Nüxíraxü̃xü̃ ga popera ga Pedru ümatüxü̃ 4:1 - Tupanaarü Ore

^1-2 Cristu rü naxü̃newa ngúxü̃ ningẽ, rü ngẽxgumarüxü̃ ta name nixĩ nax ípememarexü̃ nax ngúxü̃ pingegüxü̃. Rü yíxema ngúxü̃ ingexe rü marü nüxü̃ tarüxo i tümaarü pecadu nax ngẽmawena Tupana naxwa̱xexü̃ãcüma tamaxü̃xü̃ca̱x, rü tama tümaxü̃ne naxwa̱xexü̃ãcüma nax tamaxü̃xü̃ca̱x.

Nüxíraxü̃xü̃ ga popera ga Pedru ümatüxü̃ 4:1 Referans Kwoze

Gálatas 5:24

Rü ngẽma aixcüma Ngechuchu ya Cristuarü duü̃xü̃gü ixĩgüxü̃, rü marü nüxü̃ narüxoe ga naxü̃nearü ngúchaü̃gü, rü guxü̃ma ga yema ngúchaü̃gü ga tama mexü̃.

Nüxíraxü̃xü̃ ga popera ga Pedru ümatüxü̃ 3:18

Yerü nümatama ga Cristu rü ngúxü̃ ninge, rü wüxicanatama guxãarü pecaduca̱x nayu. Rü nüma rü taxuxü̃ma ga chixexü̃ naxü, natürü chixexü̃ ga duü̃xü̃güca̱x ngúxü̃ ningẽ nax Tupanaxü̃tawa pexü̃ nagagüxü̃ca̱x. Rü woo nayu ga naxü̃ne, natürü ga naãxẽ rü namaxü̃.

Romanos 6:11

Rü ngẽxgumarüxü̃ ta i pema rü name nixĩ i pegügu perüxĩnüe nax marü pecaducha̱xwa peyuexü̃ rü Tupanaca̱x pemaxẽxü̃, erü Ngechuchu ya Cristuarü duü̃xü̃gü pixĩgü.

Gálatas 2:20

Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.

Romanos 6:7

Erü yíxema yuxe rü marü tama pecadutüü̃wa tangexma nax yeü̃cürü pecadu taxüechaxü̃ca̱x.

Efesios 6:13

Rü ngẽmaca̱x name nixĩ i penayauxgü i guxü̃ma i ngẽma poxü̃ruü̃gü ya Tupana pexna ãxü̃, nax ngẽmaãcü pegü ípepoxü̃xü̃ca̱x i ngẽxguma ngẽma naãxẽgü pexü̃ nachixexẽẽchaü̃gu. Rü ngẽmaãcü taxũtáma pemaxã tapora i ngẽma naãxẽgü i chixexü̃ rü tá nüxü̃ perüporamaegü.

Ichaía 1:16

¡Rü pegü pemexẽxẽarü maxü̃ã̱xgü nax pimexü̃ca̱x! ¡Rü nüxna pixĩgachi i ngẽma chixexü̃ i chope̱xewa nagu pemaxẽxü̃! ¡Rü nüxü̃ perüxoe nax chixexü̃ pexüexü̃!

Filipenses 2:5

Rü name nixĩ ga yema Ngechuchu ya Cristu nagu rüxĩnüxü̃gu nax perüxĩnüexü̃ i pemax.

Romanos 6:2

Rü dücax, tama ngẽmaãcü nixĩ. Erü ñu̱xma pecaducha̱xwa rü ñoma iyuexü̃rüxü̃ tixĩgü, erü marü tama naga taxĩnüe. Rü ngẽmaca̱x tama name i yeü̃cürü pecadu taxügüecha.

Popera ga Yudíugü ga yaxõgüxü̃ca̱x ümatüxü̃ 12:3

Rü name nixĩ i nagu perüxĩnüe ga yema Ngechuchuxü̃ ngupetüxü̃ rü ñuxãcü yáxna namaxã nax naxĩnüxü̃ ga yema naxchi aiexü̃ ga pecaduã̱xgüxü̃ ga ngúxü̃ nüxü̃ ingexẽẽgüxü̃. Rü ngẽmaca̱x i pema i ñu̱xma rü tama name nax nüxü̃ perüchauexü̃ rü nüxü̃ perüxoexü̃ nax nüxü̃́ peyaxõgüxü̃.

Popera ga Yudíugü ga yaxõgüxü̃ca̱x ümatüxü̃ 4:10

Rü yíxema Tupanaxü̃tawa ichocuxe nax ngẽxma tarüngü̃ẽxü̃ca̱x, rü nüxna tarüngü̃ẽ i guxü̃ma i tümaarü puracügü yexgumarüxü̃ ga Tupana rü nüxna nax nangüxü̃ ga norü puracügü ga yexguma naane naxü̱xguwena.

Echequié 16:41

Rü tá ínanagugü ya cupatagü. Rü ñu̱xũchi muxü̃tama i ngexü̃güpe̱xewa tá cuxü̃ napoxcugü. Rü ngẽxma tá chayagu̱xẽxẽ nax cungeãẽxü̃. Rü marü taxũtáma nüxü̃́ cunaxütanügü ga yema namaxã cungeãẽgüxü̃.

Nüxíraxü̃xü̃ ga popera ga Pedru ümatüxü̃ 2:21

Rü ngẽma nax mexü̃ pexüxü̃gagu ngúxü̃ pingegüxü̃ca̱x nixĩ ya Tupana pexü̃ dexü̃. Yerü ga Cristu rü ta pexca̱x ngúxü̃ ninge. Rü yemaacü pexü̃ nüxü̃ nadauxẽxẽ nax naxrüxü̃ yáxna namaxã pexĩnüexü̃ i ngẽma ngúxü̃.

Wenaxarü naxümatü ga Tupanaarü mugü 27:10

Rü ngẽmaca̱x i ñu̱xma i pema rü penaxwa̱xe nax naga pexĩnüexü̃ rü peyanguxẽẽxü̃ i ngẽma norü mugü i ñu̱xma pemaxã nüxü̃ chixuxü̃ —ñanagürü ga Moiché.

Ore i mexü̃ ga Márcu ümatüxü̃ 3:3

Rü yexguma ga Ngechuchu rü ñanagürü nüxü̃ ga gumá yumécü: —¡Írüda, rü nuxã ngãxü̃tanügu yachi! —ñanagürü.