Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16 - Tupanaarü Ore

¹⁶ Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16 Referans Kwoze

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Romanos 16:25

¡Rü ñu̱xmax, rü ngĩxã nüxü̃ ticua̱xüü̃gü ya Tanatü ya Tupana! Rü nüma nüxü̃́ nangẽxma i pora nax pexü̃ naporaexẽẽxü̃ca̱x nax mea peyaxõgüamaxü̃ca̱x, ngẽma norü ore i tüxü̃ maxẽxẽẽxü̃ tamaxã nüxü̃ ixuxü̃rüxü̃. Rü ngẽma nixĩ i ore i guxü̃wama nüxü̃ chixuxü̃ rü namaxã changúexẽẽtaexü̃ ya Ngechuchu ya Cristuchiga. Rü ngẽmatama ore i Cristuchiga rü taxcha̱xwa naxẽxü̃gu ga noxri, natürü i ñu̱xma ya Tupana rü marü tüxü̃ nüxü̃ nacua̱xẽxẽ i ngẽma. Rü nũxcüma tauta naane uxgu rü Tupanaxicatama nüxü̃ nacua̱x ga yema, natürü i ñu̱xma rü norü orearü uruü̃gü ümatüxü̃ ga orewa taxca̱x nanango̱xẽxẽ. Rü ngẽma ore rü namaxã nawüxigu ga yema ore ga nũxcüma nüxü̃ yaxuxü̃ ga Tupana ya guxü̃guma maxẽchacü. Rü ñu̱xma ya Tupana rü nanamugü i norü orearü uruü̃gü nax guxü̃ma i nachixü̃anecüã̱xgü i duü̃xü̃gümaxã nüxü̃ yaxugüexü̃ca̱x i ngẽma ore i Cristuchiga nax nüxü̃́ yaxõgüãxü̃ca̱x rü naga nax naxĩnüexü̃ca̱x.

Ore i mexü̃ ga Luca ümatüxü̃ 24:4

Rü yema ngecügü rü poraãcü ibaixãchiãẽgü, rü tama nüxü̃ icua̱xgüéga ga ta̱xacü nax naxügüxü̃. Rü ngürüãchi nüxü̃ idaugü ga taxre ga yatügü ga ngĩxü̃tagu chigüxü̃ ga poraãcü iyaurachirutanücüüxü̃.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Nüxíraxü̃xü̃ ga popera ga Cuáü̃ ümatüxü̃ 1:2

Rü yimá maxẽxẽxẽruxü̃ rü toxü̃ nügü nawe̱x. Rü nüxü̃ tadaugü rü ngẽmaca̱x pemaxã nüxü̃ tixuchiga ya yimá tüxna naxãcü i maxü̃ i taguma gúxü̃. Rü noxri rü Nanatüxü̃tawa nayexma, natürü ñoma ga naanewa nangu rü toxca̱x nango̱x.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Colosenses 2:2

Rü ngẽmaãcü poraãcü chapuracü nax ngẽma duü̃xü̃güaxü̃́ chanangúchaü̃xẽẽxü̃ca̱x. Erü chanaxwa̱xe i guxü̃guma nügü nangechaü̃gü rü nüxü̃́ nangẽxma i ngẽma cua̱x i aixcüma ixĩxü̃ nax ngẽmaãcü meama nüxü̃ nacua̱xgüxü̃ca̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü yimá rü Cristutama nixĩ.

Colosenses 1:6

Rü ngẽmatama ore i mexü̃ ga pexü̃tawa nguxü̃, rü guxü̃wama nangu i ñu̱xmax. Rü ngẽma ore rü guxü̃wama duü̃xü̃güarü maxü̃xü̃ naxüchicüü, yema perü maxü̃xü̃ nax naxüchicüüxü̃rüxü̃ ga yexguma nüxü̃ pexĩnüegu nax Tupana pexü̃ ngechaü̃güxü̃ rü nüxü̃ pecua̱xgügu nax aixcüma yixĩxü̃ ga yema norü ore.

Ore i mexü̃ ga Luca ümatüxü̃ 22:43

Rü yexguma nayumüxẽgu rü wüxi ga daxũcüã̱x ga Tupanaarü orearü ngeruxü̃ rü naxca̱x nango̱x, rü nanaporaxẽxẽ.

