Nüxíraxü̃xü̃ ga popera ga Pedru ümatüxü̃ 4:8 - Tupanaarü Ore

⁸ Rü guxü̃arü yexera i ngẽma pexü̃́ chanaxwa̱xexü̃ nixĩ nax aixcüma pegü pengechaü̃güxü̃ i wüxichigü. Erü ngẽxguma aixcüma pegü pengechaü̃gügu rü ngẽmaãcü inayarüxo i muxü̃ma i pecadugü.

Nüxíraxü̃xü̃ ga popera ga Pedru ümatüxü̃ 4:8 Referans Kwoze

Ucu̱xẽgüchiga 10:12

Ngẽma nax yigüchi ixaiexü̃ rü dai ínanguxẽxẽ, natürü yigü nax ingechaxü̃xü̃, rü yigüxü̃́ nüxü̃ itarüngüma i guxü̃ma i tórü guxchaxü̃gü.

Colosenses 3:14

Rü guxü̃arü yexera mexü̃ nixĩ nax pegü pengechaü̃güxü̃. Erü ngẽxguma aixcüma pegü pengechaü̃gügu rü wüxigu tá perüxĩnüe, rü pegümaxã tá pemecümagü.

Ucu̱xẽgüchiga 17:9

Yíxema tümamücüaxü̃́ nüxü̃ irüngümaxẽ i ngẽma guxchaxü̃ i naxüxü̃, rü nüxü̃ tangechaü̃. Natürü texé ya nagu rüxĩnüechaxe i ngẽma guxchaxü̃ i tümamücü üxü̃, rü aigu tarüxĩnü, rü tümamücüxü̃ tixĩgachixẽxẽ.

Nüxíraxü̃xü̃ ga popera ga Pedru ümatüxü̃ 1:22

Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.

Popera ga Chantiágu ümatüxü̃ 5:20

Erü ngẽxguma texé Tupanaca̱x nataeguẽẽgu i wüxi i duü̃xü̃ nüxna i norü chixexü̃, rü tümagagu Tupana tá nanamaxẽxẽ i ngẽma duü̃xü̃, rü tá nüxü̃́ nüxü̃ narüngüma i ngẽma muxü̃ i norü pecadugü.

1 Corintios 13:1

Rü woo togü i nagawa chidexagu, rü woo Tupanaarü orearü ngeruü̃gü i daxũcüã̱xgawa chidexagu, natürü ñoma wüxi i paxetaruxü̃ i ãgamarexü̃rüxü̃ chixĩ ega tama choxü̃́ nangẽxmagu i ngechaü̃.

1 Tesalonicenses 3:12

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax yexeraãcü pegü pengechaü̃güxü̃ca̱x rü guxü̃ i duü̃xü̃güxü̃ nax pengechaü̃güxü̃ca̱x, ngẽxgumarüxü̃ i toma rü poraãcü pexü̃ nax tangechaü̃güxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 13:1

Rü ñu̱xma rü name nax guxü̃guma pegü pengechaü̃güxü̃ ñoma peenexẽxü̃ pengechaü̃xü̃rüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:5

Rü ngẽma ucu̱xẽ i cumaxã nüxü̃ chixuxü̃ rü nachiga nixĩ i ngẽma ngechaü̃ i wüxi ya maxü̃ne ya ngearü chixexü̃ã́xü̃wa ne ũxü̃, rü wüxi i ĩnü i mexü̃wa ne ũxü̃, rü wüxi i õ i aixcüma ixĩxü̃wa ne ũxü̃. Rü name nax ngẽma ngechaü̃maxã yigü ingechaxü̃güxü̃.

2 Tesalonicenses 1:3

Pa Toenexẽgüx, guxü̃guma Tupanana moxẽ pexca̱x taxã. Rü name nixĩ nax ngẽmaãcü tanaxüxü̃, erü pema rü yexeraãcü peyaxõgüetanü, rü wüxichigü i pema rü yexeraãcü pegü pingechaü̃güetanü.

Ucu̱xẽgüchiga 18:13

Tama taãẽxü̃ tacua̱x rü wüxi i ãne nixĩ ega yaxtacüma tüxü̃ ichoxü̃gagu ya wüxi ya duü̃xẽ naxü̃pa nax nüxü̃ ixĩnüxü̃ i tümaarü dexa.

Ucu̱xẽgüchiga 12:16

Ngẽma duü̃xü̃ i tama naãẽxü̃ cuáxü̃ rü nanuãchiwa̱xe, natürü ngẽma duü̃xü̃ i naãẽxü̃ cuáxü̃, rü nüxü̃́ nanataxuraxü̃mare ega woo texé chixri nachiga idexagu.

Norü tomaepü̱x ga popera ga Cuáü̃ ümatüxü̃ 1:2

Pa Chauenexẽ ya Cuxü̃ Changechaü̃xex, rü ñu̱xma nax curü õwa mea iquixũxü̃, rü Tupanana chaca nax ngẽxgumarüxü̃ ta mea iquixũxü̃ca̱x i curü puracüwa rü curü maxü̃wa.

Popera ga Chantiágu ümatüxü̃ 5:12

Rü guxü̃arü yexera, Pa Chauenexẽgüx, rü ngẽxguma ta̱xacüca̱x ipexunetagu, rü tama name i Tupanaégagu ipexuneta, rü ẽ̱xna ñoma i naaneégagu ipexuneta, rü ẽ̱xna ta̱xacü i to i naégagu ipexuneta. Rü ngẽxguma “Ngü̃”, ñapegügu rü name nax peyanguxẽẽxü̃. Rü ngẽxguma “Tama”, ñapegügu rü name nax peyanguxẽẽxü̃. Rü ngẽxguma ya Tupana rü taxũtáma pexü̃ napoxcue naxca̱x i ngẽma perü uneta.

1 Corintios 13:4

Rü yíxema tüxü̃́ nangẽxmaxẽ i ngechaü̃ rü guxchaxü̃maxã yáxna taxĩnü, rü tamecüma. Rü tama taxãũxãchiwa̱xe, rü tama togüxü̃ tügü tarüyexera, rü tama tügü ticua̱xüxü̃.