Nüxíraxü̃xü̃ ga popera ga Timutéuca̱x naxümatüxü̃ ga Pauru 4:15 - Tupanaarü Ore

¹⁵ ¡Mea naxü i guxü̃ma i ngẽma cumaxã nüxü̃ chixuxü̃, nax ngẽmaãcü guxü̃ i duü̃xü̃gü nüxü̃ daugüxü̃ca̱x nax guxü̃ i ngunexü̃gu yexeraãcü mea Tupanaca̱x nax cumaxü̃xü̃!

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:15 Referans Kwoze

Ore i mexü̃ ga Matéu ümatüxü̃ 5:16

Rü name nixĩ i duü̃xü̃güpe̱xewa mea pemaxẽxü̃. Rü ngẽxguma i pema rü duü̃xü̃güca̱x rü ñoma omügürüxü̃ pixĩgü. Rü ngẽmaãcü i duü̃xü̃gü rü tá nüxü̃ nadaugü i ngẽma mexü̃ i pexüxü̃, rü tá nüxü̃ nicua̱xüü̃gü ya Penatü ya daxũwa ngẽxmacü.

Wiyaegü 143:5

Rü nagu charüxĩnü ga yema mexü̃gü ga taxü̃ ga nũxcüma toxca̱x cuxüxü̃. Rü nüxna chacua̱xãchi nax poraãcü toxü̃ curüngü̃xẽẽxü̃.

Wiyaegü 104:34

Rü chierüx Cori namaxã taãẽgu i ngẽma nagu charüxĩnüxü̃. Erü naxü̃taguxica nixĩ i nüxü̃ ichayangauxü̃ i chorü taãxẽ.

Ngechuchuarü ngúexü̃gü ga yamugüxü̃arü puracüchiga 6:4

Rü ngẽxguma i toma rü yumüxẽwa rü Tupanaarü orearü uchigawaxicatama tá tapuracüe —ñanagürügü.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Wiyaegü 119:97

Rü poraãcü choxü̃́ nangúchaü̃ i curü ucu̱xẽgü, rü wüxichigü i ngunexü̃gu rü nagu charüxĩnü.

Yochué 1:8

¡Rü guxü̃gutáma nawa cungu̱x i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü ícuxüxü̃wa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:6

Rü ngẽxguma ngẽma cumaxã nüxü̃ chixuxü̃ i oremaxã cunangúexẽẽgu i taenexẽ i yaxõgüxü̃, rü Ngechuchu ya Cristuarü mugüruxü̃ ya mecü tá quixĩ. Rü ngẽxguma nawa cungúechagu i ngẽma ore i marü quixõxü̃, rü ngẽxguma nagu quixũẽchagu i ngẽma mexü̃ i ngu̱xẽẽtae i marü nagu quixũxü̃, rü ngẽxguma tá nixĩ i wüxi ya mecü ya Ngechuchu ya Cristuarü mugüruxü̃ quixĩxü̃.

Wiyaegü 119:148

Rü naxü̃pa nax nachütaxü̃ rü daa chauxetügü rü ínamemare nax inadauexü̃ nax ngẽmaãcü mea nagu ícharüxĩnüxü̃ca̱x i curü unetagü.

Wiyaegü 119:99

Rü guxü̃ma i chorü ngu̱xẽẽruü̃güarü yexera nüxü̃ chacua̱x, erü poraãcü nagu charüxĩnü i ngẽma curü mugü.

Wiyaegü 119:48

Rü nüxü̃ changechaü̃ rü choxü̃́ nangúchaü̃ i ngẽma curü mugü. Rü poraãcü nagu charüxĩnü. -7-

Wiyaegü 119:15

Rü tá nagu charüxĩnüecha i curü mugü rü tá nagu chixũ i ngẽma cuma cunaxwa̱xexü̃.

2 Corintios 8:5

Rü yema nagu tarüxĩnüexü̃arü yexera ngĩxü̃ inaxãgü ga yema yaxõgüxü̃ ga Machedóniaanecüã̱x. Yerü Tupananaxíra nügü naxãgü rü yemawena toxna nügü naxuaxü̃gü nax toga naxĩnüexü̃ca̱x, yema Tupana naxwa̱xexü̃rüxü̃.