Ore i mexü̃ ga Matéu ümatüxü̃ 3:16

Rü yexguma marü Cuáü̃ Ngechuchuxü̃ íbaiexẽẽguwena, rü dexáwa ínaxü̃ãchigu ga Ngechuchu. Rü yexgumatama niwãxna ga daxũguxü̃ ga naane, rü Ngechuchu nüxü̃ nadau ga Tupanaãxẽ ya Üünecü ga wüxi ga muxtucurüxü̃ nax inagoxü̃ rü nüxna nax nanguxü̃.

Nüxíraxü̃xü̃ ga popera ga Cuáü̃ ümatüxü̃ 3:5

Pema rü marü nüxü̃ pecua̱x rü Ngechuchu ya Cristu rü ñoma ga naanewa naxũ nax iyanaxoxẽẽãxü̃ca̱x i pecadugü. Natürü i nüma rü taguma pecadu naxü.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:9

Rü ngẽma diácunugü rü tanaxwa̱xe nax aixcüma mea yaxõgüãxü̃ i ngẽma ore i aixcüma ixĩxü̃. Rü nanaxwa̱xe i nügüãẽwatama nüxü̃ nacua̱xgü nax norü maxü̃ rü aixcüma yamexü̃ i Tupanape̱xewa.

Ore i mexü̃ ga Cuáü̃ ümatüxü̃ 20:12

Rü nüxü̃ idau ga taxre ga daxũcüã̱x ga Tupanaarü orearü ngeruü̃gü ga icómüchiruxü̃. Rü Ngechuchuxü̃ne ixǘchiréxü̃wa narütogü, rü wüxi ga naeru ixüxü̃waama rü to ga nacütawaama.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:9

Rü yemawena ichadawenü, rü nüxü̃ chadau ga muxũchixü̃ma ga naguxü̃raü̃xü̃ ga nachixü̃anecüã̱x, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga ĩanegücüã̱x, rü naguxü̃raü̃xü̃ ga duü̃xü̃gü ga to ga nagawa idexagüxü̃. Rü yema tochicaxü̃pe̱xegu rü gumá Carneruxacüpe̱xegu nachigü. Rü yema nax namuxũchixü̃ rü taxucürüwa texé tayaxugü nax ñuxre yixĩxü̃. Rü naxchiru ga icómüxü̃ rü imáxü̃maxã nixãxchiru. Rü naxme̱xwa nanangegü ga wairaatügü.

Nüxíraxü̃xü̃ ga popera ga Pedru ümatüxü̃ 1:20

Rü nüma ga Tupana rü woetama nũxcümaxü̃chima tauta naane ixügügu, rü marü Cristuxü̃ naxuneta nax pexca̱x nayuxü̃ca̱x. Natürü ñomaü̃cüü nixĩ ga nangóxü̃ ga gumá Cristu nax pexü̃ nangü̃xẽẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 7:7

Rü guxãma nüxü̃ tacua̱x rü ngẽxguma texé togueca̱x Tupanaarü ngü̃xẽẽca̱x ícaxgu, rü yíxema nüxna caxe rü ngẽma norü ngü̃xẽẽca̱x ítacaxü̃arü yexera tixĩ.

Efesios 6:19

Rü ngẽxgumarüxü̃ ta chanaxwa̱xe i cha̱u̱xca̱x peyumüxẽgü nax Tupana choxü̃ rüngü̃xẽẽxü̃ca̱x rü choxna naxããxü̃ca̱x i ngẽma ore i nüma nanaxwa̱xexü̃ nax nüxü̃ chixuxü̃. Rü chanaxwa̱xe i Tupanana naxca̱x peca nax choxü̃ naporaxẽẽxü̃ca̱x nax tama chamuü̃ãcüma nüxü̃ chixuxü̃ca̱x rü mea chanango̱xẽẽxü̃ca̱x i ngẽma norü ore i Cristuchiga ga noxri ẽxü̃guxü̃ i ñu̱xma maxü̃ tüxna ãxü̃.

Efesios 1:9

Rü tüxü̃ nüxü̃ nacua̱xẽxẽ ga norü ngúchaü̃ ga noxri nüxicatama nüxü̃ nacuáxü̃. Rü yema norü ngúchaü̃ ga nũxcümaxü̃chima Cristumaxã nagu naxĩnüxü̃ ga Tupana, rü yema nixĩ ga ñoma ga naanewa nax namuaxü̃ nax tüxü̃ yamaxẽxẽẽxü̃ca̱x.

