Nüxíraxü̃xü̃ ga popera ga Pedru ümatüxü̃ 4:16 - Tupanaarü Ore

¹⁶ Natürü ngẽxguma texé Cristuaxü̃́ tayaxõxü̃gagu ngúxü̃ tingexgu, rü taxuca̱xma taxãnee. Rü name i ngẽmaca̱x Tupanaxü̃ ticua̱xüxü̃.

Nüxíraxü̃xü̃ ga popera ga Pedru ümatüxü̃ 4:16 Referans Kwoze

Filipenses 1:29

Rü ñu̱xma nax Tupana pexü̃ natauxchaxẽẽxü̃ nax Cristuaxü̃́ peyaxõgüxü̃, rü ngẽxgumarüxü̃ tá ta pexna nanaxã i pora nax Cristuca̱x ngúxü̃ pingegüxü̃.

Nüxíraxü̃xü̃ ga popera ga Pedru ümatüxü̃ 4:19

Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.

Norü taxre ga popera ga Timutéuca̱x naxümatüxü̃ ga Pauru 1:12

Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

Ichaía 50:7

Rü Tupana nixĩ ya choxü̃ rüngü̃xẽẽcü rü ngẽmaca̱x tama choxü̃́ nangu̱x woo chomaxã naguxchigagügu. Rü ngẽmaca̱x yáxna chaxĩnü ñoma wüxi ya nuta ya tama iã̱xãchicürüxü̃, erü nüxü̃ chacua̱x nax tagutáma chaxãnexü̃.

Ngechuchuarü ngúexü̃gü ga yamugüxü̃arü puracüchiga 26:28

Rü Pauruxü̃ nangãxü̃ ga Agrípa, rü ñanagürü: —¿Ẽ̱xna cuma nagu curüxĩnügu rü ngẽmaãcü noxre i curü oremaxã Cristuaxü̃́ choxü̃ cuyaxõxẽẽxü̃? —ñanagürü.

Ichaía 54:4

¡Rü taxṹ i pemuü̃exü̃! Erü taxũtáma ta̱xacü pemaxã nixugüe rü taxũtáma pexãnee. Rü yema guxchaxü̃gü ga ü̃pa pexü̃ ngupetüxü̃ rü tá nüxü̃ perüngümae rü taxũtáma nüxna pecua̱xãchie nax ñoma nge i yutecürüxü̃ nax pixĩgüxü̃. Erü nüma ya Tupana ya Guxü̃étüwa Ngẽxmacü ya pexü̃ ngóexẽẽcü rü tá pemaxã inacua̱x. Rü yima Iraétanüxü̃arü Tupana ya Üünecü nixĩ ya pexü̃ ínguxü̃xẽẽcü rü namaxã inacua̱x i guxü̃ma i ñoma i naanewa.

Ichaía 24:15

Rü éstewaama rü ñu̱xũchi ngẽma nachixü̃anegü i márpechinüwa ngẽxmagüxü̃wa rü Cori ya Iraétanüxü̃arü Tupanaxü̃ tá nicua̱xüü̃gü.

Ngechuchuarü ngúexü̃gü ga yamugüxü̃arü puracüchiga 11:26

Rü yexguma nüxü̃ iyangauxgu, rü Antioquíawa nanaga. Rü wüxi ga taunecü wüxiwa yéma nayexmagü namaxã ga yema yaxõgüxü̃. Rü nanangúexẽxẽ ga muxũchixü̃ma ga duü̃xü̃gü. Rü Antioquíawa nixĩ ga inaxügüxü̃ nax Cristutanüxü̃maxã nax naxugüãxü̃ ga yema yaxõgüxü̃.

Ngechuchuarü ngúexü̃gü ga yamugüxü̃arü puracüchiga 28:22

Rü cuxü̃tawa nüxü̃ taxĩnüechaü̃ rü ¿ñuxũ ñacuxü̃ i cumax? Erü nüxü̃ tacua̱xgü rü guxü̃wama i Yudíugü rü chixri nachiga nidexagü i ngẽma ore i ngexwaca̱xü̃xü̃ i Ngechuchuchiga —ñanagürügü.

Popera ga Chantiágu ümatüxü̃ 2:7

¿Taux ẽ̱xna ngẽma diẽruã̱xgüxü̃ yixĩxü̃ i chixexü̃ namaxã ixugüexü̃ i naéga i mexechixü̃ ya perü Cori ya Cristu?

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Nüxíraxü̃xü̃ ga popera ga Pedru ümatüxü̃ 4:11

Rü yíxema nüxü̃ cuáxe nax mea tidexaxü̃, rü name nixĩ nax Tupanaarü orexü̃ tixuxü̃. Rü ngẽxguma texé tüxü̃́ nangẽxmagu i cua̱x nax togüxü̃ tarüngü̃xẽẽxü̃, rü name nixĩ i ngẽma pora ya Tupana tüxna ãxü̃maxã nüxü̃ tarüngü̃xẽxẽ. Rü guxü̃ma i ngẽma pexüxü̃ rü name nixĩ i meama penaxü nax ngẽmaãcü Ngechuchu ya Cristugagu Tupanaxü̃ picua̱xüü̃güxü̃ca̱x. Erü nüma ya Tupana rü guxü̃guma naxüüne rü naporaxüchi. Rü ngẽmaãcü yixĩ.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.