Wiyaegü 105:5

¡Rü nüxna pecua̱xãchie ga yema mexü̃gü ga taxü̃gü ga norü poramaxã naxüxü̃ rü ngẽma norü mugü ga pemaxã nüxü̃ yaxuxü̃ i pema nax Tupanaarü duü̃ ya Abraáü̃taagü pixĩgüxü̃ rü Acóbutaagü ya Tupana pexü̃ unetagüxe pixĩgüxü̃!

Wiyaegü 49:3

Rü ñu̱xmax rü tá chidexa namaxã i ore i cua̱x tüxna ãxü̃. Rü choma rü chauãẽxü̃ chacuáãcüma tá nüxü̃ chixu i ngẽma nagu charüxĩnüxü̃.

Wiyaegü 19:14

Rü chanaxwa̱xe i cunayaxu i ñaa chorü ore rü chorü ĩnügü, Pa Cori Pa Tupana ya chorü poxü̃ruxü̃ rü chorü nguxuchixẽẽruxü̃ nax quixĩxü̃.

1 Corintios 16:15

Rü dücax, Pa Chauenexẽgüx, pema nüxü̃ pecua̱x nax Etéfanatanüxü̃ yixĩxü̃ ga nüxíra yaxõgüxü̃ ga Acáyaanewa. Rü meama nüxü̃ pecua̱xgü nax poraãcü taenexẽgü i yaxõgüxü̃xü̃ nax nangü̃xẽẽgüxü̃.

Wiyaegü 119:23

Rü woo poraexü̃ i ãẽ̱xgacügü rü chixexü̃ chomaxã naxügüchaü̃gu, natürü i choma nax curü duü̃xü̃ chixĩxü̃ rü tá curü mugügu charüxĩnüama.

Wiyaegü 77:12

Rü nagu tá charüxĩnü ga guxü̃ma ga yema taxü̃gü ga mexü̃gü ga curü poramaxã cuxüxü̃.

Wiyaegü 63:6

Rü ngẽxguma ichacaxgu rü cuxna chacua̱xãchi, rü guxü̃ma i chütaxü̃gu cugu charüxĩnü.

Wiyaegü 1:2

Natürü tümaarü taãxẽ nixĩ nax nagu tamaxü̃xü̃ i Tupanaarü mugü rü guxü̃guma chütacü rü ngunecü ngẽmagu tarüxĩnü.

2 Corintios 4:14

Rü nüxü̃ tacua̱x rü Tupana ga yuwa Cori ya Ngechuchuxü̃ írüdaxẽẽcü, rü yimátama Tupana tá nixĩ ya wüxigu Ngechuchumaxã yuwa toxü̃ írüdagüxẽẽcü. Rü wüxigu pemaxã tá nügüxü̃tawa toxü̃ nagagüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:14

Rü tama name i nüxü̃ curüngü̃ma i ngẽma cua̱x ga Tupana cuxna ãxü̃ ga yexguma yema yaxõgüxü̃arü ãẽ̱xgacügü cuétü üxme̱xgüãcüma cumaxã nüxü̃ yaxugügu nax Tupana cuxna naxãxü̃ ga yema cua̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:16

¡Naxuãxẽ rü mea cugüna nadau rü mea nangúexẽxẽ i ngẽma ore rü mea naxüama i ngẽma puracü ya Tupana nagu cuxü̃ muxü̃! Erü ngẽxguma mea cunaxü̱xgu i ngẽma puracü, rü tá cunayaxu i maxü̃ i taguma gúxü̃ rü ngẽma cuxü̃́ irüxĩnüexü̃ rü tá ta nanayauxgü i ngẽma maxü̃.

Iraétanüxü̃arü muxchiga 8:26

Rü ngẽxguma marü 50 ya taunecü nüxü̃́ ngẽxmaguwena rü name nax namücügüxü̃ nangü̃xẽẽgüxü̃ i Tupanapataarü puracüwa, natürü taxũtáma guxü̃gu nanaxü i ngẽma puracü. Rü ngẽmaãcü tá cuyanu i ngẽma Lebítanüxü̃arü puracü —ñanagürü ga Tupana.