Gálatas 4:4

Natürü yexguma nawa nanguxgu ga yema ngunexü̃ ga inaxunetaxü̃ ga Tupana, rü núma nanamu ga Nane. Rü duü̃xü̃gürüxü̃ wüxi ga ngewa nabu ga gumá Nane. Rü yema Moiché ümatüxü̃ ga mugütüü̃wa nayexma ga yexguma nabuxgu.

1 Corintios 15:47

Gumá nüxíraü̃cü ga yatü ga waixü̃müwa ücü, rü ñoma ga naanecüã̱x nixĩ. Natürü tórü Cori ya Cristu rü daxũguxü̃ i naanecüã̱x nixĩ.

1 Corintios 2:7

Natürü ngẽma cua̱x rü Tupanawa nixĩ i ne naxũxü̃. Rü ngẽma cua̱x nixĩ ga noxri tauta naane uxgu Tupanaxicatama nagu rüxĩnüxü̃ nax ñuxãcü tá tüxna naxããxü̃ i maxü̃ i taguma gúxü̃.

Romanos 10:18

Natürü i ñu̱xma rü pexna chaca, ¿ẽ̱xna ngẽma Yudíugü rü taguma nüxü̃ naxĩnüe i ngẽma ore i mexü̃ i Cristuchiga? Ngẽmáacü, marü nüxü̃ naxĩnüe. Erü Tupanaarü ore i ümatüxü̃wa rü ñanagürü: “Ngẽma Tupanaarü orearü uruü̃gü, rü guxü̃wama i ñoma i naanewa rü nüxü̃ nixugüe i norü ore”, ñanagürü i ngẽma ore.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Gálatas 2:8

Rü yimátama Tupana ga Pedruxü̃ mucü nax Yudíugümaxã nüxü̃ yaxuxü̃ca̱x ga ore i mexü̃, rü yimátama Tupana nixĩ ga choxü̃ mucü nax yema duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x i ngẽma norü ore.

Romanos 9:5

Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.

Ngechuchuarü ngúexü̃gü ga yamugüxü̃arü puracüchiga 10:34

Rü yexguma inanaxügü ga Pedru ga nax yadexaxü̃, rü ñanagürü: —Ñu̱xma waxi nixĩ i nüxü̃ chacuáxü̃ nax Tupanaca̱x nawüxiguxü̃ i guxü̃ma i duü̃xü̃gü, rü guxãxü̃ma nangechaxü̃xü̃.

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Ngechuchuarü ngúexü̃gü ga yamugüxü̃arü puracüchiga 14:27

Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.

Ore i mexü̃ ga Cuáü̃ ümatüxü̃ 16:28

Chaunatüxü̃tawa ne chaxũ nax ñoma ga naanewa chaxũxü̃ca̱x. Rü ñu̱xma rü tá nüxna chataegu i ñoma i naane nax wenaxarü Chaunatüxü̃tawa chaxũxü̃ca̱x —ñanagürü.

Ore i mexü̃ ga Luca ümatüxü̃ 24:51

Rü yexguma yema ngúexü̃güca̱x nayumüxẽguwena rü nüxna nayachü̱xüxãchi. Rü Tupana rü daxũguxü̃ ga naanewa nanaga.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:7

Rü yexguma ga yema orearü ngeruxü̃ rü ñanagürü choxü̃: “¿Ta̱xacüca̱x cubaixãchi? Dücax, tá cumaxã nüxü̃ chixu nax ta̱xacüchiga yixĩxü̃ i ngẽma nge, rü ta̱xacüchiga yixĩxü̃ i ngẽma ngo̱xo i 7 eruxü̃ rü 10 chata̱xcuxrexü̃ i naétüwa natoxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:5

Rü ngĩcatügu naxümatü ga wüxi ga naéga ga taxúema nüxü̃ cuáxü̃ nax ñuxũ ñaxü̃chiga yixĩxü̃. Rü yema naéga rü ñanagürü: “Taxü̃ne ya Babirónia i norü mama ixĩxü̃ne i ngẽma ngexü̃gü i naxü̃nemaxã taxegüxü̃ rü ngẽma ãũãchixü̃ i ñoma i naanewa ngẽxmagüxü̃”, ñanagürü.

