Nüxíraxü̃xü̃ ga popera ga Timutéuca̱x naxümatüxü̃ ga Pauru 2:15 - Tupanaarü Ore

¹⁵ Rü ngẽma ngexü̃gü rü ngẽxguma naxãxãcügügu rü tá inayauxgü i maxü̃ i taguma gúxü̃ ega mea ngĩxacügümaxã inacua̱xgügu, rü aixcüma yaxõgüãgu, rü aixcüma duü̃xü̃güxü̃ nangechaü̃gu rü mea Tupanape̱xewa namaxẽgu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:15 Referans Kwoze

Popera ga Títoca̱x naxümatüxü̃ ga Pauru 2:12

Rü Tupana rü tamaxã namecüma rü ngẽmawa nüxü̃ tacua̱x nax namexü̃ nax nüxü̃ rüxoexü̃ i ñoma i naanecüã̱xarü ngúchaü̃gü rü guxü̃ma i togü i chixexü̃gü i nape̱xewa ixügüxü̃. Rü ngẽma Tupana taxca̱x üxü̃ tüxü̃ nangu̱xẽxẽ nax mea yigümaxã icua̱xgüãcüma duü̃xü̃güpe̱xewa rü Tupanape̱xewa mea imaxẽxü̃ i ñoma i naanewa.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:5

Rü ngẽma ucu̱xẽ i cumaxã nüxü̃ chixuxü̃ rü nachiga nixĩ i ngẽma ngechaü̃ i wüxi ya maxü̃ne ya ngearü chixexü̃ã́xü̃wa ne ũxü̃, rü wüxi i ĩnü i mexü̃wa ne ũxü̃, rü wüxi i õ i aixcüma ixĩxü̃wa ne ũxü̃. Rü name nax ngẽma ngechaü̃maxã yigü ingechaxü̃güxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:9

Rü chanaxwa̱xe i ngexü̃gü rü meamare üxü̃ i naxchirugu nicu̱xgü, rü meamare nügü namexẽẽyaegü, rü tama poraãcü nügü nanga̱xãẽgü úirumaxã rü meruxü̃gümaxã rü naxchiru i tatanüxü̃maxã.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Ore i mexü̃ ga Luca ümatüxü̃ 2:7

Rü yexma nabu ga nüxíraü̃cü ga ngĩne. Rü naxchápenüxü̃maxã inanuque. Rü wüxi ga wocaarü chibüchicagu inacanagüxẽxẽ, yerü guma ĩanearü pegüpataü̃ rü naxããcu.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Yeremía 31:22

Pa Iraétanüxü̃x, ¿ñuxguratáta nüxü̃ perüxoexü̃ nax choxna nu ne penaxĩmarexü̃ ñoma wüxi i pacü i ngĩnatüna nu ne naxũmarecürüxü̃? Rü choma rü tá chanango̱xẽxẽ i ta̱xacü i ñoma i naanewa ngexwaca̱xü̃xü̃. Rü wüxi i ngexü̃ i nateca̱x taeguxü̃rüxü̃ rü pema rü tá cha̱u̱xca̱x pewoegu —ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:14

Rü yemaacü ga tórü Cori ya Ngechuchu rü poraãcü choxü̃ nangechaxü̃ rü choxü̃ narüngü̃xẽxẽ nax nüxü̃́ chayaxõxü̃ca̱x rü nagagu guxü̃ma i duü̃xü̃güxü̃ changechaü̃xü̃ca̱x.

1 Corintios 12:23

Rü ngẽma taxünewa yexeraãcü naxca̱x ixãnexü̃, rü ngẽma nixĩ i yexera mea ixüxchiruxü̃. Rü ngẽma taxü̃newa ngẽxmaxü̃ i tama inaxwa̱xexü̃ nax nangóxü̃, rü ngẽma nixĩ i yexera mea idüxüxü̃.