Nüxíraxü̃xü̃ ga popera ga Pedru ümatüxü̃ 5:7 - Tupanaarü Ore

⁷ Rü name nixĩ i Tupanamaxã nüxü̃ pixu i guxü̃ma i perü oegaãẽgü, erü nüma ya Tupana rü guxü̃guma pegu narüxĩnü rü mea pexna nadau.

Nüxíraxü̃xü̃ ga popera ga Pedru ümatüxü̃ 5:7 Referans Kwoze

Wiyaegü 55:22

¡Cori ya Tupanamaxã nüxü̃ ixu i curü guxchaxü̃gü! Rü nüma rü tá cuxü̃ naporaxẽxẽ. Rü taguma nanaxwa̱xe nax chixexü̃gu tayixü̃ rü ngẽxma tarüchoxü̃ ya yíxema mexü̃ ügüxe.

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Wiyaegü 37:5

¡Rü Cori ya Tupaname̱xẽgu naxǘ i curü maxü̃! ¡Rü nüxü̃́ yaxõ! Rü nüma rü tá cuxü̃ narüngü̃xẽxẽ.

Wiyaegü 34:15

Erü nüma ya Cori ya Tupana rü tüxna nadau ya yíxema aixcüma mea maxẽxe. Rü tüxü̃́ nüxü̃ naxĩnü i tümaarü yumüxẽ.

Ore i mexü̃ ga Luca ümatüxü̃ 12:22

Rü yemawena rü norü ngúexü̃güxü̃ ñanagürü ga Ngechuchu: —Pemaxã nüxü̃ chixu ¡rü taxṹ i pexoegaãxẽgüxü̃ naxca̱x i ta̱xacü tá nax pengṍxü̃ rü ta̱xacümaxã tá pixãxchiruxü̃!

1 Chamué 30:6

Rü nüma ga Dabí rü naxoegaãẽ yerü ga yema norü duü̃xü̃gü rü nagu narüxĩnüe nax Dabíxü̃ nutamaxã ínamuxũchigüxü̃ yerü poraãcüma naxacügüca̱x nanue. Natürü nüma ga Dabí rü Cori ya Tupanana narüyoe rü nayaxõ nax Tupana tá nüxü̃ rüngü̃xẽẽxü̃.

Ore i mexü̃ ga Márcu ümatüxü̃ 4:38

Natürü ga Ngechuchu rü guma nguechinüwa wüxi ga cüxeruü̃gu naca, rü yéma nape. Rü ínanaba̱i̱xgügü, rü ñanagürügü nüxü̃: —Pa Ngúexẽxẽruxü̃x, ¿ẽ̱xna cuxü̃́ nanataxuraxü̃ma nax nuxma ibaxü̃güxü̃? —ñanagürügü.

Ore i mexü̃ ga Cuáü̃ ümatüxü̃ 10:13

Rü ngẽma yatü rü niña, erü norü diẽruca̱xicatama ngéma napuracü. Rü tama aixcüma carnérugügu narüxĩnü.

Wiyaegü 40:17

Pa Corix, ¡yáxna chomaxã naxĩnü woo nax cupe̱xewa taxuxü̃ma chixĩxü̃, rü changearü poraáxü̃ nax chaugü íchapoxü̃xü̃! Erü cuma nixĩ i choxü̃ curüngü̃xẽxẽxü̃ rü choxü̃ ícupoxü̃xü̃. Rü ngẽmaca̱x, Pa Chorü Tupanax ¡taxṹ i cunuxcüãẽxü̃ nax choxü̃ curüngü̃xẽxẽxü̃!

Ucu̱xẽgüchiga 16:3

Ngẽma cuxüxchaü̃xü̃ ¡rü Cori ya Tupaname̱xẽgu naxǘ! Rü ngẽmaãcü i ngẽma nagu curüxĩnüxü̃ rü tá mea cuxü̃́ ínanguxuchi.

Ore i mexü̃ ga Matéu ümatüxü̃ 6:27

¿Rü texé i petanüwa rü woo poraãcü taxoegaãẽgu rü ngẽmaãcü tá itanama̱xãchixẽxẽ i tümaarü maxü̃ i wüxi i ora?

Ore i mexü̃ ga Matéu ümatüxü̃ 6:28

¿Rü ta̱xacüca̱x pexoegaãẽgü naxca̱x i pexchiru? ¡Dücax penangugü i ngẽma putüragü i ngextámare yaexü̃ i tama puracüexü̃, rü tama nügü üxchirugüxü̃!

Ore i mexü̃ ga Matéu ümatüxü̃ 6:31

Rü ngẽmaca̱x tama name i pexoegaãẽgü rü ñaperügügü: ‘¿Ta̱xacü tá tangõ̱xgü?’ rüe̱xna ‘¿ta̱xacü tá tixaxgü?’ rüe̱xna ‘¿ta̱xacümaxã tá taxãxchirugü?’ ñaperügügü.

Ore i mexü̃ ga Luca ümatüxü̃ 12:26

Rü ngẽxguma tama pemaxã nanguxü̃gu nax penaxüxü̃ i ngẽma íraxchiréxü̃ nax wüxi i ora nüxü̃ pema̱xnetaxü̃ i perü maxü̃, rü ¿tü̱xcüü̃ naxca̱x pexoegaãxẽgüxü̃ i ngẽma pexü̃́ taxuxü̃?