Popera ga Yudíugü ga yaxõgüxü̃ca̱x ümatüxü̃ 8:1

Rü ngẽma pemaxã nüxü̃ tixuxchaü̃xü̃ i ñu̱xma nixĩ nax Tupanape̱xewa tüxü̃́ nangẽxmaxü̃ ya tórü ngü̃xẽẽruxü̃ ya chacherdóte ya Guxü̃étüwa Ngẽxmacü. Rü nüma rü daxũguxü̃ i naanewa i Tupanaarü tochicaxü̃arü tügünecüwawa narüto.

2 Tesalonicenses 2:7

Rü ngẽma chixexü̃ i bexma nagu naxĩnüxü̃ i Tupanaarü uanü, rü marü inaxügü nax nagu namaxẽxü̃ i duü̃xü̃gü. Natürü nümatama i ngẽma uanü rü taxũtá nango̱x ñu̱xmatáta ngẽma ínachaxãchixẽẽxü̃ nüxna ixũgachi.

2 Tesalonicenses 1:10

Rü ngẽmaãcü tá ngẽma duü̃xü̃gümaxã nangupetü i ngẽxguma tórü Cori ya Ngechuchu núma ũxgu nax norü duü̃xü̃gü i üünexü̃ nüxü̃ icua̱xüü̃güxü̃ca̱x. Rü guxü̃ma i yaxõgüxü̃ rü tá naba̱i̱xãchiãẽgü rü nataãẽgü i ngẽxguma nüxü̃ nadaugügu. Rü pema rü tá ta ngéma pengẽxmagü, yerü peyaxõgü ga yema Tupanaarü ore ga pemaxã nüxü̃ tixuxü̃.

Ngechuchuarü ngúexü̃gü ga yamugüxü̃arü puracüchiga 1:19

Rü nüxü̃ nacuáchigagü ga guxü̃ma ga Yerucharéü̃cüã̱x, rü yemaca̱x Achédamagu nanaxüéga ga yema naane. Rü ngẽma rü “Nagüchitaxü̃”, ñaxü̃chiga nixĩ.)

Ore i mexü̃ ga Cuáü̃ ümatüxü̃ 17:5

Rü ñu̱xma Pa Chaunatüx, rü chanaxwa̱xe i cugüxü̃tawa choxü̃ cungexmaxẽxẽ nax choxü̃́ nangẽxmaxü̃ca̱x ga yematama pora ga cumaxã choxü̃́ yexmaxü̃ ga noxri tauta naane uxgu.

Ore i mexü̃ ga Cuáü̃ ümatüxü̃ 15:26

Natürü choma rü Chaunatüégagu tá pexca̱x núma chanamu i perü Ngü̃xẽẽruxü̃ ya Naãxẽ ya Üünecü i tá pexü̃ nüxü̃ cua̱xẽxẽxü̃ i ore i aixcüma ixĩxü̃. Rü ngẽxguma ínanguxgu rü nüma tá meama pemaxã nüxü̃ nixu i chauchiga.

Ore i mexü̃ ga Cuáü̃ ümatüxü̃ 6:62

Rü ngẽxguma peãẽwa nangu̱xgu i ngẽma ore i pemaxã nüxü̃ chixuxü̃, rü ¿ta̱xacügu chi perüxĩnüexü̃ ega nüxü̃ peda̱u̱xgu nax wenaxarü daxũwa naxũxü̃ ya Tupana Nane ya duü̃xü̃xü̃ ixĩcü nax noxri ne naxũxü̃wa naxũxü̃?

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Ore i mexü̃ ga Márcu ümatüxü̃ 16:5

Rü yexguma nagu nachocugu ga yema naxma̱xü̃, rü nüxü̃ idaugü ga wüxi ga ngextü̱xücü ga ma̱xchiruxü̃ ga cómüchiruxü̃ ga yéma naxma̱xü̃arü tügünecüwawa rütoxü̃. Rü poraãcü ibaixãchiãẽgü ga yema ngecügü.

Ore i mexü̃ ga Márcu ümatüxü̃ 1:13

Rü yéma nayexma ga 40 ga ngunexü̃. Rü naeü̃gü ga idüraexü̃ íyexmagüxü̃wa nayexma, rü ngo̱xo ga Chataná rü nüxü̃ naxü. Natürü Tupanaarü orearü ngeruü̃gü ga daxũcüã̱x rü Ngechuchuxü̃ narüngü̃xẽẽgü.

