüxü̃ rü yema togü ga duü̃xü̃gü rü ta poraãcüxüchima namuü̃e.

Wenaxarü naxümatü ga Tupanaarü mugü 13:11

Rü ngẽmaãcü guxü̃ma i Iraétanüxü̃ rü tá nüxü̃ naxĩnüe i ngẽma ngupetüxü̃chiga, rü tá poraãcü namuü̃e. Rü tagutáma wena texé tanaxüchaü̃ i nangexgumaraxü̃xü̃ i chixexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:20

Rü yema nixĩ ga nüxü̃ üpetüxü̃ ga Imenéu rü Areyándru. Rü düxwa choma Chatanána chanawogü ga yema taxre nax Chataná ngúxü̃ nüxü̃ ingexẽẽgüxü̃ca̱x nax ngẽmawa nüxü̃ nacua̱xgüxü̃ca̱x nax tama namexü̃ nax chixri Tupanachiga yadexagüxü̃.

Ngechuchuarü ngúexü̃gü ga yamugüxü̃arü puracüchiga 5:5

Rü yexguma yema orexü̃ naxĩnügu ga Ananía, rü yu̱xcüma inayangu. Rü poraãcüxüchima namuü̃e ga guxü̃ma ga yema duü̃xü̃gü ga yexguma yemaxü̃ nacuáchigagügu.

Wenaxarü naxümatü ga Tupanaarü mugü 21:21

Rü ngẽxguma guxü̃ma i ngẽma duü̃xü̃gü ya yima ĩanewa maxẽxü̃ rü tá nutamaxã ínanamuxũchigü rü ngẽmaãcü tá nayama̱xgü. Rü ngẽmaãcü tá peyanaxoxẽxẽ i ngẽma chixexü̃ i perü ĩanewa ngẽxmaxü̃. Rü ngẽxguma i ngẽma togü i Iraétanüxü̃ nüxü̃ nacua̱xgügu rü tá namuü̃e nax naxügüãxü̃ i chixexü̃.

Wenaxarü naxümatü ga Tupanaarü mugü 19:20

Rü ngẽxguma ngẽmaxü̃ nacua̱xgügu i ngẽma togü i duü̃xü̃gü rü tá namuü̃e rü taxũtáma ngẽma chixexü̃ naxügü.

Wenaxarü naxümatü ga Tupanaarü mugü 17:13

Rü ngẽxguma ngẽma Iraétanüxü̃ nüxü̃ cua̱xgügu rü tá namuü̃e, rü tá nüxü̃ narüxoe nax tama ãẽ̱xgacüga naxĩnüexü̃.

Ngechuchuarü ngúexü̃gü ga yamugüxü̃arü puracüchiga 19:17

Rü guxü̃ma ga Yudíugü rü Griégugü ga Epéchiuwa yexmagüxü̃ rü nüxü̃ nacuáchiga ga yema. Rü poraãcü namuü̃e ga guxü̃ma. Rü yemaacü yexeraãcü natachiga ga naéga ga Cori ga Ngechuchu.

Lebítanüxü̃arü puracüchiga 19:17

¡Rü taxṹ i naxchi cuxaiechaxü̃ i cuenexẽ! ¡Rü naxuxcu̱xẽ i cumücü i ngẽxguma chixexü̃ naxü̱xgu rü taxṹ i norü chixexü̃gu cuxãxü̃!

2 Corintios 7:11

Rü yema ngechaü̃ ga Tupana pexca̱x íngu̱xẽẽxü̃ nawa ga yema popera ga pexca̱x chaxümatüxü̃, rü dücax i ngẽma mexü̃ i nawa ínguxuchixü̃. Yerü yema perü ngechaü̃gagu rü aixcüma nagu perüxĩnüe ga yema chixexü̃ ga petanüwa ngupetüxü̃, rü meama chomaxã nüxü̃ pixu ga yema. Rü yema perü ngechaü̃gagu rü peãẽwa nangu̱x ga yema chixexü̃, rü poraãcü Tupanaxü̃ pemuü̃e. Rü yemaca̱x penaxwa̱xe nax yéma chaxũxü̃ nax pexü̃ chayarüngü̃xẽẽxü̃ca̱x, yerü penamexẽẽgüchaü̃ ga yema chixexü̃. Rü yemaca̱x ípenamuxuchi ga yema duü̃xü̃ ga chixexü̃ üxü̃. Rü guxü̃ ga yemawa rü ipenawe̱x nax tama pegagu yixĩxü̃ ga yema chixexü̃ ga ngupetüxü̃.

Efesios 5:11

Rü tama name i pema rü ta nagu pexĩ i ngẽma chixexü̃gü i taxuwama mexü̃ i ngẽma togü i duü̃xü̃gü i ẽanexü̃wa ngẽxmagüxü̃ ügüxü̃. Natürü narümemae nixĩ i penango̱xẽxẽ nax nachixexü̃ i ngẽma naxügüxü̃.

Popera ga Títoca̱x naxümatüxü̃ ga Pauru 2:15

Rü ngẽma ore tá nixĩ i Tupanaarü poramaxã duü̃xü̃güxü̃ namaxã cungúexẽẽxü̃ rü nüxü̃́ cunangúchaü̃xẽẽxü̃ rü namaxã cunaxucu̱xẽxü̃ nax Tupanaca̱x namaxẽxü̃ca̱x. Rü tama name nax texé cuxü̃ oxü̃.