Ore i mexü̃ ga Matéu ümatüxü̃ 28:2

Rü ngürüãchi poraãcü naxĩã̱xãchiane, yerü wüxi ga daxũcüã̱x ga Cori ya Tupanaarü orearü ngeruxü̃ ínarüxĩ, rü naxmaü̃wa nangu rü ínananguxgachi ga gumá nuta ga namaxã nangũxtaü̃cü ga yema naxmaxü̃. Rü ñu̱xũchi gumá nutaétüwa narüto.

Ore i mexü̃ ga Matéu ümatüxü̃ 13:11

Rü Ngechuchu nanangãxü̃, rü ñanagürü nüxü̃: —Tupana rü pexü̃xicatama nüxü̃ nacua̱xẽxẽ i ngẽma ẽxü̃guxü̃ nax ñuxãcü ãẽ̱xgacü yixĩxü̃ i daxũguxü̃ i naanewa. Natürü ngẽma togü i duü̃xü̃gü rü tama nüxü̃ nüxü̃ nacua̱xẽxẽ i ngẽmachiga.

Ore i mexü̃ ga Matéu ümatüxü̃ 4:11

Rü yexguma ga ngo̱xo ga Chataná rü Ngechuchuna nixũgachi. Rü Ngechuchuxü̃tawa nangugü ga ñuxre ga daxũcüã̱x ga Tupanaarü orearü ngeruü̃gü. Rü Ngechuchuna nadaugü rü nüxü̃ narüngü̃xẽẽgü.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Nüxíraxü̃xü̃ ga popera ga Pedru ümatüxü̃ 3:18

Yerü nümatama ga Cristu rü ngúxü̃ ninge, rü wüxicanatama guxãarü pecaduca̱x nayu. Rü nüma rü taxuxü̃ma ga chixexü̃ naxü, natürü chixexü̃ ga duü̃xü̃güca̱x ngúxü̃ ningẽ nax Tupanaxü̃tawa pexü̃ nagagüxü̃ca̱x. Rü woo nayu ga naxü̃ne, natürü ga naãxẽ rü namaxü̃.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Romanos 10:12

Rü Tupanape̱xewa rü guxü̃ma i duü̃xü̃gü rü nawüxigu. Rü woo Yudíugü yixĩxgu rü ẽ̱xna woo tama Yudíugü yixĩxgu, natürü Tupanape̱xewa rü nawüxigu i guxü̃ma i duü̃xü̃gü. Erü nüma ya tórü Cori, rü guxãarü Cori nixĩ. Rü nüma rü poraãcü tüxü̃ narüngü̃xẽxẽ ya guxãma ya yíxema ya nüxna caxe nax tüxü̃ namaxẽxẽẽxü̃ca̱x.

Romanos 3:4

Rü tama ngẽmaãcü nixĩ. Erü woo guxü̃ i duü̃xü̃gü rü yadorata̱a̱xgügu, natürü Tupana rü taguma nidora rü guxü̃guma nayanguxẽxẽ i ngẽma nüma tamaxã inaxunetaxü̃. Rü yemaca̱x norü ore ga Dabí ümatüxü̃wa rü ñanagürü: “Cumax, Pa Tupanax, rü aixcüma nixĩ i curü ore i nüxü̃ quixuxü̃. Rü ngẽxguma cuxü̃ tangugügu rü nüxü̃ tadaugü nax aixcüma cuyanguxẽẽxü̃ i ngẽma nüxü̃ quixuxü̃”, ñanagürü.

2 Corintios 1:19

Erü yimá Ngechuchu ya Cristu ya Tupana Nane ya Chilbánu rü Timutéu rü choma pemaxã nüxü̃ tixuchigacü, rü tama “Ngü̃”, ñanagürü rü ngẽxgumatama “Tama”, ñanagürü. Rü nüma rü aixcüma nayanguxẽxẽ i ngẽma nüxü̃ yaxuxü̃.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 3:8

Natürü yíxema pecadu üechaxe rü ngẽmawa tüxü̃ tacua̱x nax Chatanáarü duü̃xü̃ tixĩxü̃, erü nüma i Chataná rü noxriarü ügügumama pecadu naxüecha. Rü yemaca̱x ga Tupana Nane rü ñoma ga naanewa naxũ nax iyanaxoxẽẽãxü̃ca̱x ga yema Chataná üxü̃.

Ore i mexü̃ ga Luca ümatüxü̃ 20:44

Rü ñanagürü ga Ngechuchu: —¿Ñuxũcürüwa i Dabítaxa yixĩxü̃ ya Cristu ega nümatama ga Dabí rü norü Corimaxã naxuãgu? —ñanagürü.